அகத்தியருக்கு ஓர் ஆலயம்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

15 ஜன
2019
00:00

அகத்திய மாமுனிவர் 60 ஆயிரம் ஆண்டுகளுக்கு முன் தென்பொதிகை மலையில் தோன்றியதாக ஐதீகம். 'தொல்காப்பியம், திருவள்ளுவர் காலத்துக்கு முன்பே செந்தமிழ் வளர்த்தவர் அகத்தியர்,' என்பது சான்றோர் வாக்கு.
தென்பொதிகை மலையின் பாபநாசம் அகத்தியர் அருவிக்கு சற்று மேலே சென்றால் அகத்தியர் யோக நிலை கல்வெட்டு மற்றும் அரிய தகவல்கள் இடம் பெற்றுள்ள கல்வெட்டுகள் உள்ளன.
அகத்திய ஓலைச்சுவடிகளில் வர்மக்கலை குறித்து, ''இரு ஆறு வருடம் காத்து, அடி, பிடி, வெட்டு, குத்து, கற்று, பின் வரிசையுடன் வர்ம இலக்கு செய்யே,'' என குறிப்பிடப்பட்டுள்ளது. வர்மக்கலையை கண்டறிந்து மனித இனம் நோயற்ற வாழ்வு வாழ்வதற்காக உலகிற்கு வழங்கியவரும் அகத்தியர் தான். வர்மக்கலை ஆசான் எனவும் அகத்தியர் போற்றப்படுகிறார்.
'இந்தியன்' சினிமாவில் வர்மக்கலையை பயன்படுத்தி எதிரிகளை வீழ்த்துவார் கமல். அவருக்கு வர்மக்கலை நுட்பங்களை கற்று கொடுத்தவர் மதுரை விராட்டிபத்துவை சேர்ந்த 'மஞ்சா வர்மக்கலை தலைமை ஆசான்' ராஜேந்திரன். இவர், காலத்தால் அழியாத வர்மக்கலையை
உலகிற்கு தந்த அகத்தியருக்கு கோயில் எழுப்ப முடிவு செய்தார்.
இதற்காக அகத்தியர் பற்றிய ஏராளமான புத்தகங்கள், அவர் போதித்த வர்மக்கலை ரகசியங்களை கற்றார். கடந்த 2011ல் மதுரை மாவட்டம் எழுமலை அருகே டி.கிருஷ்ணாபுரம் கிராமத்தில் நான்கு ஏக்கர் நிலம் வாங்கினார். அதில் 25 சென்ட் பரப்பில் தென்கைலாயப் பெருமாள் கோயில் எழுப்பினார்.
கோயில் வளாகத்தில் விநாயகர், முருகன், அகத்தியருக்கு தனித்தனி சன்னதி அமைத்தார். இங்குள்ள அகத்தியர், கால்களை பின்னி வலது கால் முன்பாகவும், இடது கால் பின்பாகவும் வைத்து யோக நிலையில் அமர்ந்தபடி அருள்பாலிக்கிறார். அகத்தியர் பற்றிய புராணக் குறிப்புகள் சுட்டிக்காட்டியுள்ளபடி அகத்தியரின் உண்மையான யோக நிலை மாறாமல் குளிர்ந்த, நன்கு விளைந்த, கருங்கல்லினால் ஆன சிலை வடிவமைக்கப்பட்டுள்ளது. அமாவாசை, பவுர்ணமி, புரட்டாசி சனி, வைகாசி விசாகம் போன்ற நாட்களில் கோயிலில் சிறப்பு பூஜைகள், அன்னதானம் நடத்தி வருகிறார்.

வர்மக்கலை குறித்து ராஜேந்திரன்...
'அகம்' அப்பழுக்கற்ற நிலையில் துாய்மையாக இருக்க வேண்டும். அதற்காக இறை பக்தியுடன் கூடிய நல்ல சிந்தனைகளை வளர்த்து கொள்ள வேண்டும், என்பதை அகத்தியர் போதித்தார். அவர் கண்டறிந்த வர்மக்கலை என்பது அறிவியல் சார்ந்தது; பாரம்பரியம் மிக்கது. பிற தற்காப்பு கலைகளில் உடல் உழைப்பு மட்டுமே இருக்கும். வர்மக்கலை உடலுக்கும், மூளைக்கும் தொடர்புடையது. நரம்பு, எலும்பு, ரத்த ஓட்டம், சர ஓட்டம் (மூச்சுடன் கலந்த காற்று) ஆகியவற்றுடன் இணைந்து செயல்படும் ஆதிக்கலையே வர்மக்கலை.
போருக்கு புறப்படுபவன் இடது காலை முன் வைக்க வேண்டும். அப்போது அவனுக்கு கோபம் மேலோங்கும். இடது கால் நரம்புக்கும், மூளைக்கும் தொடர்புள்ளது. போரில் வெற்றி பெற்ற பின் வலது காலை, இடது தொடையில் போட்டு அமர்ந்தால் அது வெற்றி, அமைதியை குறிக்கும்.
மல் யுத்தம் செய்யும்போது இரண்டு தொடைகளையும் மல்யுத்த வீரர் கைகளால் தட்டுவார். அப்போது அவரது இருதயம் துடிக்கும்; புது தெம்பு, உத்வேகம் பிறக்கும்.
தொடை நரம்புக்கும், இருதயத்துக்கும் தொடர்பு உள்ளது. இவையெல்லாம் கண்ணுக்கு தெரியாமல் இமை பொழுது உடலுக்குள் நடக்கும் உன்னத மாற்றங்கள். இவற்றை முழுமையாக கண்டுணர்ந்து வெளியே கொண்டு வந்தவர் தான் அகத்தியர்.
வர்மக்கலையை முழுமையாக யாராலும் அறிய முடியாது. இது முழுக்க முழுக்க அகத்தியரால் கண்டுணர்ந்து போற்றப்பட்டது.
ஜப்பான், சீனா போன்ற நாடுகளுக்கு சொந்தமானதல்ல. எனவே தான் அகத்தியருக்கு அவரின் உண்மையான யோக நிலையை விளக்கும் வண்ணம் கோயில் எழுப்பி வணங்கி வருகிறோம், என்றார்.
மதுரை மாவட்டம் உசிலம்பட்டி, பேரையூர், டி.கல்லுப்பட்டி பகுதிகளில் இருந்து டி.கிருஷ்ணாபுரம் செல்ல பஸ் வசதி உள்ளது. அகத்தியரை வழிபட 96297 71606 ல் அழைக்கலாம்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X