நேர்மை, எளிமை, தூய்மையின் அடையாளம்
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

29 ஜன
2018
00:00

ஓ.பி.ராமசாமி
01.2.1895 - 25.8.1970, ஓமந்தூர், திண்டிவனம்


அவர் ஒரு விவசாயி. வேளாண் தொழிலில் அதிக அக்கறை கொண்டவர். அதனால், விவசாய புள்ளிவிவரங்களும் நுட்பங்களும் அவருக்கு அத்துபடி. அப்படிப்பட்ட ஒருவர் ஒருங்கிணைந்த சென்னை மாகாணத்தின் முதல்வர் ஆனார். கிணறு வெட்ட மானியம், தரவாரியாக நெல்லுக்கு விலை, பயிர்க் காப்பீட்டுத் திட்டம், சாலை ஓரங்களில் மரங்கள் எனப் பெருமைக்குரிய திட்டங்கள் தீட்டி மாகாணம் செழிப்படையக் காரணமானார் ஓ.பி.ராமசாமி. திண்டிவனம் வால்டர் ஸ்கட்டர் பள்ளியில் படித்து, காந்தியச் சிந்தனைகளால் ஈர்க்கப்பட்டு, மிக இளம் வயதிலேயே சுதந்திரப் போராட்டத்தில் கலந்துகொண்டார். இந்தியா சுதந்திரம் பெற்ற பிறகு, ஹைதராபாத் சமஸ்தானத்தை இந்தியாவுடன் இணைத்ததில் அவருக்குப் பெரும் பங்குண்டு. நேர்மையும் எளிமையும் தூய்மையும் அவரிடம் இருந்ததால் கட்சித் தலைவர் + முதல்வர் பதவி அவரைத் தேடி வந்தது. முந்தைய அமைச்சரவையில் இருந்த அமைச்சர்களும் சட்டப்பேரவை உறுப்பினர்களும் இணைந்து, முதல்வர் நாற்காலியில் ஓ.பி.ராமசாமியை அமர வைத்தனர்.

பதவிக் காலத்தில் தனது அதிகாரத்தை வைத்து தன் குடும்பத்துக்கோ, கட்சிக்காரர்களுக்கோ எந்த விதச் சலுகையும் வழங்காமல் நேர்மையான ஆட்சியை (1947 மார்ச் 23 முதல் 1949 ஏப்ரல் 6 வரை) வழங்கினார். ஜமீன்தார் முறை ஒழிப்பு, ஊழலுக்கு எதிராக நடவடிக்கை, பூரண மதுவிலக்கு போன்றவற்றை அமல்படுத்தினார். நேர்மைக்குப் பரிசாக பலரும் நெருக்கடிகள் கொடுக்க ஆரம்பித்தனர். இதனால் பதவி விலக நேர்ந்தபோது, துளியும் கவலையின்றி துணிச்சலாகப் பதவியைத் துறந்தார் ஓமந்தூரார் பதவியிலிருந்து விலகி, அரசியல் வாழ்வைத் துறந்து, மீண்டும் விவசாயியாக மாறி, வடலூரில் தரிசாகக் கிடந்த பூர்வீக நிலங்களை விளைநிலங்களாக மாற்றினார். வள்ளலார் குருகுலப் பள்ளி, அநாதைகள் ஏழை மாணவர் இல்லம் போன்ற நிறுவனங்களையும் வடலூரில் ஏற்படுத்தி உதவினார். வாழ்வின் இறுதி மூச்சு வரை எளிமையையும், தூய்மையும் கடைப்பிடித்த மக்கள் தலைவர் ஓ.பி.ஆர். புகழ் காலம் கடந்து பேசப்படும்.

சிறப்புகள்
2010 : மத்திய அரசால் தபால்தலை வெளியிடப்பட்டது.
2013 : ஓமந்தூரில் தமிழக அரசின் சார்பில் மணிமண்டபம் திறக்கப்பட்டது.
2018 : இவரது பிறந்தநாளை அரசு விழாவாக கொண்டாட முடிவு

புதிய செய்திகளுக்கு தினமலர் சேனலை Subscribe செய்யுங்கள்
Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X