இது உங்கள் இடம்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

14 ஏப்
2019
00:00

திருநங்கையின் சபாஷ் முயற்சி!
படித்து, வேலை தேடிக்கொண்டிருக்கும் இளைஞர், இளைஞியர், எங்கள் ஊரில் பலர் உள்ளனர். அவர்களுக்கு சரியான வழிகாட்டுதல் இல்லாததால், பேருந்து நிறுத்தம், கடைத் தெருவில் நின்று, வீணாக அரட்டையடித்து பொழுதுபோக்கியும், வீட்டில், 'டிவி' பார்த்தும், எதிர்கால வாழ்க்கையை பற்றிய கவலையே இல்லாமல் இருந்தனர்.
எங்கள் பகுதியில், திருநங்கையருக்கென்று தனி குடியிருப்பு உள்ளது. அதில் ஒரு திருநங்கை, இவர்களின் நிலையை கண்டார். சக திருநங்கையருடன் பேசி, போட்டி தேர்வுகளுக்கு பயன்படும் புத்தகங்களை, தங்கள் சொந்த செலவில் வாங்கி, வாடகை இடத்தில் பயிற்சி மையம் ஆரம்பித்தார்.
வேலை தேடும் இளைஞர், இளைஞியரை சந்தித்து, அழைப்பு விடுத்தார். ஆரம்பத்தில், சிலர் தயங்கியபடி வந்தாலும், போட்டி தேர்வுகளில் வென்றவர்களை வரவழைத்து, அவர்கள் தரும் பயிற்சியை அறிந்த பின், கூட்டம் கூடியது.
அங்கு, பயிற்சி பெற கட்டணம் கிடையாது. புத்தகம் தேவைப்படுவோருக்கு, திருநங்கையரே வாங்கி தருகின்றனர்.
அவர்களின் உதவியால், எங்கள் பகுதியில், பலர் இன்று, அரசு பணியில் சேர்ந்துள்ளனர். ஒரு நல்ல ஆரம்பம், பல நல்ல செயல்களை துாண்டிவிடும் என்பதை போல, இங்கு, படித்து வேலைக்கு செல்வோர், ஓய்வு நேரங்களில், தேடி வந்து உதவுகின்றனர்.
திருநங்கையரின் இந்த முயற்சியை, ஊர் மக்கள் அனைவருமே பாராட்டுகின்றனர்.
— நர்மதா விஜயன், உளுந்துார்பேட்டை.

ஆதாரம் நீயே...
உறவுக்கார பெண் ஒருவர், பாஸ்போர்ட் புதுப்பிக்க மற்றும் விசா வாங்க, சென்னை வந்திருந்தார். அங்கு, அவரிடம், ஆதார் அட்டை நகல் கேட்டனர். அவருக்கு, கால் சற்று ஊனமாதலால், முன்பின் தெரியாத நபர் மூலம் நகல் எடுக்க அனுப்பினார்.
ஆதார் அட்டை நகலில், போட்டோ தெளிவாக தெரியாததால், அங்கேயே கசக்கி போட்டு, வேறு நகல் எடுத்து வந்து கொடுத்தார், அந்த நபர். பாஸ்போர்ட் அலுவலக வேலை முடிந்து, ஊர் திரும்பினார், அப்பெண்.
கசக்கி விட்டெறிந்த, ஆதார் அட்டை நகல், ஒரு கயவன் கையில் சிக்கியது. அதை பயன்படுத்தி, நுாதன முறையில், ஏ.டி.எம்., கார்டு எண் மற்றும் 'பாஸ்வேர்டு' கண்டுபிடித்து, உறவு பெண் வெளிநாடு செல்ல, வங்கியில் வைத்திருந்த பணம் முழுவதையும் சுருட்டி விட்டான்.
இதையறிந்த அப்பெண், வெளிநாட்டு பயணத்தை ரத்து செய்ததுடன், உடல்நலமின்றி படுத்த படுக்கையாகி, கொஞ்ச கொஞ்சமாக இயல்புநிலைக்கு திரும்பி வருகிறார். அவருக்கு பண இழப்பு மட்டுமின்றி, உடல்நலமும் பாதிக்கப்பட்டது.
வாசகர்களே... நமக்கு வேண்டபட்டவர் தவிர, வேறு யாரிடமும், நம் வரலாறையே கூறும் ஆவணங்களை கொடுத்தால், இதுபோன்ற விபரீத செயல்களால் அவஸ்தை பட நேரிடும்.
— டி.கே.சுகுமார், கோயம்புத்துார்.

