அந்துமணி பதில்கள்! | வாரமலர் | Varamalar | tamil weekly supplements
அந்துமணி பதில்கள்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 

பதிவு செய்த நாள்

06 ஜன
2019
00:00

* ந.செல்வி, சென்னை: செல்வம்... செல்வம் என்று கூறுகின்றனரே... அது, பணச் செல்வம் மட்டும் தானா?ஹி... ஹி...! துணிவு என்று ஒரு செல்வம் இருப்பது தெரியாதா... துணிவு என்பது, ஒரு மாபெரும் செல்வம்!
எஸ்.ராமன், காஞ்சிபுரம்: உலக மக்கள் அனைவரும் விரும்புவது, எதை என்று நினைக்கிறீர்கள்...அவரவர் நாட்டு பணத்தைத் தான்! மனிதனை இன்று ஆள்வது, அது தான்!
கே.வினாயகம்,சென்னை: சிலரை பார்க்கும்போது, எனக்கு, ஆத்திரம் ஆத்திரமாக வருகிறதே... ஆனால், சிலர் மீது, கோபம் வருகிறதே... இரண்டிற்கும் என்ன வித்தியாசம்...பொறாமையால் ஏற்படுவது ஆத்திரம்; கோழைத்தனம் இருந்தால் கோபம் வரும்! நல்ல குணம் போய் விடும் கோபத்தால்!
* வி.ஆறுமுகம், கடலுார்: உண்மையான நண்பன் ஒருவன், எனக்கு கிடைக்க வேண்டும் என நினைக்கிறேன்... என்ன செய்ய வேண்டும்?ஒன்றும் செய்ய வேண்டாம்... நீங்கள் போட்டிருக்கும், 'பேன்ட்' உள்ளே, வைத்திருக்கும், 'பர்சை' கவனமாக வைத்துக் கொள்ளுங்கள்... அவனே, உண்மையான நண்பனாக இருப்பான்!
கே.சங்கீதா, பொள்ளாச்சி: நானும், என் கணவரும் சந்தோஷமாக இருப்பதில்லையே...லென்ஸ் மாமாவிடம் கேட்டேன்... 'இரண்டு பேரும் போரிடக் கூடாது... யாராவது ஒருத்தர், பொறுமை காக்கணும்... அப்ப தான், சுகமான வாழ்க்கை அமையும்...' என்றார்!
* எஸ்.சித்ரா, சென்னை: 'என்னை யாராலும் அசைக்க முடியாது...' என்று, என் கணவர் எப்போதும் சொல்கிறாரே!இப்படி சொல்பவர்கள், குறைந்த அறிவு உள்ளவர்கள் என்றே, எடுத்துக் கொள்ள வேண்டும்!
அ.ராஜகோபால், கோவை: நம் உலகில் நிலைத்திருப்பது, எது என கருதுகிறீர்கள்...மனித வாயால், பேனாவால், 'டிவி' காட்சிகளால் நடக்கும், 'பொய்' தான்!
கே.முருகன், திண்டுக்கல்: தர்மம் என, எதைச் சொல்கிறீர்கள்?ஏமாற்றாமல், வாங்கிய கடனை, முடிந்தால், வட்டியுடன் திரும்பச் செலுத்துவது தானே!

Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X