கவிதைச்சோலை! | வாரமலர் | Varamalar | tamil weekly supplements
கவிதைச்சோலை!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 

பதிவு செய்த நாள்

17 பிப்
2019
00:00

எது முக்கியம்

நாள்காட்டியில் தேதியை
கிழிப்பது முக்கியமில்லை...
அந்த தேதியில்
நாம் என்ன கிழித்தோம்
என்பதே முக்கியம்!

மற்றவர்களுக்கு பிடித்தது போல
பளபளப்பாய் வாழ்வது
முக்கியமில்லை...
என்றும் நமக்கு பிடித்தது போல
கலகலப்பாய் வாழ்வது தான்
முக்கியம்!

ஏமாறாமல் வாழ்வது
முக்கியமில்லை...
பிறரை
ஏமாற்றாமல் வாழ்வது தான்
முக்கியம்!

வரவுக்கு ஏற்ப பணத்தை
செலவழிப்பது முக்கியமில்லை...
அந்த பணத்தை
நாம் எப்படி சம்பாதித்தோம்
என்பதே முக்கியம்!

அனாதை இல்லத்திற்கு
அள்ளித் தருவது முக்கியமில்லை...
அந்த இல்லத்திற்கு
நம் பெற்றோரை
அனுப்பாமல் இருப்பதே முக்கியம்!

தத்துவங்களை மேடையில்
பேசுவது முக்கியமில்லை...
அதன்படி
நாம் நடக்கிறோமா
என்பதே முக்கியம்!

மற்ற செல்வங்களோடு
வாழ்வது முக்கியமில்லை...
பெற்ற பிள்ளைகளோடு
வாழ்கிறோமா என்பதே
முக்கியம்!

துரோகம் செய்த நண்பனை
துரத்துவது முக்கியமில்லை...
தவறு செய்த நண்பனை
திருத்துவதே முக்கியம்!

விழாமல் வாழ்வை கடப்பது
முக்கியமில்லை...
அப்படி விழுந்தாலும்
உடனே எழுந்து
நடப்பது தான் முக்கியம்!

நம்மை சிரிக்க வைப்பவர்களை
சிரிக்க வைப்பது முக்கியமில்லை...
நம்மை கண்டு
ஏளனமாய் சிரிப்பவர்களை
சிந்திக்க வைப்பதே முக்கியம்!

மு.பெ.ராமலிங்கம், கோவை.

Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X