Dinamalar

அன்புடன் அந்தரங்கம்!
Advertisement
 
 
 
Advertisement
Advertisement
புகைப்பட ஆல்பம்
dinamalar-advertisement-tariff
Dinamalar - World's No 1 Tamil News Website
 
Advertisement
 
எழுத்தின் அளவு:

பதிவு செய்த நாள்

24 ஜூன்
2018
00:00

அன்பு சகோதரி —
நான், 45 வயது பெண்; கணவர் வயது, 50. கல்லுாரியில் படிக்கும், இரண்டு மகள் மற்றும் பள்ளி இறுதியாண்டு படிக்கும் ஒரு மகன் உள்ளனர்.
பனிரெண்டாம் வகுப்பு முடித்தவுடனே, எனக்கு திருமணம் செய்து விட்டனர். படிப்பில் அதிக ஆர்வம் இருந்தாலும், குடும்ப கடமைகளால், மேற்படிப்பு படிக்க இயலவில்லை.
தற்போது, ஓரளவுக்கு கடமைகள் நிறைவேறி விட்டதால், படிக்கும் ஆர்வம் மேலோங்கி வருகிறது.

பெண்களுக்கு திருமணம் செய்வதற்கு, இன்னும் சில காலம் உள்ளது; அதற்குள் ஒரு டிகிரியாவது படித்து விட மாட்டோமா என்று ஏங்குகிறேன்.
'மருமகன் வரும் வயதில் படிப்பு என்ன வேண்டி கிடக்கிறது...' என்கிறார் கணவர். உறவினர்களோ, 'இந்த வயதில் எதற்கு இந்த ஆசையெல்லாம்...' என்று ஆர்வத்துக்கு தடை விதிக்கின்றனர்.
மகள்கள் படிக்கும் போது, அருகில் அமர்ந்து, அவர்கள் படிப்பதையே பார்த்துக் கொண்டிருப்பேன். என் ஆர்வத்தை புரிந்து, அவர்கள் என்னை மேற்கொண்டு படிக்க துாண்டுகின்றனர்.
ஆனால், கணவரும், மாமியாரும் தடைக்கல்லாக நிற்கின்றனர். படிக்கும் ஆவலை எப்படி பூர்த்தி செய்து கொள்வது என்று தெரியாமல், அலைபாய்ந்து கொண்டிருக்கிறேன்.
தக்க ஆலோசனை தாருங்கள், சகோதரி!
— இப்படிக்கு,
உங்கள் சகோதரி.


அன்பு சகோதரி —
ஆணின் கல்வி - கற்ற ஆணுக்கு மட்டுமே பயன்படும். பெண்ணின் கல்வி - அவளின் அடுத்த, 10 தலைமுறைக்கும் அறிவூட்டக் கூடியது. பெண்கள் சொந்த காலில் நிற்க, கல்வி மட்டும் உதவுவதில்லை, சிறந்த குடும்பத் தலைவியாக திகழவும் உதவுகிறது.
கல்வி கற்ற பெண்கள், குடும்ப நிர்வாகத்திலும், குழந்தை வளர்ப்பிலும் பிரமாதமாக செயல்படுகின்றனர். கல்வி என்னும் ஆயுதம் கொண்டு தான், பெண்களால், ஆணாதிக்கத்தை கத்தியின்றி ரத்தமின்றி வேரறுக்க முடியும். கல்வி, பெண்களின் மூன்றாவது கண், ஏழாவது அறிவு, வாழ்நாள் முழுக்க உதவும், ஏ.டி.எம்., மாஸ்டர் கார்டு.
இரண்டு மகள்கள், ஒரு மகன் ஆதரவோடு, கணவன் - மாமியார் எதிர்ப்பை தவிடு பொடியாக்கு. கணவன் - மாமியாரிடம் இதம் பதமாய் பேசி, சம்மதம் பெறு. அவர்கள் சம்மதிக்காவிட்டால் பரவாயில்லை, நீயே தரமான ஒரு பல்கலையின் தொலைதுார கல்வி இயக்ககத்தை அணுகி, இளங்கலை பட்டப் படிப்பில் சேர்ந்து, செமினார் வகுப்புகளுக்கு போ. செமினாருக்கு வரும் கலவையான மாணவ - மாணவியரிடம் கலந்துரையாடு. செமினார் எடுக்கும் ஆசிரியரிடம் சந்தேகம் கேள். 'அசைன்மென்டு'கள் எழுத சொன்னால், அழகாக எழுது. எவ்வித கல்வி அனுபவங்களும் பெறாமல், பட்டம் பெறுவது பாவம். அனுபவித்து படி. ஒரு விவசாயி, நெல் மகசூல் பண்ண, என்னென்ன பணிகளில் ஈடுபடுவானோ, அதைப்போல, ஒரு பட்டத்தை பெற, அதற்கான பணிகளில் ஈடுபடு. இளங்கலை பட்டப் படிப்போடு நின்று விடாமல், தொடர்ந்து படித்து, பல பட்டங்களை பெறு.
கல்வி கட்டணத்துக்காக, கணவனிடம் கையேந்தாதே. சேர்த்து வைத்த சிறுவாடு பணத்தில் அல்லது மகள் - மகன் பாக்கெட் மணியில் அல்லது நீ போட்டிருக்கும் நகையை விற்று படி. கணவன் - மாமியாரை எதிர்த்து படிக்கிறோம் என்கிற கர்வத்தில், அவர்களை பகைமை பாராட்டாதே. நீ குட்டிக்கரணம் போட்டு படிப்பதை, உன் கணவன் ஒரு கட்டத்தில் ரசிக்க ஆரம்பித்து விடுவான்.
அகராதி வைத்து, தெரியாத வார்தைகளுக்கு அர்த்தம் தேடு. தேர்வுகளை குருட்டு மனப்பாடமாக எழுதாமல், உன் சொந்த புரிதலில் எழுது. தினம், தமிழ் தினசரி வாசி. 'டிவி' சீரியல்களை பார்க்காமல், தமிழ் - ஆங்கில செய்திகளை கேள். மகள் - மகன்களின் பாடப் புத்தகங்களை புரிந்த அளவுக்கு வாசித்து பார்.
நீ மட்டும் படிக்காது, இல்லத்தரசிகளாக இருக்கும், உன் தோழிகளையும் படிக்க சொல். 'இல்லத்தரசிகள் நாம் அனைவரும், வெண் தாமரையில் வீற்றிருக்கும் சரஸ்வதியின் கடாட்சத்தை பெறுவோம்...' என்று சொல்.
— என்றென்றும் தாய்மையுடன்
சகுந்தலா கோபிநாத்.

