- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- ரம்ஜான் தினத்தில் தேர்வு இல்லை கோரிக்கையை ஏற்றது சி.பி.எஸ்.இ., மார்ச் 06,2021
- 'பிளாட்பார்ம் டிக்கெட் உயர்த்தப்பட்டது ஏன்?' மார்ச் 06,2021
- நான்கு பேருடன் ஓடிய பெண் குலுக்கலில் கணவர்தேர்வு மார்ச் 06,2021
- வரியை குறைக்கலாமே! மார்ச் 06,2021
- இதே நாளில் அன்று மார்ச் 06,2021
- இன்று
- கடந்த வாரம்
- கடந்த மாதம்
பதிவு செய்த நாள்
26 மே2019
00:00
தேவையா இது?
நண்பர் ஒருவர், மத்திய அரசு பணியில் இருந்து ஓய்வு பெற்று, சுயதொழில் செய்து வருகிறார். அவரது, இரண்டு மகன்களுக்கும் திருமணமாகி, வெவ்வேறு ஊர்களில், அரசு பணியில் உள்ளனர். பெண்கள் விஷயத்தில், 'வீக்'கான நண்பருக்கு, ரத்த அழுத்தம் மற்றும் சர்க்கரை நோய்கள் உள்ளன.
நண்பரின் நடவடிக்கையால் வெறுத்துப் போன மனைவி, 'வயதான காலத்தில், இதெல்லாம் தேவையா?' என, சண்டையிட்டும், திருத்த முடியாமல் போகவே, விட்டு விட்டார்.
ஒருமுறை அந்த நண்பர், வீரியமுள்ள மாத்திரையை போட்டு, ஒரு பெண்ணிடம் சென்றுள்ளார். அப்போது, வாய், கை, கால் ஒரு பக்கமாய் இழுத்துக் கொள்ளவே, அந்தப் பெண், நண்பரை ஆட்டோவில் ஏற்றி, ஒதுக்குப்புறமான இடத்தில் போட்டு, போய் விட்டாள்.
நண்பரின் மனைவியோ, 'சொன்னேனே கேட்டீங்களா?' என்று, அழுவதை பார்க்க, பாவமாக இருந்தது. சம்பாதித்த காசையெல்லாம், இதுமாதிரியான உல்லாச செலவுகளில் விட்டு விட்டார், நண்பர். தற்சமயம், மருத்துவச் செலவுக்கு கூட வழியில்லாமல், அரசு மருத்துவமனையில் சிகிச்சை பெற்று வருகிறார். படித்த, பொறுப்புள்ள குடும்பஸ்தனுக்கு, இது தேவையா?
என்.மதியழகன், பெண்ணாடம்,கடலுார்.
'டிவி' தொடர், பார்ப்பவரா நீங்கள்?
அனைத்து சேனல்களிலும் ஒளிபரப்பாகும், 'டிவி' தொடர்கள், சமுதாயத்தின் அனைத்து வயதினரையும் சீரழித்து வருவதைப் பற்றி, பலரும் புலம்பி வருகின்றனர்.
அடுத்தவன் குடும்பத்தை எப்படி கெடுப்பது, அயலான் மனைவியை எப்படி அடைவது, அப்பாவிகள் மீது எப்படி பழி சுமத்துவது போன்ற, பஞ்சமா பாதகங்களையும், 'டிவி' தொடர்களில் காட்டுகின்றனர்.
மேலும், 'ரேட்டிங்'கை அதிகரிக்க, மக்களின் மனங்களில், எதிர்மறை எண்ணங்களை விதைத்து சம்பாதிக்கின்றனர்.
இது ஒருவகை என்றால், குடிக்காரனைக் கூட திருத்தி விடலாம், 'டிவி' தொடர் பார்க்கும் அடிமைகளை திருத்தவே முடியாதது, இன்னொரு வகை. என் மனைவியும், 'டிவி' தொடர் பார்க்கும் அடிமைகளில் ஒருவராக இருந்தாள்.
காலையும், மதியமும் அவளுடைய ரத்த அழுத்தத்தை, கருவி மூலம், வீட்டிலேயே சோதனை செய்தேன். அடுத்து, மாலையில், என் மனைவி, 'டிவி' தொடர் பார்க்கும் போது, ரத்த அழுத்தத்தை சோதித்தேன். 'கன்னா பின்னா' என்று எகிறி இருந்தது.
'சர்க்கரை நோயாளியாகிய, உனக்கு, 'டிவி' தொடர்களால், ரத்த அழுத்தம், ஏறி இறங்கி, உயிருக்கே ஆபத்து ஆகிவிடும்...' என்று, அறிவுரை கூறினேன். இப்போது, 'டிவி' தொடர் பார்ப்பது குறைந்துள்ளது. விரைவில், முழுவதுமாக அதிலிருந்து மீண்டு விடுவாள் என்று நம்புகிறேன்.
'டிவி' தொடர் பார்க்கும் பழக்கமுள்ளவர்கள், சிறிது சிறிதாக அதிலிருந்து விடுபட்டு, உடல்நலத்தை காப்பாற்றி கொள்ளுங்களேன்!
வெ.ஆசைத்தம்பி, தஞ்சாவூர்.
