ஈ.சி.ஆர்.,யில் விபத்துக்களை தவிர்க்க நடைமேம்பாலங்கள் தேவை
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

25 பிப்
2011
00:00

ஆர்.சீனிவாசன்
திருவான்மியூர் முதல் ஈஞ்சம்பாக்கம் வரை கிழக்கு கடற்கரை சாலையில் பொதுமக்கள் அதிகம் கடக்கும் பகுதியில் விபத்துக்கள் அதிகரித்து வருகின்றன. இதை தவிர்க்க நடைமேம்பாலங்கள் அமைக்க வேண்டும். சென்னை புறநகரில் அதிக போக்குவரத்து கொண்ட சாலைகளில் கிழக்கு கடற்கரை சாலையும் ஒன்று. இந்த சாலையில் முட்டுக்காடு வரை கேளிக்கை அரங்குகள், முதலைப் பண்ணை, படகு குழாம், தீம் பார்க்குகள் உள்ளன. மாமல்லபுரம் செல்லும் வெளிநாட்டு சுற்றுலாப் பயணிகளின் போக்குவரத்தும் இந்த சாலையில் அதிகம். வார விடுமுறை நாட்களில் ஈ.சி.ஆர்.,யில் போக்குவரத்திற்கு குறைவில்லை. இதன் காரணமாக 24 மணி நேரமும் போக்குவரத்து காணப்படும். இந்நிலையில், இந்த சாலையை விரிவாக்கம் செய்ய அரசு திட்டமிட்டுள்ளது.
திருவான்மியூர் முதல் ஈஞ்சம்பாக்கம் வரை கிழக்கு கடற்கரை சாலையின் இருபுறமும் ஏராளமான கடைகளும், குடியிருப்புகளும் உள்ளன. இப்பகுதியில் வசிப்போர் தங்களின் தேவைக்காக பல இடங்களில் சாலையை கடக்கின்றனர். குறிப்பாக திருவான்மியூர், கொட்டிவாக்கம், பாலவாக்கம், நீலாங்கரை, வெட்டுவாங்கேணி, ஈஞ்சம்பாக்கம் ஆகிய பகுதி பஸ் நிறுத்தங்கள் உள்ள பகுதிகளில் பீக்-அவர்சில் நாள் ஒன்றுக்கு ஆயிரக்கணக்கானோர் சாலையை கடக்கின்றனர். குறிப்பிட்ட ஒரு சில இடங்களை தவிர மற்ற இடங்களில், பொதுமக்கள் தங்கள் இஷ்டத்திற்கு சாலையை கடக்கின்றனர். இதனால், அடிக்கடி விபத்துக்கள் ஏற்பட்டு பல உயிரிழப்புகள் ஏற்படுகிறது. எனவே, கிழக்கு கடற்கரை சாலையை பொதுமக்கள் பாதுகாப்புடன் கடக்கும் வகையில் நடைமேம்பாலங்கள் அமைக்க வேண்டும் என்ற கோரிக்கை எழுந்துள்ளது.
அப்பகுதி பொதுநலச் சங்கத்தினர் கூறியதாவது:
திருவான்மியூர் முதல் ஈஞ்சம்பாக்க்ம் வரை தினமும் கிழக்கு கடற்கரை சாலையை கடப்பவர்களின் எண்ணிக்கை 10 ஆயிரத்திற்கும் அதிகமாக உள்ளது. அவசரத்தில் பொதுமக்கள் கவனக்குறைவுடன் சாலையை கடக்கும் போது, வாகனங்கள் வேகத்தை கட்டுப்படுத்த முடியாமல் விபத்துக்களை ஏற்படுத்துகின்றன. திருவான்மியூரில் இருந்து ஈஞ்சம்பாக்கம் வரை மீடியன் உயரம் குறைவாக இருப்பதால் பொதுமக்கள் தங்கள் இஷ்டத்திற்கு சாலையை கடக்கின்றனர். தற்போது, நீலாங்கரை முதல் திருவான்மியூர் வரை மீடியன் உயர்த்தி அமைக்கப்பட்டு வருகிறது. இருப்பினும் இதற்கு ஒரே நிரந்தர தீர்வு நடை மேம்பாலம் அமைப்பதுதான். சம்பந்தப்பட்ட துறை அதிகாரிகள் ஆய்வு மேற்கொண்டு பொதுமக்கள் அதிகம் சாலையை கடக்கும் பகுதிகளில் நடைமேம்பாலம் அமைக்க நடவடிக்கை எடுக்க வேண்டும். இவ்வாறு அவர்கள் தெரிவித்தனர்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X