அந்துமணி பதில்கள்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

14 ஜூலை
2019
00:00

பா. பிரதாப், பெண்ணாடம், கடலுார் மாவட்டம்: தண்ணீர் பிரச்னைக்கு காரணம், பருவ நிலை மாற்றமா, மக்களின் கவனக்குறைவா, அரசின் பொறுப்பின்மையா?
மூன்றாவதே முதல் காரணம்! திராவிட கட்சிகள், ஆட்சிக்கு வந்த பின், ஏரி, குளங்களை துார் வாருவதில்லை; அதன் ஆக்கிரமிப்புகளுக்கு ஆதரவு கொடுத்தனர்; அந்துடன், ஆறுகளை கவனிக்கவில்லை.
இதனால், பருவ மழை காலங்களில், 147 டி.எம்.சி., தண்ணீர் வீணாக, கடலில் கலக்கிறது. ஆளுவோர், புனரமைப்பிற்கு, பல கோடி செலவு செய்வதாக கூறினாலும், அப்பணம், அவர்களுக்கும், அரசு அதிகாரிகளுக்கும் மற்றும் ஒப்பந்ததாரர்களிடமே சென்று சேர்கிறது!

கு.அழகிரி, புவனகிரி: அந்துமணியாரே... உங்களது நெருங்கிய நண்பர்களாக, யார், யாரை கருதுகிறீர்கள்?
இரண்டே இரண்டு பேர் தான்! அவர்களுக்கு தனிப் பெயர் கிடையாது; உலகில் அனைத்து மொழிகளிலும் பொது பெயர் கிடையாது!
முதலாமவர், கொசு; இரண்டாவர், மூட்டைப்பூச்சி!
இருவரும் தான், 'டேய்... துாங்காதே... எழும்பி வேலையை பார்...' என, அவரவர் மொழிகளில் கூறுவர்!

* எஸ்.கருணாகரன், மதுரை: நான், கடுமையாக உழைக்கிறேன்... என்னால், பணத்தில் முன்னேற முடியவில்லை!
கருத்துடன் உழைத்தால், 'லட்சுமி' வருவாள். கரத்தால் மட்டுமே வேலையை செய்தால், வயிறு மட்டுமே நிறையும்!

ஆர்.கோகிலா, சென்னை: பொய்யே பேசாதவர்களை பார்த்து இருக்கிறீர்களா?
பார்த்து இருக்கிறேனே... அவர்களால் வாயே பேச முடியாது... அப்புறம் எப்படி, பொய் பேச முடியும்... அப்பேர்பட்டவரை, 'ஊமை' என, அழைக்கின்றனர்!

மதுரை முருகேசன், தஞ்சாவூர்: 'வாரமலர்' இதழின், 'திண்ணை' பகுதியை ஒருங்கிணைத்து, புத்தகமாக தயாரிக்க வேண்டும் என்ற, என் ஆர்வம் குறித்து...
மிக்க மகிழ்ச்சியானது தான்! ஆனால், அந்த சிரமம் உங்களுக்கு வேண்டாம் என்பதாலேயே, 'தாமரை பிரதர்ஸ்' என்ற புத்தக வெளியீட்டாளர்கள், அப்பணியில் ஈடுபட்டுள்ளனர்; விரைவில் அது வெளியாகிவிடும்.

டி.ஜே.தனபாலன், கோவை: 'டாஸ்மாக்' கடைகளை, மாலை, 5:00 மணிக்கு திறந்து, இரவு, 10:00 மணிக்கு மூடினால் என்ன?
முதலில் சந்தோஷப்படுபவர், திருமணமான, 'குடி' மக்களின் மனைவியர்... அடுத்து, அக்கடையின் ஊழியர்! ஆனால், நம் உற்சாகபான பிரியர்கள், முன்னெச்சரிக்கை கொண்டவர்கள் என்பதை மறந்து விடாதீர்!

* மு. கருணாநிதி, திருவாரூர்: இந்தியா முழுவதும், காங்கிரசார், இன்று எப்படி இருக்கின்றனர்?
தண்ணீர் ஊற்றி வைத்த பழைய சோற்றில், எருமைத் தயிரை ஊற்றி சாப்பிடுவது போல், தொய்ந்து போய் கிடக்கின்றனர்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
pu.ma.ko - Chennai,இந்தியா
17-ஜூலை-201902:24:30 IST Report Abuse
pu.ma.ko மு. கருணாநிதி, திருவாரூர்... குசும்பு தான...
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X