கழுதையின் மரணம்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

12 ஜூலை
2019
00:00

காட்டூர் கிராமத்தில், தேவராஜ் என்ற வணிகர் இருந்தார். வியாபார நிமித்தமாக, அடிக்கடி வெளியூருக்கு செல்வார். மூட்டைகளை சுமக்க, ஒரு கழுதை வைத்திருந்தார். அழகிய நாய் ஒன்றையும், அன்புடன் வளர்த்து வந்தார்.
ஒரு நாள் -
மூட்டை முடிச்சுகளை கழுதையில் ஏற்றி, வெளியூருக்குப் புறப்பட்டார். நாயும் உடன் சென்றது.
பகல் நேரம், கொளுத்தும் வெயில். வணிகருக்கு தாகம் எடுத்தது; கழுதையை நிறுத்தி, ஒரு சிறு மூட்டையைப் பிரித்து, தண்ணீரை குடித்தார். அந்த பகுதியில், பசுமை அடர்ந்திருந்ததைக் கண்டு இளைப்பாற எண்ணி, ஒரு மரத்தடியில் படுத்தார்.
பெரும் சுமையால் அவதிப்பட்ட கழுதை, பசும் புல்வெளியைக் கண்டதும் மகிழ்ச்சியாக மேயத் துவங்கியது.
கழுதையின் அருகே சென்ற நாய், 'எனக்கு மிகவும் பசிக்கிறது; மயக்கம் வரும் போல் இருக்கிறது. தயவுசெய்து, சிறிது நேரம் தரையில் படுத்துக் கொள். உன் முதுகில் உள்ள, மூட்டையில், எனக்கு தேவையான உணவு உள்ளது. அதை தின்று, பசியை போக்கி கொள்கிறேன்; இந்த உதவியை செய்வாயா...' என்றது.
அந்த வேண்டுகோளை பொருட்டாக மதிக்கவில்லை கழுதை. அதன் மனதில், 'நாய்க்கு பசித்தால் எனக்கு என்ன' என்ற எண்ணமே இருந்தது.
கெஞ்சி கதறிய நாய்க்கு, இரக்கம் காட்டாமல், புல் மேய்வதில் கவனம் செலுத்தியது. நாய் கதறியதால் எரிச்சல் அடைந்த கழுதை, 'நச்சரித்து என்னை மேய விடாமல் தடுக்கிறாய்; இதை தொடர்ந்தால், எட்டி உதைத்துக் கொன்று விடுவேன்... உனக்கு உணவு தேவை என்றால் எஜமானை எழுப்பி கேள்...' என்றது.
பசியால் வாடிய நாய், பரிதாபமாக, எஜமான் அருகே சுருண்டு படுத்துக்கொண்டது.
அப்போது, அந்த வழியாக ஓநாய் ஒன்று, வேகமாக வந்து கொண்டிருந்தது. உணவு தேடிய ஓநாயின் கண்ணில், கழுதை தென்பட்டது.
ஓநாயைக் கண்ட கழுதைக்கு, உதறல் எடுத்தது. அது நாயிடம் மிகப் பணிவாக, 'ஒரு ஓநாய் வருகிறது... அதனிடமிருந்து என்னைக் காப்பாற்று...' என்று கெஞ்சியது.
'கழுதையே... உன் உயிர், ஓநாயின் கையில் உள்ளது; உன்னைக் காப்பாற்ற வேண்டிய எஜமான் துாங்கிக் கொண்டிருக்கிறார்; அவர் எழுந்ததும், உன் கோரிக்கையை சொல்; நிறைவேற்றுவார்...' என்றது நாய்.
'நீ நன்றி உள்ள பிராணி; இப்படிச் சொல்லலாமா... எப்படியாவது என்னைக் காப்பாற்று...' என்று கெஞ்சிய கழுதை மீது, ஓநாய் வேகமாக பாய்ந்து தாக்கியது.
அடுத்த கணம், சுருண்டு விழுந்து இறந்தது கழுதை. அதன் முதுகில் இருந்த மூட்டைகள் சிதறின.
குட்டீஸ்... உதவி செய்து வாழ வேண்டும் என்பதை மனதில் பதியுங்கள்.
- ஸ்ரீ செண்பகா பதிப்பகம்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X