முன்னோடிகள் -1: கவிதை மொழியில் கதைகளை எழுதியவர்
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

02 ஏப்
2018
00:00

லா.ச.ராமாமிர்தம்
பிறப்பு: 1916 -அக்டோபர் 29,
லால்குடி, திருச்சி மாவட்டம்
இறப்பு: 2007 -அக்டோபர் 29.

ஓர் எழுத்தாளர் அவர். எப்போதும் எழுதிக்கொண்டேயிருப்பார். சிந்தனையோ சொல்லோ, விருப்பமோ தடைப்பட்டால், அந்த இடத்திலேயே பேனாவை வைத்துவிட்டு அவர் பாட்டுக்குப் போய்க்கொண்டேயிருப்பார். பிறகு நாள், மாதம், ஆண்டுகள் கடந்த பின்பு, தடைப்பட்ட சொல், அவர் மனத்தில் மீண்டும் எழுமானால், விட்ட இடத்திலிருந்து மறுபடியும் எழுதத் தொடங்குவார். அவர், லா.ச.ரா. என்று அழைக்கப்பட்ட லா.ச. ராமாமிர்தம்.
'கதை எங்கே தோன்றுகிறது, கரு எங்கே தோன்றுகிறது? என்று எனக்குத் தெரியவில்லை. ஒன்றுக்கொன்று சம்பந்தம் இல்லாமலும் இருக்கும். ஆனால், ஒரு கதை எழுதுவதற்காக எட்டு ஆண்டுகள் வரைக்கும் கூட செலவிட்டிருக்கிறேன்' என்கிறார்.
லா.ச.ரா.வின் தந்தையார் பெயர் சப்தரிஷி. தாயார் பெயர் ஸ்ரீமதி. தந்தை, ஊரின் பெயரை இணைத்து, லா.ச.ராமாமிர்தம் என்ற பெயரில் கதைகள் எழுதத் தொடங்கினார்.
இவரது 'எழுத்து நடை' தனித்தன்மை வாய்ந்தது. கதை சொல்வதில் புதிய நுட்பங்களைப் புகுத்தினார். மனத்தில் தோன்றும் எண்ணங்களைக் கவிதை மொழியில், கதைகளாக உருமாற்றினார்.
தனது பதினேழாவது வயதிலேயே எழுதத் தொடங்கிய லா.ச.ரா. எழுபத்தைந்து ஆண்டுகள் தொடர்ந்து எழுதிவந்தார். அவற்றில் 200 சிறுகதைகள், ஆறு நாவல்கள், ஏழு கட்டுரைத் தொகுப்புகள் அடங்கும்.
ஜனனி, பாற்கடல். அஞ்சலி, சிந்தாநதி (கட்டுரை), கல் சிரிக்கிறது, பிராயச்சித்தம் ஆகியன குறிப்பிடத்தக்கவை.
'சிந்தாநதி' என்கிற கட்டுரைத் தொகுப்புக்காக, லா.ச.ரா.வுக்கு 'சாகித்ய அகாதெமி விருது' வழங்கப்பட்டது.
லா.ச.ரா.வின் எழுத்துகள் குறித்து, 'The Incomparable Writer Ramamirtham' என்ற பெயரில் ஆங்கிலத்தில் கட்டுரை நூல் வெளிவந்துள்ளது.
எழுதுபவர்களுக்கு லா.ச.ரா. கூறும் அறிவுரை, 'ஒரு காகிதத்தில் 'நெருப்பு' என்று எழுதினால், அங்கு பொசுங்குகிற நெடி வர வேண்டும்' எழுத்தின் சக்தி அப்படி இருக்க வேண்டும் என்கிறார் .
'எழுதிப் புகழடைய வேண்டும் என்ற எண்ணம் எனக்கு எப்போதுமே இருந்ததில்லை. ஆனால், எழுதாமல் இருக்கவும் முடியவில்லை. ஆரம்பத்தில் குடும்பத்துக்கு வருமானம் தேவையாக இருந்தது. அதற்காக எழுதினேன். பிறகு பணத்தின் மீதான ருசி போய்விட்டது. ஆனாலும், நான் எழுதிய எழுத்து எதுவும் வீணாகவில்லை' என்பது தன்னைப் பற்றி அவர் செய்து கொள்ளும் விமர்சனம். தான் பிறந்த மாதம், தேதியிலேயே அவர் மரணமும் நிகழ்ந்தது.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X