அந்துமணி பதில்கள்! | வாரமலர் | Varamalar | tamil weekly supplements
அந்துமணி பதில்கள்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 

பதிவு செய்த நாள்

17 பிப்
2019
00:00

மு.தமிழ்செல்வம், சூரங்குடி, துாத்துக்குடி மாவட்டம்: 'விரிவான பதில் தரவேண்டிய கேள்வி தாங்கி வரும் தபாலை, குப்பைக் கூடைக்குள் போட்டு விடுவீர்கள்...' என்று சொல்கிறானே, என் நண்பன்...
பேஷ் பேஷ்... இனிமேலாவது, இருவரும், இப்பகுதியை படிக்க முயலுங்கள்!

* என்.செந்தில், தேனி: நம்மை ஒருவன் எப்போது மதிப்பான்?
உங்கள், 'பர்சில்' பணம் இருக்க வேண்டும்; அவனிடம் இல்லாமல் இருக்க வேண்டும்! அப்போது தான், இந்த காலத்தில் மதிக்கின்றனர்!

ஆர்.கோகிலா, கொரட்டூர், சென்னை: பெண்களான எங்களுக்கு, ஆண்களை போல, மீசை, தாடி ஏன் வளர்வதில்லை?
ஹி... ஹி... அதற்கு பதிலாக, உங்களுக்கு தலையில் வளர்கிறதே

ஜி.குமரன், தேனி: புத்தகங்கள் படிப்பதில் அதிக ஆர்வம் கொண்டவன் நான்; வேலை முடித்து வந்து, இரவில் தான் படிப்பேன்; எத்தனை மணி வரை படிக்கலாம்?
துாக்கக் கொட்டாவி வரும் வரை... அது வராவிட்டால், கோழி கூவும் வரை... இல்லாவிட்டால், வேலைக்குச் செல்ல முடியாதே!

எம்.ஆர்.ராமலிங்கம், மிளகனுார், சிவகங்கை மாவட்டம்: உ.பா., அருந்தும்போதும், முடித்த பிறகும், சிலர் அமைதியாக இருக்கின்றனர்; மற்றோர், சிரிப்பும், விளையாட்டுமாக இருக்கின்றனர். சிலர், குழப்பமாக காணப்படுகின்றனரே... ஏன்?
முதலாமவர், தம் பையிலிருந்து பணத்தை கொடுத்தவர். இரண்டாமவர், நண்பர் எவரோ வாங்கிக் கொடுத்ததை ரசிப்பவர்! மூன்றாமவர், நாளை, 'விருந்து'க்கு காசு இல்லையே என, நினைப்பவர்!

பி.ஜெனிபர், எருக்கூர், நாகை மாவட்டம்: அரசியல்வாதிக்கும், நடிகனுக்கும் உள்ள வித்தியாசம் என்ன?
ஒன்றுமே கிடையாது! இருவருமே வேஷம் போடுகின்றனர். இவர்களின் எதிர்பார்ப்பே, 'கலெக் ஷன்' தான்!

* என்.கதிர்வேல், கோவை: யார், யார் இப்போது, சந்தோஷமாக வாழ்கின்றனர்?
வேளா வேளைக்கு நேரம் தவறாமல் சாப்பாடு, வெளியே கிடைக்கும் அனைத்து வசதிகளும், 'உள்ளே'யே கிடைத்து விடுவதால், சிறை கைதிகள் தான் மகிழ்ச்சியுடன் இருக்கின்றனர்!

* எம்.ஸ்ரீனிவாசன், கவரைப்பேட்டை, திருவள்ளூர் மாவட்டம்: நடிகர்களில் எத்தனை வகை உண்டு?
எனக்குத் தெரிந்து, மூன்று வகையினர் உள்ளனர்! முதலாவது, சினிமா நடிகர்; இரண்டாவது, அரசியல்வாதி! முதலாமவர், பணத்தை வாங்கிய பின் நடிக்கிறார்; இரண்டாமவர், பணம் கிடைக்கும் என்ற எதிர்பார்ப்பில் இவ்வேலையைச் செய்கிறார்! மூன்றாவதாக, குடும்ப நடிப்புகள் பற்றி, பின்னர் சொல்கிறேன்!

Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X