திண்ணை!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

18 ஆக
2019
00:00

கற்பகம் புத்தகாலயம் வெளியீடு, இயக்குனர் மகேந்திரன் எழுதிய, 'சினிமாவும், நானும்' நுாலிலிருந்து: சமீபத்தில் இறந்த, பிரபல நகைச்சுவை நடிகர் மற்றும் கதை வசனகர்த்தா, கிரேசி மோகன். தன் கதைகளில் கதாநாயகி பெயர், ஜானகி என இருப்பது ஏன் என்பதற்கு, ஒருமுறை இப்படி விளக்கம் கூறினார்...
'ஜானகி என்ற, என் பள்ளி ஆசிரியையை எனக்கு ரொம்ப பிடிக்கும். அதனால், அவர் பெயரையே, என் கதாநாயகிகளுக்கும் வைத்து விட்டேன்...' என்றார்.
அதேபோல், என் இயக்கத்தில் வெளியான படங்களில், கதாநாயகியின் பெயர், லட்சுமி என்றே இருக்கும்.
தங்கப்பதக்கம் படத்தில், எஸ்.பி.சவுத்ரியின் மனைவி பெயர், லட்சுமி. உதிரிப்பூக்கள் படத்தில், முக்கிய கதாபாத்திரமான அஸ்வினியின் பெயரும், லட்சுமி. இப்படி, என் எல்லா படங்களிலும், முக்கியமான பெண் கதாபாத்திரங்களுக்கு, லட்சுமி என்று தான் பெயர் வைப்பேன். இதற்கு காரணம், மறைந்த நடிகர், செந்தாமரையின் மனைவி பெயர், லட்சுமி.
சென்னை வந்த ஆரம்ப காலத்தில், எத்தனையோ நாட்கள், மதிய சாப்பாட்டு நேரத்தில், திடீரென, என்னை வீட்டுக்கு அழைத்துச் செல்வார், செந்தாமரை. தன் மனைவியிடம், 'எங்க ரெண்டு பேருக்கும், சாப்பாடு எடுத்து வை...' என்பார், மிடுக்காக.
அந்நேரம், செந்தாமரையின் குடும்பம் வறுமையில் உழன்றது. அவர் மனைவி, லட்சுமியோ, எங்கள் இருவருக்கும் பரிமாறுவார்.
பல நட்களுக்கு பிறகு தான், எனக்கு உண்மை தெரிய வந்தது. தனக்கு வைத்திருந்த சாப்பாட்டை எனக்கு வைத்து, என் பசியை போக்கிய அந்த தாய், எங்கள் இருவருக்கும் தெரியாமல் பல நாட்கள் பட்டினி கிடந்திருக்கிறார். இந்த உண்மையை அறிய நேர்ந்தபோது, துடித்து விட்டேன்.
தான் பட்டினி கிடந்து, கணவன் அழைத்து வரும் விருந்தாளியின் பசியை போக்கிய, அந்த பெண்மணியின் உள்ளத்து மேன்மையை, என்னால் மறக்க முடியவில்லை. அதனால், என் நன்றியை காட்டும் விதமாக, அந்த பெண்மணியின் பெயரை, என் படங்களில் பிரதான கேரக்டர்களுக்கு சூட்டி, மனம் நிறைந்தேன்.

