திண்ணை!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

08 செப்
2019
00:00

மணிமேகலை பிரசுரம் வெளியீடு, எழுத்தாளர், டி.என்.இமாஜான் எழுதிய, 'வாழ்க்கைக்கு வழிகாட்டும் கேள்வி - பதில்கள்' நுாலிலிருந்து: ஒருநாள், பாரதியாரின் மனைவி, செல்லம்மாள், வீட்டில் ஸ்லோகங்களை உச்சரித்துக் கொண்டிருந்தார்.
இதைக் கேட்ட பாரதி, 'ஆர்மோனிய பெட்டி'யை எடுத்து வைத்து, தன் விரும்பம் போல, ஓசையை எழுப்ப துவங்கினார். அதிலிருந்து புறப்பட்ட ஒலியானது, அபஸ்வரமாக இருந்தது.
காரணமில்லாமல் இப்படி செய்ய மாட்டார் என்பது, செல்லம்மாளுக்கு தெரியும்.
பாரதியிடம் இதுபற்றி கேட்டார்.
'அதுவா... கொஞ்ச நேரத்துக்கு முன், நீ என்ன பண்ணிக்கிட்டிருந்தே...' என்றார்.
'ஸ்லோகம் சொல்லிக்கிட்டிருந்தேன்...' என்றார்.
'நீ சொன்ன ஸ்லோகமும், இப்படி தான் இருந்தது. எதை செய்தாலும் சரியா செய்யணும். சமஸ்கிருத ஸ்லோகங்களை சரியா உச்சரிக்கணும். அப்பதான் கேட்கிறதுக்கு நல்லா இருக்கும். இல்லேன்னா, இப்ப நான் வாசிச்ச மாதிரி தான் இருக்கும்...' என்றார், பாரதி.

எழுத்தாளர், அம்பலவாணன் எழுதிய, 'பல்சுவை விருந்து' என்ற நுாலிலிருந்து: பாரதியாரோடு நெருங்கி பழகியவர், நாமக்கல் கவிஞர், ராமலிங்கம் பிள்ளை. பலமுறை பாரதி பாடியதை கேட்டு ரசித்தவர்.
ஒருநாள், இருவரும் பேசிக் கொண்டிருந்தபோது, 'பிள்ளை... எங்கே, நீர் ஒரு பாட்டு பாடும்...' என்றார், பாரதி.
அவர் முன் பாட, தயக்கமாக இருந்தது, ராமலிங்கம் பிள்ளைக்கு. என்றாலும், பாரதியின் ஆணையை தட்டிக்கழிக்க முடியவில்லை. கிட்டப்பா நாடகத்துக்காக, தான் எழுதிக் கொடுத்த பாடல் ஒன்று, சட்டென அவர் கவனத்துக்கு வந்தது.
சற்று நடுங்கிய குரலில், 'நம் அரசை, பிறர் ஆள விட்டு விட்டு, தாம் வணங்கி, கை தட்டி நின்ற பேரும்...' என்று, முதல் இரண்டு அடியை பாடினார்.
துள்ளி எழுந்த, பாரதி, 'பலே பாண்டியா... பாடும் பாடும்...' என்று உற்சாகமாக கூறினார்.
மேலும், 'பலே பாண்டியா... பிள்ளை, நீர் ஒரு புலவர் தான். ஐயமில்லை. நம் அரசை, பிறர் ஆள விட்டு விட்டு... பலே பலே, இந்த ஒரு அடி போதும்...' என்று, நாமக்கல் கவிஞரை தட்டிக் கொடுத்தார், பாரதி.

