ஒரு முகம், ஆறு கை முருகன்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

21 ஏப்
2019
00:00

முருகப்பெருமானுக்கு, ஆறு முகம், 12 கரங்கள் இருப்பது இயல்பு. ஆனால், ஒரு முகம், ஆறு கரங்களுடன் இருக்கும் வித்தியாசமான முருகனை தரிசிக்க, துாத்துக்குடி மாவட்டம், கழுகுமலை, கழுகாசலமூர்த்தி கோவிலுக்கு சென்றால் காணலாம்.
ராவணனால் கொல்லப்பட்ட, ஜடாயு என்ற கழுகு அரசனுக்கு, ராமபிரான் இறுதி காரியம் செய்தார். இதை, அனுமன் மூலம் அறிந்த ஜடாயுவின் தம்பி, சம்பாதி என்ற, கழுகு முக முனிவர், ராமனை சந்தித்து, தன்னால், தன் அண்ணனுக்கு காரியம் செய்ய முடியாமல் போனதால் ஏற்பட்ட பாவத்துக்கு, விமோசனம் கேட்டார்.
'நீங்கள், தெற்கிலுள்ள கஜமுக பர்வதம் - யானை முகம் உடைய மலை சென்று தங்கியிருங்கள். உங்கள் பிரச்னைக்கு தீர்வு கிடைக்கும்...' என்றார், ராமர்.
அங்கு, 1,000 ஆண்டுகள் தங்கியிருந்தார், சம்பாதி. அங்கே, சூரபத்மனின் தம்பி தாரகாசுரன் வந்தான். மலையில் வசித்த முனிவர்களுக்கு, கொடுமை செய்தான். முருகப்பெருமான் அங்கு வந்து, அவனை வதம் செய்தார்.
போர் செய்த களைப்பு தீர, அந்த மலையில் தங்க விரும்பினார். அவருக்கு, சம்பாதி இடமளித்தார். அத்துடன், சூரபத்மன் இருக்கும் இடத்தையும் காட்டிக் கொடுத்தார். மகிழ்ந்த முருகன், அவர் தங்கியிருந்த மலைக்கு, அவரது பெயரால் கழுகுமலை என்று பெயர் சூட்டியதுடன், முன்னோர் கடனுக்கான விமோசனமும் தந்தார்.
முருகப்பெருமானை கிழக்கு நோக்கி பிரதிஷ்டை செய்வது இயல்பு. இங்கு, முருகன், மேற்கு நோக்கி உள்ளார். கழுகாசலமூர்த்தி என்ற பெயரிலுள்ள இவருக்கு, ஒரு முகமும், ஆறு கைகளும் உள்ளன.
ஒரு கரம், பக்தர்களுக்கு அபயமளிக்கிறது. மற்ற கரங்களில் ஆயுதங்கள் உள்ளன. சிவன், திருமால், பிரம்மா என்ற மும்மூர்த்திகளும், பார்வதி, லட்சுமி, சரஸ்வதி என்ற முப்பெரும் தேவியரும், சூரனை வதைக்க, முருகனுக்கு, பக்கபலமாக இருந்ததை குறிக்கும் வகையில், இந்த ஆறு கரங்கள் அமைக்கப்பட்டன.
சூரனை ஆட்கொண்டு, அவனது உடலின் ஒரு பகுதியை மயிலாக்கி அமர்ந்தார், முருகன். இதன் முகம், வலது பக்கமாக இருக்கும். ஆனால், இங்கு, தெய்வானையை மணம் முடித்து தந்த இந்திரன், மயிலாக மாறினான். இந்த இந்திர மயிலின் முகம், இடது பக்கமாக இருக்கும்.
இங்கு, தட்சிணாமூர்த்தி உள்ளார். முருகன் செவ்வாய்க்கு, மங்களகாரகன் அதிபதி என்பதால், இக்கோவிலை, 'குரு மங்கள ஸ்தலம்' என்கின்றனர்.
மதுரை - திருநெல்வேலி சாலையில், கோவில்பட்டி தாண்டி பிரியும் சங்கரன்கோவில் சாலையில், 30 கி.மீ., சென்றால், கழுகுமலையை அடையலாம்.

தி.செல்லப்பா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (3)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Manian - Chennai,இந்தியா
23-ஏப்-201910:00:25 IST Report Abuse
Manian பவுத்தர்களை சமணர்கள் விரட்டினார்கள். அவர்களை இந்துக்கள் விரட்டினார்கள். முஸ்லிம்கள், சிலுவைக்கல்லுக்கு நேரம் இல்லை.
Rate this:
Share this comment
Cancel
Manian - Chennai,இந்தியா
22-ஏப்-201912:36:20 IST Report Abuse
Manian முத்துச்சாமி தீக்ஷிதர் இதை - " கங்க சைல விகாரனே வரேண, வள்ளி தேவசேனா ரமனேன.. என்று பாடுகிறார்- சுப்ரமண்யமண் யென ரக்ஷிதொஹம் (சுப்பிரமணியன் என்னை காப்பானாக -சுத்த தன்யாசி ராகம் ) பாடுகிறார். உள்ளத்தை உருக்கும் பாடல்
Rate this:
Share this comment
Cancel
LovelyMarees - Kutty Japan, Cracker City.,இந்தியா
22-ஏப்-201911:23:27 IST Report Abuse
LovelyMarees இந்த கோவில் ஒரு குடைவரை கோவில். மேலும் இந்த கோவில் மலையில் சமணர்கள் வாழ்ந்த சான்றுகளும் உள்ளன.
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X