வானதி பதிப்பகம் வெளியீடு, அவ்வை சண்முகம் எழுதிய, 'எனது நாடக வாழ்க்கை' நுாலிலிருந்து: கானாடு காத்தான், வை.சு.சண்முகம் செட்டியார், பாரதியாரின் நண்பர். ஒருமுறை, அவர் வீட்டிற்கு சென்று, 'எனக்கு, அவசரமாக, 100 ரூபாய் வேண்டும். கொடுப்பீரா...' என்றாராம், பாரதியார்.
உடனே செட்டியாரும், 'இதோ தருகிறேன்...' என்று பெட்டியை திறந்து, 100 ரூபாய் எடுத்து, பாரதியிடம் கொடுத்துள்ளார்.
நோட்டை இருபுறமும் திருப்பி பார்த்து, 'இது எனக்கு தானே...' என்றாராம், பாரதி.
'ஏன்... என்ன சந்தேகம்?' என்றார், செட்டியார்.
'இல்லை. எனக்கு சொந்தமான இந்த நோட்டை, நான் எப்படி வேண்டுமானாலும் பயன்படுத்திக் கொள்ள, உரிமை உண்டல்லவா?' என்றார், பாரதி.
'தாராளமாக... எப்படி வேண்டுமானாலும் உபயோகப்படுத்திக் கொள்ளலாம்...' என்றார்.
மீண்டும், நோட்டை திருப்பித் திருப்பி பார்த்துக் கொண்டே நின்றார், பாரதியார்.
ஒன்றும் புரியாமல் செட்டியார், 'ஏதாவது தேவையானால், வாங்கி வரச் சொல்கிறேனே...' என்று கூறியுள்ளார்.
அதற்குள், தன் கையிலிருந்த, 100 ரூபாயை சுக்கு நுாறாக கிழித்து போட்டு விட்டார், பாரதி.
உடனே செட்டியார், 'ஏனய்யா கிழித்தீர்?' என, கேட்டார்.
'என் நோட்டை, நான் என்ன வேண்டுமானாலும் செய்வேன். உமக்கென்னய்யா அக்கறை...' என்று சொல்லி, கலகலவென சிரித்தாராம், பாரதி.

அந்த நாளில், அனேகமாக எல்லா ஊர்களிலும் ரவுடிகள் உண்டு. அவர்கள், நாடககாரர்களிடம் எப்போதும் தங்கள் கைவரிசையை காண்பிப்பது வழக்கம். இதற்காக, ஒவ்வொரு ஊரிலும், சில ரவுடிகளுக்கு, இலவச டிக்கெட் கொடுத்து சரிப்படுத்துவதும் உண்டு.
துாத்துக்குடியில், இப்படிப்பட்ட ரவுடிகள், 1940களில் அதிகம். எந்த கம்பெனி நாடகம் போட்டாலும், இவர்கள் தான், நுழைவு வாயிலில் நிற்பது வழக்கம். அதற்காக குறிப்பிட்ட தொகையை தரவேண்டும் என்று வாதாடுவர்.
தர மறுத்தால், 'நாடகம் எப்படி நடக்கிறது பார்க்கலாம்...' எனச் சொல்லி, அடுத்த நாள், நாடகம் ஆரம்பத்திலோ, நடுவிலோ புகுந்து கலாட்டா செய்வர். இவர்கள் விஷயத்தில், போலீசார் தலையிடவே மாட்டார்கள்.

நடுத்தெரு நாராயணன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (3)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Natarajan Ramanathan - தேவகோட்டை,இந்தியா
18-ஆக-201907:33:26 IST Report Abuse
Natarajan Ramanathan தூத்துக்குடியில், இப்படிப்பட்ட ரவுடிகள், 1940களில் அதிகம்....அப்போதே அப்படியா? தூத்துக்குடி தமிழகத்தின் கரும்புள்ளிதான்
Rate this:
Share this comment
சுந்தரம் - Kuwait,குவைத்
18-ஆக-201915:14:46 IST Report Abuse
சுந்தரம் தூத்துக்குடி ரவுடித்தனம் 1980 வரை நீடித்தது. அதன் பின்னர் அரசாங்கம் தீவிர நடவடிக்கை எடுத்து (மங்கள் தனராஜ் என்று ஞாபகம் காவல் துறை அதிகாரி) ரவுடிகளின் கொட்டத்தை அடக்கியது....
Rate this:
Share this comment
Cancel
கதிரழகன், SSLC - சிவகங்கை, TN,இந்தியா
18-ஆக-201905:04:30 IST Report Abuse
கதிரழகன், SSLC பாரதியாரு மெய்யாலுமே அப்படி செஞ்சிருந்தா அதை மறந்துடுங்கய்யா... பைத்திய கார தனமா இருக்கு பெருமையா இல்ல.
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X