விலையாகும் பழைய பாட புத்தகங்கள்!
நண்பர் ஒருவரின் வீட்டிற்கு சென்றிருந்தேன். அந்த வீட்டு பெரியவர், பக்கத்து வீடு மற்றும் தெரிந்தவர்கள் வீட்டிலிருந்து, பழைய பள்ளி பாட புத்தகங்களை வாங்கி, சீரமைத்து, அழகுபடுத்திக் கொண்டிருந்தார்.
என் பார்வையின் அர்த்தத்தை புரிந்துகொண்டவர், 'எல்.கே.ஜி., முதல் பிளஸ் 2 வரை அனைத்து, சி.பி.எஸ்.சி., மற்றும் மெட்ரிக் பாட சம்பந்தமான பழைய புத்தகங்களை வாங்கி, சீரமைத்து வருகிறேன். பள்ளி திறப்பதற்கு முன், ஏழை பெற்றோர், இவைகளை கேட்கும்போது, பாதி விலைக்கு கொடுப்பேன்...' என்றார்.
இடைமறித்த நான், 'இவைகளை, ஏழைகளுக்கு இலவசமாக கொடுக்கலாமே...' என்றேன்.
'இலவசமாக கிடைக்கும் எந்த பொருளுக்கும், சமுதாயத்தில் மதிப்பும், மரியாதையும் இருப்பதில்லை. அதனால், அவர்களிடம் பாதி விலைக்கு கொடுத்து, புத்தகம் கொடுத்தவர்களுக்கு, ஒரு தொகையை கொடுத்து விடுவேன். மீதி தொகையை, புத்தகங்களை சீரமைக்க ஆகும் செலவுக்கு வைத்துக் கொள்கிறேன்.
'கடந்த, 15 ஆண்டுகளாக, இதை ஒரு சமூக சேவையாக செய்கிறேன். புத்தகம் கொடுக்கும் பெற்றோருக்கும், இதில் பங்கு இருப்பதால், அவர்களும் புத்தகங்களை கொடுக்க முன் வருகின்றனர்...' என்றார்.
இப்படியொரு சேவை செய்பவரை மனதார பாராட்டி, பழைய புத்தகங்களை, நானும் சேகரித்து கொடுக்கப் போவதாக கூறி வந்தேன்.
எஸ்.நாராயணன், சென்னை.
தினமலர் டெலிகிராம் சேனலில் பார்க்கலாம் Click here to join
Telegram Channel for FREE
- புதியவை
''இலவசமாக கிடைக்கும் எந்த பொருளுக்கும், சமுதாயத்தில் மதிப்பும், மரியாதையும் இருப்பதில்லை''............உண்மைதான் ......அன்னதானம் நடக்கும் இடங்களில் இதை அதிகம் பார்க்கலாம் .......அளவுக்கு அதிகமாக கேட்டு சண்டையிட்டு வாங்கி சாப்பிடமுடியாமல் கீழே கொட்டும் பல பேரை பார்த்திருக்கிறேன் ........
வாசகர்களே, நல்ல கருத்துக்கள், யோசனைகள் உங்கள் மனதிலும் எழலாம். அவற்றை உங்கள் கருத்தாகவே பதிவு செய்யுங்கள். தேவையில்லாமல், எனது நண்பர், நண்பரின் நண்பர், தூரத்து உறவினர், அண்டை வீட்டார் என்றெல்லாம் கதை விட வேண்டாம். தலையை சுற்றி மூக்கை தொடுவானேன். இது "இது உங்கள் இடம்" குறித்த எனது தாழ்மையான கருத்து.
பிறர் சொல்லி கேள்வி பட்டத்தை மின் வலைதளைத்தில் தேடி பின் அதன் என் கருதுகள் என்று எழுதுவது செய்தி திருடாகாதா? பரிஷயில் மாறவர்களா காபி அடித்து தான் எழுதியதாக மார்க் கேட்பதும் அப்போ சரிதானா? அரசாங்க அலுவலகங்களில் ஏஜெண்டுகளாக அலைபவர்கள், தங்களையும் அதிகாரிகள் என்று சொல்லி கொள்ள முடியுமா? சரித்திரம் என்று இருக்காதே நண்பரே...
எஸ்.நாராயணன், சென்னை, 15 வருடமாக உங்கள் நண்பர் என்ன செய்துகொண்டிருக்கிறார் என்பதை தெரியாமல் இருந்திருக்கிறீர்கள்.
பிறர் விஷத்தில் மூக்கை நுழைக்க விரும்பாதவராக நாராயணன் இருந்திருப்பார். அவருடைய வேலையே அதிகமாகவும் இருக்கலாமே சாகப்போற நேரம் கூட கணவன் யாருக்கு கடன் கொடுத்திருக்கிறார், யார் யாருக்கு கடன் கொடுக்க வேண்டும் என்று கூட சொல்லாமல் செத்தவர்கள் எத்தனையோ? மனைவி மக்களிடம் அவர் சாகும் வரை என்ன செய்து கொண்டிருந்தீர்கள் என்று கேட்க முடியுமா?...
Copyright © 2021 Dinamalar - No.1 Tamil website in the world. Designed and Hosted by Web Division,Dinamalar. | Contact us