மணலை கொட்டி வழிபாடு!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

13 ஜன
2019
00:00

தங்கமும், வெள்ளியும், பணமும் சுவாமிக்கு காணிக்கை கொடுத்து வழிபட்டிருப்பீர்கள். கடல் மணலை கொடுத்து, வழிபடுவதைப் பார்த்திருக்கிறீர்களா...
தூத்துக்குடி மாவட்டம், திருச்செந்தூர் அருகிலுள்ள, உவரி சுயம்புலிங்க சுவாமி கோவிலில் தான், இந்த அதிசய வழிபாடு நடக்கிறது.
கூட்டப்பனை கிராமத்திலிருந்து ஒருவர், பால் விற்க தினமும், உவரி வழியாக செல்வார். தினமும் ஒரு குறிப்பிட்ட இடத்தில் கால் இடறி விழுந்து கொண்டே இருந்தார். அந்த இடத்தில் கடம்ப மரத்தின் வேர் இருந்தது. அதுவே, காலை இடறி விடுகிறது என்பதால், வேரை வெட்டினார். அந்த இடத்தில் ரத்தம் பீறிட்டது.
வியாபாரி அதிர்ச்சியடைய அப்போது, அசரீரி ஒலித்தது. 'சிவனாகி நான், இந்த இடத்தில் குடி கொண்டிருக்கிறேன். எனக்கு கோவில் கட்டி வழிபாடு நடத்து...' என்றது.
பெரிய அளவில் வசதியில்லாதவர், பக்தர். தன் தகுதிக்கு ஏற்ப, பனை ஓலை கூரை அமைத்து, கோவில் கட்டினார். அங்கு சுயம்புவாக ஒரு லிங்கமும் எழுந்தது. 'சுயம்பு' என்றால் 'தானாக தோன்றுவது..'. எனவே, சுவாமிக்கும், சுயம்புலிங்கநாதர் என, பெயர் சூட்டப்பட்டது. அம்பாளை பிரம்ம சக்தி என்பர்.
இந்நிலையில், பக்தர்கள் ஏராளமாக அங்கு வந்தனர். அவர்களது வேண்டுதல்கள் நிறைவேறின, இதை அடுத்து, அக்கோவில் பெரிதாக உருவானது.
இது, ஒரு கடற்கரை கோவில். நோய்கள் தீர, குழந்தை பாக்கியம் கிடைக்க, திருமணத்தடை நீங்க, கடலில் நீராடி, சுயம்புலிங்க நாதரை வணங்குவர். பணமிருந்தும் மன அமைதி இல்லாதவர்கள், இத்தலத்துக்கு வந்தால், நிம்மதி கிடைக்கும்.
தங்கள் வேண்டுதல் நிறைவேறி விட்டால், கடற்கரை மணலை, 11 அல்லது 41 ஓலைப் பெட்டிகளில் சுமந்து, கோவில் முன் கொட்டுகின்றனர்.
பக்தர்களின் கஷ்டங்கள் கடல் மணல் போல் உதிரியாகப் போய்விடும் என்பது, நம்பிக்கை. மார்கழி மாதம், 30 நாளும், காலை நேரத்தில் சுயம்புலிங்கத்தின் மேல் சூரிய ஒளி படும். கடல் ஓரத்தில் உள்ள நான்கு ஊற்றுகளிலும் நல்ல தண்ணீர் உள்ளது. சுவாமியின் அபிஷேக நீர் இதுவே.
தை மாதத்தில் பூசம், அமாவாசை விசேஷம். வைகாசி விசாக விழாவில், மகர மீனுக்கு சுவாமி காட்சி தருவார். தமிழ் மாத கடைசி வெள்ளிக்கிழமைகள், பங்கு - உத்திரம், ஆடி - அமாவாசை, மார்கழி - திருவாதிரை, கார்த்திகை - தீப நாட்களில் விசேஷ பூஜை நடக்கும்.
இந்த கோவிலில், 108 அடி உயரத்திற்கு ஒன்பது நிலை ராஜ கோபுரம் கட்டும் திருப்பணி நடந்து வருகிறது.
திருநெல்வேலியிலிருந்து நாங்குநேரி, திசையன்விளை வழியாக, 70 கி.மீ. தூரத்திலும், திருசெந்தூரில் இருந்து, 42 கி.மீ. தூரத்திலும், உவரி உள்ளது. தொடர்பு எண்: 94437 22885

தி. செல்லப்பா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Manian - Chennai,இந்தியா
17-ஜன-201907:53:37 IST Report Abuse
Manian இன்னுமொரு நல்ல செய்தி- இந்த மணலை மணல் மாபியாக்கள் கொள்ளை அடிக்க மாடடார்கள்
Rate this:
Share this comment
Cancel
Sundar - chennai,இந்தியா
16-ஜன-201915:54:27 IST Report Abuse
Sundar திரு செல்லப்பா அவர்கள் கட்டுரை மிகவும் சிறப்பு. கோவிலின் விவரம் மற்றும் தொலைபேசி / அலைபேசி எண்கள் விவரம் எப்பபொழுதும் தினமலர் வெப்சைட்ல் கிடைக்குமாறு ஏற்பாடு செய்வீர்கள் எனில் இன்னும் பேருதவியாக இருக்கும். உங்கள் வாசகன் சுந்தர்
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X