இதப்படிங்க முதல்ல...
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

11 ஆக
2019
00:00

இரட்டை வேடத்தில், கமல்!
ஷங்கர் இயக்கத்தில், இந்தியன் - 2 படத்தில், இரண்டு வேடங்களில் நடித்து வருகிறார், கமல். பல ஆண்டுகளாக, தான் கிடப்பில் போட்டு வைத்திருந்த, தலைவன் இருக்கிறான் படத்தையும், தற்போது துாசு தட்டியிருக்கிறார். இந்த படத்தில், அவர், 'ஹீரோ' - வில்லன் என, இரண்டு விதமான வேடங்களில் நடிக்கும் செய்தி, தற்போது வெளியாகி இருக்கிறது. ஆக, ஒரே நேரத்தில், இரண்டு படங்களில், இரட்டை வேடங்களில் நடிக்கிறார், கமல்.
சினிமா பொன்னையா

யோகிபாபுவுடன் நடிக்கத் துடிக்கும் நடிகையர்!
யோகிபாபுவின் நேரம், இப்போது, உச்சத்தில் இருக்கிறது. கோல மாவு கோகிலா படத்தில், நயன்தாராவை ஒருதலையாக காதலிக்கும் வேடத்தில் நடிக்க, அந்த படம், 'ஹிட்' ஆனது. இப்போது, கதையின் நாயகியாக அஞ்சலி நடிக்கும் படத்தில், தன்னை ஒருதலையாக காதலிக்கும் வேடத்தில் நடிக்க, நடிகர் தேர்வு நடைபெற்றபோது, யோகிபாபுவிற்கு சிபாரிசு செய்திருக்கிறார். முன்னணி நடிகையரே, தன்னுடன் நடிப்பதில் ஆர்வம் காட்டுவதால், சொல்ல முடியாத சந்தோஷத்தில் மிதந்து கொண்டிருக்கிறார், யோகிபாபு.
— சினிமா பொன்னையா

ரசிகர்களை அலற விட்ட, நந்திதா!
தமிழில், குடும்ப குத்துவிளக்காக நடித்து வந்த, நந்திதாவிற்கு, நிறைய ரசிகர்கள் இருந்தனர். இலைமறை காய்மறை கவர்ச்சிக்காகவே, அவரை, 'கவிதை நாயகி' என்றும் புகழ்ந்து வந்தனர். ஆனால், தற்போது, கன்னட சினிமாவிற்குள் சென்றுள்ள, நந்திதாவோ, ஒரு படத்தில், 'மாடர்ன் ரோல்' என்ற பெயரில், துகிலுரிந்து நிற்கிறார். அதுவும், கவர்ச்சி நடன நடிகையரே அலறும் அளவுக்கு, துக்கடா நடிகையாகி விட்டார். அதைப் பார்த்து, 'நந்திதாவா, இவ்வளவு மோசமாகி விட்டார்...' என்று, அவரது ரசிகர்கள் அதிர்ச்சியில் உறைந்துள்ளனர். உள்ளதைக் கொண்டுதான் ஊராள வேண்டும்!
எலீசா

ஆண்ட்ரியாவை அதிர வைத்த, யாஷிகா ஆனந்த்!
தமிழ் சினிமாவில், 'சரக்கு, தம்' அடிப்பது மற்றும் படுக்கையறை காட்சி என்று, கலந்து கட்டி அடிப்பார், ஆண்ட்ரியா. ஆனால், இருட்டு அறையில் முரட்டு குத்து படத்தில் நடித்த, யாஷிகா ஆனந்தும், ஆண்ட்ரியாவின் அதிரடி பாணியை கையில் எடுத்துள்ளார். அம்சமான புது வரவு நடிகை என்பதால், ஆண்ட்ரியாவை ஒப்பந்தம் பண்ணிய இயக்குனர்களே, இப்போது, அவரை ஓரங்கட்டி, யாஷிகா பக்கம் சாய்ந்து விட்டனர். தன் மார்க்கெட்டுக்கு, யாஷிகா, 'வேட்டு' வைத்து விட்டதால், 'பாலிவுட்'டில் குடியேற தயாராகிறார், ஆண்ட்ரியா. இருந்த வெள்ளத்தைத் தள்ளிற்றாம் வந்த வெள்ளம்!
எலீசா

ஜோதிகாவுடன் மோதும், நயன்தாரா!
நயன்தாரா தான், தமிழ் சினிமாவில், 'சூப்பர் ஸ்டார்' நடிகை என்ற நிலையை, ஜோதிகாவின் வருகை உடைத்தெறிந்து விட்டது. இருப்பினும், தன் இடத்தை தக்க வைக்க நினைக்கும், நயன்தாரா, அடுத்தபடியாக, தான் கதையின் நாயகியாக நடிக்கும் படத்தை, ஜோதிகாவின் படம் வெளியாகும் அதே நாளில் வெளியிட்டு, பலப்பரீட்சை பார்த்துவிடும் முடிவில் இருக்கிறார். ஆக, இதுவரை நடிகர்கள் இடையே மட்டுமே நிலவி வந்த போட்டி, இப்போது, இரண்டு மெகா நடிகையருக்கு இடையேயும் வெடித்துள்ளது.
— சினிமா பொன்னையா

கறுப்புப் பூனை!
அந்தமான் படத்தில், மான் குட்டியாக துள்ளிக் குதித்த, நான்கெழுத்து நடிகை, முன்வரிசைக்கு முண்டியடித்து வருகிறார். அதற்கு, இயக்குனர்கள் ஒத்துழைக்காததால், இப்போது சில இளவட்ட, 'ஹீரோக்'களுக்கு, 'ரூட்' விட்டு வருகிறார். அவர்களை சுண்டியிழுப்பதற்காக, தன் அதிரடியான சில ஆபாச, 'வீடியோ'க்களை அனுப்பி, ஆழம் பார்த்துக் கொண்டிருக்கிறார், அம்மணி.
'அடியே இந்துஜா... வாலிபால் போட்டியில ஜெயிக்கணும்ன்னா, நேர் வழியிலே போகணும்; குறுக்கு வழியில போனா, ஜெயிக்க முடியாது. பேர் தான் கெட்டு போகும். அப்புறம், பட்ட பாடெல்லாம் வீணாயிடும். முறையா பயிற்சி எடுத்துக்க... நிச்சயம் ஜெயிப்ப...' என்று அறிவுறுத்தினாள், அம்மா.

சினி துளிகள்!
* விஜய்யின், பிகில் படத்தில், கால்பந்தாட்ட கேப்டனாக நடிக்கிறார், இந்துஜா.
* சரத்குமார் - சசிகுமார் இணைந்து நடித்து வரும் படத்திற்கு, நாநா என்று தலைப்பு வைத்துள்ளனர்.
* விஜய் சேதுபதியுடன் நடிக்கும், லாபம் படம், சரிந்த, தன் மார்க்கெட்டை துாக்கி நிறுத்தும் என்று உறுதியாக நம்புகிறார், ஸ்ருதிஹாசன்.

அவளோதான்!

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X