முனைவர் யோ. ஞான சந்திர ஜான்சன் எழுதிய, 'ம.பொ.சி.,யின் வாழ்க்கை வரலாற்று இலக்கியங்கள்' நுாலிலிருந்து: தமிழ் மீது மிகுந்த பற்று கொண்டவர், ராஜாஜி. 1937ல், பள்ளியில், மூன்றாம் வகுப்பில் இருந்து, ஆங்கிலம் கட்டாய பாடமாக இருந்ததை மாற்றினார்.
ஆங்கிலத்தை அகற்றி, தமிழுக்கு முதலிடம் கொடுக்க விரும்பிய, ராஜாஜி, மார்ச் 5, 1955ல், ஒரு ஆண்டு விழா கூட்டத்தில் பேசும்போது:
ஒருவர், இன்னொருவருடன் சாதாரணமாக தமிழில் பேசும்போது கூட, ஆங்கில சொற்களை கலந்து பேசும் வழக்கத்துக்கு, அடிமையாகி விட்டது கண்டிக்கத்தக்கது.
உயிர்களை கொண்டது, தமிழ் மொழி. வளர்ந்தோங்கும் தன்மை வாய்ந்தது. இதுகுறித்து, தமிழர்கள் பெருமை அடையலாம். ஆனால், பேசும்போது, அதில், ஏராளமான ஆங்கில சொற்களை கலந்து விடுகிறோம். நேரம், வேகம் போன்ற வார்த்தைகள் இருக்க, 'டைம், ஸ்பீட்' என்று சொல்ல துவங்கி விட்டனர்.
இது, உயிருள்ள மொழியின் அறிகுறி அல்ல. தமிழ் மொழியின் வளர்ச்சியாக, இதை கருத முடியாது. இது, கோரமான ராட்சச வளர்ச்சி தான்.
நாள்பட்ட நோயாளி, அந்த நோய்க்கு பழக்கபட்டவனாகி விடுகிறான். அந்த வியாதியையே, தன் உடலின் இயற்கை நிலை என்று கருதி விடுகிறான்.
தாய்மொழியுடன் ஆங்கிலத்தை கலந்து பேசுவது, நாள்பட்ட நோயாகி விட்டது. இந்த நோயை உடனே குணப்படுத்திக் கொள்ள வேண்டும்.
'மோட்டார்' போன்ற சில வார்த்தைகளை, நாம் ஏற்றுக் கொள்வதில் தவறில்லை. ஆனால், குளிக்கிறார் என்பதற்கு, 'பாத்திங் செய்கிறார்...' என்று சொல்வது, ஆபாசமாக இருக்கிறது.
நீங்கள் இந்த கூட்டத்திலிருந்து வெளியே போகும்போது, உங்களுடைய சொந்த செருப்புகளை தேடி மாட்டிக் கொண்டால் தான், பொருத்தமாக இருக்கும்.
பிறருடைய செருப்புகளை மாட்டி நடந்தால், ஆபாசமாக இருக்கும். அதுபோல், தமிழில் பேசும்போது, கண்டபடி அந்நிய சொற்களை கலந்து பேசுவது ஆபாசமாகும்.
- இந்த வார்த்தைகள், இன்றும், நம் தமிழர்களுக்கு பொருத்தமாக தான் உள்ளதோ!

நடுத்தெரு நாராயணன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
vasumathi - Sydney,ஆஸ்திரேலியா
09-செப்-201907:55:14 IST Report Abuse
vasumathi Rajaji , பாரதி, நாமக்கல் கவிஞர் என்று, இந்த வாரம் தமிழ் மணக்கிறது.
Rate this:
Share this comment
Cancel
கதிரழகன், SSLC - சிவகங்கை, TN,இந்தியா
08-செப்-201907:30:54 IST Report Abuse
கதிரழகன், SSLC ராஜாஜி அய்யிரு. அவிங்க திதி குடுக்கிற அன்னிக்கு இங்கிலீசு காய் கறி சேக்க மாட்டாக. வெள்ளைக்காரன் பீன்சு காரட்டு முட்டைகோசு உருளை எல்லாம் கொண்டாந்து ஐநூறு வருஷம் ஆவ போவுது. இன்னும் ஞாபகமா தமிழ் காய் செய்யுராக. ஆயினால அவரு ஆங்கிலம் கலக்காம தமிழ் பேச சொன்னது அதிசயமே இல்ல. அவுங்கள வந்தேறின்னு சொல்லிட்டு அரபி அடிமைக்கும் க்கும் ஐரோப்பா அடிமைக்கும் வால் பிடிக்கிறான்யா நம்ம ஊரு அரசியல் வியாதிங்க.
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X