புதிய செய்திகளுக்கு தினமலர் சேனலை Subscribe செய்யுங்கள்
Threads & YouTube & Telegram
Advertisement

 

மேலும் வாரமலர் செய்திகள்:

» தினமலர் முதல் பக்கம்
» வாரமலர் முதல் பக்கம்


வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (4)
Karthik -  ( Posted via: Dinamalar Android App )
25-ஜூன்-201815:11:20 IST Report Abuse
Karthik Best wishes, but see that no-one ll come for help if u meet with family problems. These type of suggestions may a gap between husband and wife..
Rate this:
Cancel
Venkatachalam Muthu - Singapore,சிங்கப்பூர்
25-ஜூன்-201806:39:48 IST Report Abuse
Venkatachalam Muthu வாழ்த்துக்கள் அம்மணி. இன்றைய கால கட்டத்தில் படிப்பு என்ற அங்கீகாரம் பெரிய தேவை அல்ல. நீங்கள் இந்த பட்டத்தை தாண்டி பல விஷயங்களை சாதிப்பீர்கள். மூன்று மக்களை பெற்று வளர்ப்பதில் நீங்கள் ஆற்றிய பனி மற்றும் உங்களுக்கு கிடைத்த அனுபவங்கள் பட்ட படிப்பிற்கு மேற்பட்டது. சகுந்தலா கோபிநாத் அறிவுரைக்கு ஒப்ப உங்கள் சொந்தக் கருத்துக்களில் உங்கள் புரிதலுக்கு ஏற்ப வினாக்களுக்கு பதில்களை வழங்கி செயல்படுங்கள். வாழ்க வளமுடன்.
Rate this:
Cancel
sulochana - chennai,ஆஸ்திரேலியா
24-ஜூன்-201814:21:37 IST Report Abuse
sulochana இவ்வளவு ஒரு சாதாரணமான பிரச்னையை படிப்பது மகிழ்ச்சியாக உள்ளது. இதை சில வழிகளில் தீர்த்துவிடலாம். உங்களுடைய எந்த நிலைக்கும் பாதிப்பு வராமலேயே.... நாம் எப்படிப்பட்ட கணித மேதை இலக்கிய மேதை மொழிமேதை என்று இருந்தாலும் கல்லூரிக்கு போய் ஒரு டிகிரி எடுத்து செர்டிபிகாடே வாங்குவது போல இருக்காது என்னும் உங்கள் ஏக்கம் புரிகிறது. மேல்நாடுகள் என்றல் இப்பொழுதும் நீங்கள் கல்லூரி போகலாம், இந்தியாவில் மட்டும் என்ன உங்களுக்கு கவலை இல்லை என்றால் நீங்கள் போய் படிக்கலாம். முடியாத பட்சத்தில் இப்பொழு ஆன்லைன் படிப்புகள் ஏக்க சக்கமாக உள்ளது. வெளிநாட்டு படிப்புகள் உள்பட. , அல்லது உங்கள் பிள்ளைகள் சப்போர்டுடன் கரெஸ்பாண்டென்ஸ் படிப்புகள் நல்ல சாய்ஸ் கிடைக்கின்றன. அடுத்து இந்த முறையில் நீங்கள் படிப்பது நீங்களாகவே விரும்பினாலொழிய மற்ற யாருக்கும் தெரியாது.உங்கள் குழந்தைகளுடைய படிப்பு materials என்று சொல்லிக்கொள்ளலாம் நன்மைக்கு பொய் சொல்வது தவறு இல்லை. எல்லாமே உங்கள் கையில் தான்உள்ளது
Rate this:
Cancel

உங்கள் கருத்தைப் பதிவு செய்ய :
My Page
Login :

New to Dinamalar ?
Create an account
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.
சினிமா | வர்த்தகம் | விளையாட்டு | புத்தகங்கள் | உலக தமிழர் செய்திகள் | Advertisement Tariff | வாசகர் கடிதம் | International Edition | Dinamalar Publications
Copyright © 2023 Dinamalar - No.1 Tamil website in the world. Designed and Hosted by Web Division,Dinamalar.  | Contact us

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X