- இன்று
- கடந்த வாரம்
- கடந்த மாதம்
- இன்று
- கடந்த வாரம்
- கடந்த மாதம்
- குடியுரிமை சட்ட திருத்த மசோதா ராஜ்யசபாவில் நாளை தாக்கல் டிசம்பர் 10,2019
- " ஒரு குண்டுகூட சுடவில்லை" - அமித்ஷா டிசம்பர் 10,2019
- குடியுரிமை சட்டதிருத்த மசோதா: இம்ரான் எதிர்ப்பு டிசம்பர் 10,2019
- தனி தீவுக்கு ஸ்டாலின் முதல்வராகலாம்: ஜெயக்குமார் நக்கல் டிசம்பர் 10,2019
- நிர்பயா பலாத்காரம் நடந்த நாளில் 4 பேரையும் தூக்கு போட முடிவு ? டிசம்பர் 10,2019
- இன்று
- கடந்த வாரம்
- கடந்த மாதம்
பதிவு செய்த நாள்
09 ஜூன்2019
00:00
முருகப் பெருமான், மயிலில் அமர்ந்துள்ளதை பார்த்திருப்பீர்கள். ஆனால், அவரது துணைவியரான, வள்ளியும், தெய்வானையும், மயிலில் அமர்ந்துள்ள அதிசயத்தை காண, சிவகங்கை மாவட்டம், இரணியூர், ஆட்கொண்டநாதர் கோவிலுக்குச் செல்ல வேண்டும்.
நரசிம்ம அவதாரம் எடுத்து, அசுரனான, இரணியனை சம்ஹாரம் செய்தார், திருமால். இதனால், அவருக்கு ஏற்பட்ட தோஷம் நீங்க, சிவனை வேண்டினார். அவருக்கு காட்சி தந்து, தோஷம் நீக்கினார், சிவன். அத்துடன், திருமாலின் வேண்டுதலை ஏற்று, இத்தலத்தில், ஆட்கொண்டநாதர் என்ற பெயரில் எழுந்தருளினார்.
நரசிம்மருக்கு விமோசனம் தந்தவர் என்பதால், இவருக்கு, நரசிம்மேஸ்வரர் என்றும் பெயருண்டு. இரணியனை கொன்ற பாவத்துக்கு, விமோசனம் தந்த ஊர் என்பதால், இரணியூர் என்றும் பெயர் ஏற்பட்டது.
கோவில்களில் உள்ள கோபுரமும், விமானமும், சுவாமியின் அம்சமாக உள்ளன. நடை அடைத்து விட்டால், விமானத்தை, சுவாமியாக கருதி வழிபடுவர். இக்கோவிலில், சுவாமியையும், விமானத்தையும் ஒரே நேரத்தில் தரிசிக்கும் விதமாக அமைத்துள்ளது விசேஷம். முன்மண்டபத்தில் இருந்து இந்த கோணத்தில், சுவாமியை தரிசிக்கலாம்.
இங்கு, 60 மற்றும் 80ம் திருமணம் நடத்துகின்றனர். அம்பாள் சிவபுரந்தேவி, தெற்கு நோக்கி காட்சி தருகிறாள். நரசிம்மர், சிவனை வழிபட்டபோது, உடனிருந்த அம்பிகை, அண்ணனின் தோற்றத்தை கண்டு, தானும் உக்கிரம் அடைந்தாள். இவள் உக்கிரமானபோது, உருவான சக்திகள், இவளது சன்னிதி எதிரிலுள்ள மண்டப துாண்களில் நவ சக்திகளாக காட்சி தருகின்றன.
அம்பாள் சன்னிதி அருகில், பைரவர் சன்னிதி இருக்கிறது. இவர், இடதுபுறம் திரும்பிய நாய் வாகனத்துடன், கோரைப் பற்களுடன் காட்சி தருகிறார். இவருக்கு, கார்த்திகை மாதத்தில், சம்பகசூர சஷ்டி நடக்கிறது.
பிரகாரத்தில், முருகன், மயிலில் அமர்ந்துள்ளார். அருகில் இருக்கும் வள்ளி, தெய்வானையும், மயில் வாகனங்களில் தனித்தனியாக அமர்ந்திருப்பது, மிக விசேஷமான காட்சி.
இங்குள்ள, வித்தக விநாயகரிடம், மாணவர்கள், கல்வி சிறக்க வேண்டிக் கொள்கின்றனர். மேலும், தட்சிணாமூர்த்தி, சிம்மங்கள் தாங்கும் மண்டபத்தில் காட்சி தருகிறார். குபேரனும், வாயு பகவானும், குதிரையில் அமர்ந்துள்ளனர். நவக்கிரக, கஜலட்சுமி சன்னிதிகளும் உள்ளன.
மதுரை - தஞ்சாவூர் சாலையில், திருப்புத்துார், 60 கி.மீ., இங்கிருந்து, கீழச்சீவல்பட்டி வழியாக, 16 கி.மீ., சென்றால், இரணியூரை அடையலாம்.
தி. செல்லப்பா
- புதியவை
முருகன், விஷ்ணு(கண்ணன்) இருவருக்குமே இரண்டே மனைவிகள் என்கிறார்கள். கல்வி வளராத காலத்தில், முனிவர்கள் மட்டுமே புரிந்து கொண்ட அறிவை பாமரருக்கு கதை வடிவில்(தற்போதைய நடை முறை எழுத்து 1900 அப்புறமே தமிழுக்கு வந்தது) சுருக்கமாக நினைவில் வைக்க "சித்தி- யோக மூலம் தவத்தினால் சித்திக்கும் உள்ளுணர்வு, புத்தி - வெளி உலக கல்வி அறிவு என்று இரெண்டு மனைவிகளாக வருணித்தார்கள். பரமனுக்கு ஒரே மனைவி உடலில் இடப்பாகம் உள்ளாள். "நாரி இடப்பாகருக்கு நஞ்சளித்த பாவி என்று வாலியிடம் புகுபா வகையே- ஒரு பெண்ணை இடது மார்பில் வைத்திருக்கிறார் என்ற பச்சாதாபம் கூட இல்லாமல் ஏ கடேலே ஆலகால விஷத்தை சிவனுக்கு கொடுத்தாய், ஆகவே வைகை கடலில் கலககாது என்று என்ற பாடலில் வரும். மேலும் அவரே அறிவுக்கண் (மூன்றாம் கண் - முக்கண்ணன் - தேங்காயில் முளைக்கும் கண் போல் , புருவ மத்தியில் யோகாவில் காட்டப்படும் உள்ளுணர்வு ) . ஆகவே உருவாக்க படுத்தவே இந்த இரண்டு கடவுளுக்கு மட்டுமே இரெண்டு மனைவிக்கு என்கிறார்கள். இதை புரிந்து கொள்ளாத அறிவுஜீவி போர்வையார்கள் இதை புராண புளுகு என்கிறார்கள். அவர்களின் புரிதலை, இன்று ஓடடை விற்கும் மக்களிடமே ஈவேராவால் "காட்டு மிராண்டிகள் " என்று காசே கொடுக்குமாம் பாடம் பெற்றவர்களிடம் காண்கிறோம்.
Copyright © 2019 Dinamalar - No.1 Tamil website in the world. Designed and Hosted by Web Division,Dinamalar. | Contact us