ஒப்பிட முடியாத தனித்தன்மை!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

16 ஏப்
2018
00:00

கவிஞர் பிரமிள்
பிறப்பு: ஏப்ரல் 20, 1939
மறைவு: ஜனவரி 6, 1997


சிவராமலிங்கம் என்னும் இயற்பெயர் கொண்ட பிரமிள், இலங்கையின் கிழக்கு மாகாணமாகிய திருகோணமலையில் பிறந்தார்.
இலங்கையிலிருந்தபடியே, சி.சு.செல்லப்பா நடத்திய தமிழின் முன்னோடி சிறு பத்திரிகையான 'எழுத்து' பத்திரிகையில் தன் இருபது வயதில் எழுதத் தொடங்கிய பிரமிள், 1969இல் சென்னை வந்தார்.
இலங்கையைப் பிறப்பிடமாகக் கொண்டிருந்தாலும், பிரமிள், தமிழக எழுத்தாளராகவே அறியப்படுகிறார். டில்லி, திருவனந்தபுரம், பூதப்பாண்டி, நாகர்கோவில், மதுரை, சென்னை என, பல இடங்களில் வசித்தார்.
லஷ்மி ஜோதி, இலக்குமி இளங்கோ, கௌரி, பூம் பொற்கொடி இளங்கோ, டி.சி.ராமலிங்கம், பிருமிள், பிரமீள், பிரேமிள், பிரமிள் பானு, ஜீவராம் அருப்பிருமீள், அஜித்ராம் பிரேமிள், பிரமிள் பானுச்சந்திரன், பானு அரூப் சிவராம், விக்ரம் குப்தன் பிரமிள், ராம் தியவ் விபூதி பிரமிள், தியவ் விஷ்ணுவ் அக்னி ராம்பிரமிள், அரூப் சிவராமு, ஔரூப் சிவராம், தர்மு சிவராம், தருமு சிவராமு என்று பல பெயர்களை தனக்குத்தானே சூட்டிக்கொண்டவர்.
'கண்ணாடியுள்ளிருந்து',
'கைப்பிடியளவு கடல்',
'மேல்நோக்கிய பயணம்' ஆகியன அவரது கவிதைத் தொகுப்புகளாகும்.
மிகக்கூர்மையான விமர்சகராக அறியப்பட்டவர் பிரமிள். பல படைப்பாளிகளைத் தன் விமர்சனத்தால் செம்மையாக்கினார். தயவுதாட்சண்யமின்றி விமர்சனம் செய்யக்கூடியவர்.
20-ஆம் நூற்றாண்டு தமிழ் இலக்கிய வெளியில் பாரதி, புதுமைப்பித்தனுக்குப் பிறகு வைக்கப்படவேண்டிய பெயர் 'பிரமிள்' .
கவிதை, சிறுகதை, விமர்சனம், ஆன்மிகம், ஓவியம், சிற்பக்கலை போன்றவற்றிலும் தன் திறமையை வெளிப்படுத்தியவர் பிரமிள்.
ஆரம்பக் கல்விச் சான்றிதழ்கூட இல்லாத பிரமிள், 'தமிழின் மாமேதை' என்று தி.ஜானகிராமனாலும், 'உரைநடையின் அதிகபட்ச சாத்தியத்தை நிறைவேற்றியவர்' என்று சி.சு.செல்லப்பாவாலும் பாராட்டப்பட்டவர்.
இவரது எழுத்து நடையும், சிந்தனைப் போக்கும் மற்ற யாருடனும் ஒப்பிடமுடியாத அளவுக்கு தனித்தன்மை வாய்ந்தவை.
பிரமிளின் கவிதைகள் உணர்ச்சியின் தீவிரத்தில் அடுக்கடுக்கான படிமங்களையும், சொற்பிரயோகங்களையும் கொண்டவை. ஆரம்ப நிலை வாசகருக்கு அந்தக் கவிதைகள் பெரும் சிரமத்தைக் கொடுக்கக் கூடியவை. ஆனால், வாசிப்பில் அதிகம் ஈடுபாடு உள்ளவர்களுக்கு, பிரமிளின் கவிதைகள் அற்புதமான அனுபவத்தைத் தரும்.
பிழைப்புக்காக எந்த வேலையும் செய்யாதவர். வாசிப்பதும் எழுதுவதுமே தன் முழுநேர வேலை என்று வாழ்ந்தவர்.
'சிறகிலிருந்து பிரிந்த
இறகு ஒன்று
காற்றின் தீராத பக்கங்களில்
ஒரு பறவையின் வாழ்வை
எழுதிச் செல்கிறது'
இவரது இந்தக் கவிதையைப் போலவே, இவரது பெயரையும் எழுதிச் செல்கிறது தமிழ் இலக்கிய வரலாறு.

- த. சங்கர்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X