'சைலன்ட் அட்டாக்' ஏன் வருகிறது தெரியுமா...!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

21 ஜூலை
2019
00:00

'சைலன்ட் அட்டாக்' என்று சொல்கின்றனரே? அப்படியென்றால் என்ன. இப்பாதிப்பு வர என்ன காரணம்?
நெஞ்சு வலிக்காமலேயே மாரடைப்பு ஏற்பட்டால், அதை 'சைலன்ட் அட்டாக்' என்பர். வயது முதிர்ந்தவர்களுக்கும் சர்க்கரை நோயாளிகளுக்கும் நரம்பு கோளாறு உள்ளவர்களுக்கும் இவ்வகை மாரடைப்பு ஏற்படும் வாய்ப்பு அதிகம். அதே போல எவ்வித உடற்பயிற்சி, உணவுக்கட்டுப்பாடு இன்றி ஒரே இடத்தில் உட்கார்ந்து வேலை பார்ப்பவர்களுக்கும் வலியில்லா மாரடைப்பு ஏற்பட வாய்ப்புண்டு. மேல்வயிறு, தோள்பட்டை, கழுத்து வலி, சில நேரங்களில் தலை வலி, மயக்கம் போன்றவை கூட இம்மாரடைப்பின் அறிகுறிகளாக இருக்கும்.
முக்கியமாக கவனிக்க வேண்டியது என்னவென்றால், திடீரென்று மூச்சு வாங்குதல், வயிறு மற்றும் நெஞ்சு எரிச்சல் ஏற்பட்டால், இது மாரடைப்பா என்பதை இ.சி.ஜி.,மூலம் தெரிந்துகொள்ள வேண்டும். வருடத்திற்கு ஒருமுறை எக்கோ டெஸ்ட், டிரெட்மில் எனப்படும் பரிசோதனை செய்ய வேண்டும்.
இப்பரிசோதனைகளின் போது நமது நாடித்துடிப்பு 100க்கும் மேல் செல்லும். எனவே இதயத்தின் வேலைப்பளு கூடுகிறது. இவ்வாறு கூடும்போது, இ.சி.ஜி.,யில் மாற்றம் ஏற்படுகிறதா என தெரிந்துகொள்ளலாம்.
இதயத்திற்குரிய முக்கிய பரிசோதனைகளை வருடத்திற்கு ஒரு முறை செய்வது நல்லது. அவ்வாறு செய்தால் இதயத்தின் சிறுகோளாறுகளை கூட உடனுக்குடன் கண்டறிந்து சிகிச்சை பெற முடியும். வலியில்லா மாரடைப்பை தவிர்க்கலாம்.

பெண்களுக்கு மாரடைப்பு வர வாய்ப்புண்டா?
மாதவிடாய் முழுமையாக நிற்பதற்கு முந்தைய காலகட்டங்களில் பெண்களுக்கு மாரடைப்பு வரும் வாய்ப்பு குறைவு. 40 அல்லது 50 வயதில் மாதவிடாய் நின்றவுடன் மாரடைப்புக்கான வாய்ப்பு ஆண்களை விட அதிகம். நம் நாட்டில் உள்ள பெண்களின் வாழ்வியல் முறையும் மாரடைப்புக்கு வித்திடும் முக்கிய காரணியாகும். பல பெண்கள் முறையாக உடற்பயிற்சி செய்வதில்லை. நிறைய பெண்கள் வீடு கூட்டுவது, பாத்திரம் விளக்குவது, மாவாட்டுவது போன்ற சின்ன, சின்ன வேலைகளை கூட செய்வதில்லை. மாறாக தொலைக்காட்சியில் அதிக நேரம் மூழ்கிவிடுகின்றனர். அப்போது ஏதாவது நொறுக்குத்தீனியையும் அதிகம் சாப்பிடுகின்றனர். மேலும் இப்போதைய பெண்கள் எளிதில் மனஅழுத்தத்திற்கும் உள்ளாகின்றனர். சின்ன விஷயங்களை கூட சகிக்கும் தன்மை இல்லை.
எனவே இன்றைய காலத்தில் பெண்களுக்கும் மாரடைப்பு அதிகமாக வருகிறது. மாதவிடாய் நிற்பதற்கு முந்தைய காலங்களில் பெண்களிடம் சுரக்கும் ஈஸ்டோஜன் என்ற ஹார்மோன் ஓரளவு மாரடைப்பை தடுக்கின்றது. பெண்கள் மாரடைப்பில் இருந்து தப்பிக்க சோம்பலான வாழ்வியல் முறையில் இருந்து விடுபட வேண்டும்.
- டாக்டர் சங்குமணி
பொது மருத்துவர், சர்க்கரை நோய் நிபுணர்
மதுரை, 98432 72876

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X