அன்புடன் அந்தரங்கம்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

19 மே
2019
00:00

அன்புள்ள அம்மாவுக்கு —
நான், 27 வயது பெண். எனக்கு இரு தங்கைகள். கல்லுாரியிலும், பள்ளியிலும் படிக்கின்றனர். அப்பா, குடி நோயாளி. அவருக்கு நிரந்தர வேலை ஏதும் இல்லை. நான், பள்ளி இறுதி வரையே படித்துள்ளேன். வீட்டிற்கு அருகில் உள்ள, ஏற்றுமதி நிறுவனம் ஒன்றில், சொற்ப சம்பளத்தில் வேலைக்கு செல்கிறேன். பல்பொருள் அங்காடி ஒன்றில் பணிபுரிகிறார், அம்மா.
எங்கள் சம்பாத்தியத்தில் தான், குடும்பம் ஓடுகிறது. அப்பாவால், இனி எந்த பயனும் இல்லை என்று தெரிந்து விட்டது.
நல்ல உடைகள் எடுக்க ஆசை வரும். இந்த பணம், தங்கைகள் படிப்பு செலவுக்கு உதவுமே என்று, அந்த ஆசையை மனதிற்குள்ளேயே புதைத்து விடுவேன்.
என்னுடன் பணிபுரிவோர், 'இப்படியே எல்லா காலத்துக்கும் இருப்பாயா... உனக்கென்று கொஞ்சம் பணம் சேமித்து வைத்துக் கொள்... திருமணம் செய்து கொள்... தங்கைகள், படித்து முடித்ததும், அவரவர் வேலை, திருமணம் என்று, சென்று விடுவர். பிறகு உன்னை யார் பார்த்து கொள்வர்...' என்கின்றனர்.
அம்மாவும், 'தங்கைகள் படித்துக் கொண்டே, பகுதி நேர வேலைக்கு செல்லட்டும்...' என்கிறார். ஆனால், எனக்கு தான் தங்கைகளை நடு ஆற்றில் விடுகிறோமோ என்று தயக்கமாக இருக்கிறது.
நான் என்ன செய்ய வேண்டும் அம்மா.
இப்படிக்கு,
உங்கள் மகள்.


