தசாவதார ஒட்டியாணம்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

14 ஜூலை
2019
00:00

தசாவதாரத்தையும், சிலை வடிவில் தரிசிக்க, ஸ்ரீரங்கம் ரங்கநாதர் கோவில் அருகில், தசாவதார கோவில் இருக்கிறது. மதுரை அழகர்கோவிலில், தசாவதார சன்னிதி இருக்கிறது. ஆனால், தசாவதாரங்களையும் செப்புத் தகடுகளில் பொறித்து, ஒட்டியாணம் போல இடுப்பில் கட்டியிருக்கிறார், நாகப்பட்டினம், சவுந்தரராஜ பெருமாள்.
உத்தானபாத மகாராஜனின் குமாரன், துருவன். சிறு வயதில் சிற்றன்னையால் அவமானப் படுத்தப்பட்டான். அந்த அவமானத்தை துடைக்க, பூலோகம் மட்டுமின்றி, தேவலோகமும் தனக்கு அடிமையாக வேண்டும் என, பெருமாளை வேண்டி தவம் செய்தான்.
தேவலோகம், தங்களிடமிருந்து பறிபோவதை விரும்பாத தேவர்கள், அவனது தவத்தை கலைக்க, இடைஞ்சல் செய்தனர். இருப்பினும், தவத்தை வெற்றிகரமாக முடித்த துருவன் முன், கருடன் மீது அமர்ந்து, பேரழகு பொருந்தியவராக, தரிசனம் தந்தார், பெருமாள்.
பெருமாளின் அழகில் மயங்கிய துருவன், கேட்க வந்த வரத்தை மறந்தான்.
'பெருமாளே... இந்த உலகம், எனக்கு அடிமையாகி, நான் என்ன செய்யப் போகிறேன்? உனக்கு, நான் அடிமையாகிறேன். அதில் தான் உண்மையான சுகம் இருக்கிறது. உன் பேரழகை எப்போதும் தரிசிக்கும் பாக்கியத்தை தர வேண்டும்...' என்றான்.
பெருமாளும், தன் அழகான திருக்கோலத்துடன், அவன் தவமிருந்த நாகப்பட்டினத்தில் தங்கினார். சவுந்தரராஜ பெருமாள் என, பெயர் பெற்றார்; சவுந்தரம் என்றால், அழகு.
நாகங்களுக்கெல்லாம் தலைவனான ஆதிசேஷன், ஒரு இடத்தில், 'சாரபுஷ்கரணி' என்ற தீர்த்தத்தை உருவாக்கி, அதன் கரையில் அமர்ந்து, பெருமாளை நினைத்து தவமிருந்தது. பெருமாளுக்கு படுக்கையாக வேண்டும் என்பது, அதன் விருப்பம். அவரும் மகிழ்ந்து, படுக்கையாக ஏற்றுக்கொண்டார். நாகம், பெருமாளை ஆராதித்ததால், அதன் பெயரால், இவ்வூர், நாகப்பட்டினம் ஆனது.
பெருமாளின், 108 திவ்ய தேசங்களில் இதுவும் ஒன்று. நான்கு யுகம் கண்ட இந்த பெருமாள், நின்ற, படுத்த, அமர்ந்த கோலங்களில் அருள்பாலிக்கிறார். தசாவதாரங்களை விளக்கக் கூடிய, செம்பு தகட்டாலான ஒட்டியாணம், பெருமாளின் இடையை அலங்கரிக்கிறது. இதைப் பார்த்தால் புண்ணியம் கிடைக்கும்; காள சர்ப்பதோஷம், திருமணத்தடை நீங்கும்.
நரசிம்மர், இங்கு எட்டு கரத்துடன் அருள்பாலிக்கிறார். ஒரு கை பிரகலாதனை ஆசிர்வதிக்கிறது. இங்குள்ள அஷ்டபுஜ துர்க்கையும் சக்தி வாய்ந்தவள்.
நாகப்பட்டினம் பேருந்து நிலையத்தில் இருந்து, 1 கி.மீ., துாரத்தில் கோவில் உள்ளது.

தி. செல்லப்பா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X