திண்ணை
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

13 அக்
2019
00:00

எழுத்தாளர் ரகுவர்மன் எழுதிய,'பிரபலமானவர்களின் நகைச்சுவைகள்' நுாலிலிருந்து: ஒரு பணக்காரர் ஏற்பாடு செய்திருந்த நிகழ்ச்சியில், நாதஸ்வர சக்கரவர்த்தி, டி.என்.ராஜரத்தினம் பிள்ளை, அருமையாக கச்சேரி செய்தார். இருப்பினும், கச்சேரியை ஏற்பாடு செய்த பணக்காரர்,
சங்கீத ரசனை இல்லாதவர். டி.என்.ராஜரத்தினம் பிள்ளையிடம், சில சினிமா பாடல்களை வாசிக்க கேட்டார்.
பொறுமையை இழக்காமல், ஒத்து ஊதும் வித்வானிடம், 'ஏம்பா... கச்சேரிக்கு வரும்போது, சினிமா பாட்டு வாசிக்க தேவையான, சினிமா நாதஸ்வரத்தை எடுத்து வரலையா... இப்போ, ஐயா கேட்கிறாரே, நான் என்ன பதில் சொல்வது...' என்று, பொய்யாக கடிந்து கொண்டார், ராஜரத்தினம் பிள்ளை.
பிறகு, அந்த பணக்காரரிடம், 'மன்னித்து விடுங்கள், ஐயா... புது பையன் மறந்து விட்டான். அடுத்த முறை வரும்போது, மறக்காமல், சினிமா குழாயையும் எடுத்து வந்து, நீங்கள் கேட்டதை எல்லாம் வாசிக்கிறேன்...' என்றார், சிரிக்காமல்.
'அந்த பணக்காரரின் தவறை, நேரடியாக சுட்டிக் காட்டியிருந்தால், கதை கந்தலாகி இருக்கும். ஆகவே, எந்த விஷயத்தையும் மறைமுகமாக சுட்டிக் காட்டி, நிலைமையை சரி செய்ய வேண்டும்...' என்று, பிறகு, ஒத்து ஊதும் வித்வானிடம் விளக்கம் அளித்தார்.

டாக்டர் சிவசிதம்பரம் எழுதிய, 'சீர்காழி கோவிந்தராஜன்' நுாலிலிருந்து: உறவுக்கு கை கொடுப்போம் என்று, ஒரு படத்தை இயக்கிக் கொண்டிருந்தார், இயக்குனர், கே. எஸ். கோபால கிருஷ்ணன். திடீரென, உடல் நலம் குன்றினார்.
அவரை பார்க்க, சென்றார், சீர்காழி கோவிந்தராஜன்.
அச்சமயம், 'அபிராமி அந்தாதி' பாடி, இசைத்தட்டை வெளியிட்டிருந்தார், சீர்காழி.
குளிர் காய்ச்சலால் நடுங்கிக் கொண்டிருந்த, கே.எஸ்.கோபால கிருஷ்ணன், சீர்காழியிடம், அதில் ஒரு பாட்டை பாடும்படி கேட்டார்; சீர்காழியும் பாடினார்.
பாட்டை கேட்டு மகிழ்ந்த, கே.எஸ்.ஜி., மீண்டும் மீண்டும் அந்த பாடலை பாடச் சொன்னார்; சீர்காழியும் அசராமல் பாடினார்.
ஒரு ஆச்சரியம் நிகழ்ந்தது... கே.எஸ்.ஜி.,யின் காய்ச்சல் தணிந்து, குணம் அடைந்தார்.
காய்ச்சலை, பாட்டு குணப்படுத்தியதை அறிந்து, இருவரது கண்களிலும் கண்ணீர் வழிந்தது.

எழுத்தாளர் அறந்தை நாராயணன் எழுதிய, 'சினிமாவுக்கு போன இலக்கியவாதிகள்' என்ற கட்டுரையிலிருந்து: பிரபல எழுத்தாளர், ஜெயகாந்தனின் சிறுகதைகள், குறு நாவல்களும், பத்திரிகைகள் வாயிலாக, லட்சோப லட்சம் வாசகர்களை கவர்ந்தவை. இவரை பற்றி, கவிஞர் கண்ணதாசன் கூறியது...
'... வளைந்தும், குழைந்தும், நேரத்துக்கு தக்கபடி அனுசரித்து போகும் உலகத்தில், அவர், ஒரு நிமிர்ந்த தென்னை. தனக்கு சரியென்று படும் ஒரு விஷயத்தை, மற்றவர்களுக்கு தவறென்று படுமாயினும், பல்லாயிரம் மக்கள் அடங்கிய சபையில், தைரியமாக சொல்லக்கூடிய ஆற்றல் உடையவர், ஜெயகாந்தன்.
'அவரது நிலத்தில் தோன்றிய விளைச்சல்களுக்கு, அவரே விதை, அவரே நீர், அவரே உரம். 'பிடிவாதக்காரர்; எதையும் எடுத்தெறிந்து பேசுபவர்...' என்று, அவரைப் பற்றி கூறுவர். இந்த சுபாவம், புதுமைப்பித்தனிடம் கூட இருந்தது. ஜெயகாந்தனிடம் கொஞ்சம் அதிகம். அவ்வளவு தான்...
'ஆனால், முன்னொருவர் இல்லை, பின்னொருவர் இல்லை என்ற இடத்தை, ஜெயகாந்தன் பிடித்திருப்பதை யாரும் மறுக்க முடியாது.

நடுத்தெரு நாராயணன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
கதிரழகன், SSLC - சிவகங்கை, TN,இந்தியா
13-அக்-201919:56:43 IST Report Abuse
கதிரழகன், SSLC ஜெயகாந்தன் நான் "ஒரு பிடி சோறு" காலத்துலேந்து படிச்சிருக்கேன். அப்படி ஒன்னும் பிரமாதம் இல்லை. திரும்ப திரும்ப அரைச்ச மாவையே அரைச்ச ஆளு.
Rate this:
Share this comment
சுந்தரம் - Kuwait,குவைத்
14-அக்-201908:44:37 IST Report Abuse
சுந்தரம் அக்கினிப்பிரவேசம், கோகிலா என்ன செய்துவிட்டாள், சில நேரங்களில் சில மனிதர்கள், பாரீஸுக்கு போ, ஆகியன படித்து பாருங்கள். படிச்சதையே திரும்ப படித்துக்கொண்டிருக்காதீர்கள்...
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X