சுற்றுலா போகிறீர்களா...
சமீபத்தில், குடும்பத்துடன், சிங்கப்பூர், மலேஷியா சுற்றுலா சென்று வந்த, என் தோழியை பார்க்க சென்றிருந்தேன். தாங்கள் பார்த்த ஒவ்வொரு இடங்களின் முன், கைபேசியில் விதவிதமாக எடுத்திருந்த, 'செல்பி' புகைப்படங்களை, அவள் பிள்ளைகள் எனக்கு காண்பித்தனர்.
அவர்கள் காண்பித்த படங்களை ரசித்து பார்த்து, அந்த இடங்களின் பெயர், விபரங்களை கேட்டேன். அவை என்ன இடம் என்றே அவர்களுக்கு சொல்ல தெரியவில்லை. புகழ்பெற்ற அந்த இடங்களை பார்த்ததன் நினைவாக, 'செல்பி' தேவை தான். ஆனால், அதன் முக்கியத்துவத்தை உணர்ந்து, ரசித்து பார்ப்பது முக்கியம் அல்லவா...
ஆயிரக்கணக்கில் செலவழித்து, சுற்றுலா செல்வது, புகைப்படம் எடுப்பதற்கு மட்டுமல்ல, முதலில், அந்த இடங்களின் அதிசயத்தையும், சிறப்பையும் உணர்ந்து ரசியுங்கள். பின், அதன் நினைவாக, 'செல்பி' எடுத்து மகிழுங்கள்.
ஊர் திரும்பியதும், நாம் பார்த்த இடங்களையும், நமக்கு ஏற்பட்ட அனுபவங்களையும், சின்ன சின்ன குறிப்புகளாக எழுதி, நாம் எடுத்த, 'செல்பி' புகைப்படங்களையும் இணைத்து வைத்திருந்தால், எத்தனை ஆண்டுகள் கழித்து பார்த்தாலும், அந்த மகிழ்ச்சி திரும்ப கிடைப்பதை உணர்வோம்.
என்.விஜயலட்சுமி, மதுரை.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (5)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Girija - Chennai,இந்தியா
15-ஏப்-201917:15:39 IST Report Abuse
Girija அடுத்தவர்களை மதிக்க தெரியாதவர்கள் கருத்து சொல்ல கூடாது .
Rate this:
Share this comment
Cancel
Manian - Chennai,இந்தியா
15-ஏப்-201902:17:39 IST Report Abuse
Manian விஜயலட்சுமி- உங்கள் அப்பா, அம்மா, குடும்ப படங்கிளின் அடியில் அவர்கள் பெயர் ருக்கிறதா? எதோ இடங்களை காட்டினால், அதிகமாக எதிர்பார்க்கலாமா? அவர்கள் நினைவிற்கு வைத்து கொண்டதை உங்களிடம் காட்டியது அவர்கள் தவறு. இதுநாள் பெயரி சொன்னால் , அங்கே எங்கே இலவசமா தங்கலாம், எங்கே தமிழ் சாப்பிடு கிடைக்கும், அவர்கள் குளித்துவிட்டு சமைத்தார்களா என்று வேண்டாத கேள்விகள் வரலாமே உங்களுக்கு தெஇர்ந்தவர்கள் அங்கே இருக்கிறார்கள், அங்கே போய் ஓசியில் தங்கலாமா, இஅப்படி கேக்கமாட்டிர்கள் என்று எப்படி சொல்ல முடியும். ஏதோம், காட்டினார்கள், பாத்தோம் என்று இருக்க வேண்டும். அவர்கள் டூரிஸ்ட் கம்பெனி வைக்கவில்லை. இதை ஏன் சொல்லுகிறேன் என்றால், இதை பலதடவை நான் நண்பர்கள் வீடுகளில் கேட்டுள்ளேன்.
Rate this:
Share this comment
Cancel
Manian - Chennai,இந்தியா
15-ஏப்-201902:11:57 IST Report Abuse
Manian ஆதாரம் நீயே...: படித்த பெண், அந்த காகிதத்தை கசக்கி போடாமல், வீட்டுற்கு எடுத்து சென்று ஏன் எரிக்க வில்லை.? இப்படி பாட சிந்திக்க தெரியாத பெண் வெளி நாடு செல்வதால் என்னா பயன்.? உங்கள் எந்த ஆவணத்தையும் கசக்கி வெளியில் போடாதீர்கள்- பேங்கில் பணம் எடுத்தவுடன் தரும் சில்லிப்பையும் சேர்த்த. உங்கள் குப்பை, இன்னொருவருக்கு புதையல்
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X