அன்பு மகளுக்கு —
நாட்டு நாயை சிலர், விரும்பி வளர்ப்பர். ஆனால், அது, அன்னியர்களை கண்டோ, திருடர்களை கண்டோ குரைக்காது. ஒட்டுண்ணிகளால் பீடிக்கப்பட்டிருக்கும்.
சதா கால்களையும், உடம்பையும் நக்கிக் கொண்டிருக்கும். காற்று வரும் திசையில் முன்னங்கால்களில் முகம் புதைத்து, 24 மணி நேரமும் துாங்கியபடியே இருக்கும்.
சாப்பாடு போட்டால் தின்று, மீண்டும் படுத்துக்கொள்ளும். சம்பாதித்து, மனைவி, மக்களை பாதுகாக்காமல், சதா குடித்து, வீட்டில் துாங்கும் குடிநோயாளி ஆண்களும், மேற்சொன்ன நாட்டு நாய் போன்றவர்களே.
'குடி நோயாளி பெரியவரே... தினம் வேலைக்கு போகாமல் குடித்து, சதா படுத்துக் கிடக்க, இது மங்கம்மாள் சத்திரமல்ல... மனைவி, மூன்று மகள்கள் என, நான்கு பெண்கள் உழைக்க, நீர் ஆந்தை போல் சுணங்கி கிடக்கிறாயே... இது நியாயமா?
'குடியை குறைத்து, தினம் வேலைக்கு போனால், இந்த வீட்டில் இருக்கலாம். இல்லையென்றால், 'டாஸ்மாக்' கடை வாசலிலேயே படுத்துக்கொள். இனி, இந்த வீட்டில் உனக்கு இடம் கிடையாது...' என, தயவு தாட்சண்யமின்றி, தகப்பனை அடித்து விரட்டு.
உன் மூத்த தங்கைக்கு, வயது, 22 இருக்கக் கூடும். முதுகலை பட்டப்படிப்பு படிக்கிறாள் என நம்புகிறேன். இளைய தங்கைக்கு, வயது, 18, பிளஸ் 2 படிக்கிறாள் என, யூகிக்கிறேன்.
அம்மாவின் யோசனை, சரி தான். தங்கைகள் படித்துக் கொண்டே பகுதிநேர பணிக்கு போகட்டும். ஆனால், அவர்கள் போகும் பணியிடம் பாதுகாப்பானதா என்பதை உறுதி செய். மூத்த தங்கை, முதுகலை பட்டம் முடித்து, முழு நேர பணிக்கு செல்லும்போதே, குடும்ப பாரத்தில் பாதியை அவளுக்கு மடைமாற்று.
தரகர், பணியிட தோழியர் மற்றும் 'மேட்ரிமோனியல்' மூலமாகவோ, உனக்கு வரன் பார்க்க துவங்கு; தொலைதுார கல்வி இயக்ககம் மூலம், இளங்கலை பட்டப் படிப்பை படிக்க ஆரம்பி.
சுயநலமில்லாத பொது நலம், அர்த்தமற்றது. 'அக்கா சம்பாதித்து, குடும்பத்தை காப்பாற்றுவாள், நாம் எவ்வித குடும்ப கவலையும் இல்லாது விட்டேத்தியாக இருப்போம்...' என, தங்கைகள் நினைத்து விடக்கூடாது.
குடும்ப பொறுப்பை பகிர்ந்து கொடு; தங்கைகள், காதல் வலையில் விழுந்து, தவறான நபர்களை காதலித்து, வாழ்க்கையை சீர்குலைத்து கொள்ளாமல் இருக்க, தகுந்த அறிவுரை கூறு.
மூத்த தங்கை, முதுகலை பட்டப்படிப்பை முடித்து, வேலைக்கு போகும் தருணத்தில், உன் திருமணம் நடக்க வேண்டும். உனக்கு வருகிற கணவன், உன் குடும்பத்திற்கு உதவுபவனாக இருத்தல் நல்லது. இல்லை என்றாலும் ஒன்றும் பாதகமில்லை.
தொடர்ந்து, குடும்பத்தை, உன் பாதுகாப்பு வளையத்தில் வை. உறுதுணையாக இருந்து, தங்கைகளை வழி நடத்து. அம்மாவுக்கும், உனக்கும் ஆன தகவல் தொடர்பை வீரியப்படுத்து.
இறக்கைகள் வளரும் வரை, கூட்டில் வைத்து பராமரித்தோம். இப்போது, இறக்கைகள் வளர்ந்து விட்டன. தங்கைகளை கூட்டை விட்டு வெளியே பறக்க விடு; இருவரும் வானில் சுதந்திரமாய் பறக்கட்டும். அவரவர் வாழ்க்கை அவரவருக்கு.
வயிற்றுப் பையில் குட்டிகளை வைத்து, கங்காரு சுமப்பது போல, தங்கைகளை சுமக்காதே. உனக்கு இருக்கும் திறமை, தங்கைகளுக்கும் இருக்கும். எல்லாரும் வல்லவரே மகளே!
என்றென்றும் தாய்மையுடன்,
சகுந்தலா கோபிநாத்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (11)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
M Selvaraaj Prabu - Gaborone,போஸ்ட்வானா
22-மே-201918:11:06 IST Report Abuse
M Selvaraaj Prabu விடுங்கப்பா
Rate this:
Share this comment
Cancel
Sivak - Chennai,இந்தியா
21-மே-201919:14:08 IST Report Abuse
Sivak ஏம்மா, ஆண்களை திட்டலைன்னா உனக்கு தூக்கம் வராதா?? குடி நோயாளி பெண்களும் உள்ளனர் என்பது தெரியும் இல்ல .... மனைவி குழந்தைகளை பாதுகாப்பது ஆண்களின் கடமை ன்னு சொல்றியே ... அப்போ பெண்களின் கடமை என்ன ... எந்த வீட்ல கணவனுக்கு (சம்பாதிக்கிற) ஒழுங்கா சமைச்சி போட்டு பிள்ளைகளை பாத்துக்கிறாளுங்க ??? குழந்தைன்னு பாக்காம கொலை பன்றாளுங்க கேடு கெட்டவளுங்க ..
Rate this:
Share this comment
Cancel
Panangudiyan - MUMBAI,இந்தியா
21-மே-201917:15:07 IST Report Abuse
Panangudiyan சகுந்தலா கோபிநாத் அவர்களே நீங்கள் சொல்ல நினைத்தது தெரு நாய், நாட்டு நாய் அல்ல, இரண்டுக்கும் ரெம்ப வித்தியாசம் உண்டு,
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X