மாணவர்களின் கேள்விக்கு பதிலளிக்கிறார் த.வி. வெங்கடேஸ்வரன் மத்திய அரசு விஞ்ஞானி

1 ஏற்ற இறக்க விளையாட்டின் (Seesaw) இருக்கைகள் சமமான எடையில் இருந்தாலும் ஆளில்லாதபோது ஒரு பக்கமாகத் தாழ்வது ஏன்?
பிரமோத் விக்னேஷ், 8ஆம் வகுப்பு, பாரதி வித்யாலயா சீனியர் செகண்டரி பள்ளி, பெரும்பாக்கம், சென்னை.
ஏற்ற இறக்க விளையாட்டு அமைப்பும், தராசு அமைப்பும் ஒன்றுதான். முதலாவதாக இருக்கைகள் மிகத் துல்லியமாகச் சமமான எடையில் இருக்காது. தயாரிப்பில் அங்கும் இங்கும் சிறு சிறு வேறுபாடுகள் இருக்கும். எனவேதான் அறிவியல்பூர்வமாக அளவீடு செய்ய அதற்கென்று தயாரிக்கப்பட்ட எடைத் தராசைப் பயன்படுத்துகிறோம். இரண்டாவதாக விளையாட்டுக் கருவியின் கால்களோடு ஏற்ற இறக்கப் பலகையைப் பிணைத்து வைக்கும் சுழல் பகுதி ஏற்படுத்தும் உராய்வு காரணமாக ஏதாவது ஒருபக்கம் தற்செயலாகச் சாய்ந்து அமையலாம். மேலும், அந்தச் சுழல் பகுதிக்குள் தூசு, மண் போன்றவை புகுந்து அடைப்பை ஏற்படுத்தி பலகையை எளிதில் சாயாமல் நிறுத்தலாம். அவ்வப்போது அந்தப் பகுதியில் எண்ணெய் ஊற்றி உராய்வைக் குறைத்தால் விளையாட நன்றாக இருக்கும்.

2 பூமி சுற்றும்போது திசைகளும் சுற்றுமானால் திசைகள் நிலையற்றதா?
மு.செந்தூர்வேலன், 10ஆம் வகுப்பு, ஸ்ரீ சரஸ்வதி கிரி மெட்ரிக் பள்ளி, திருப்பூர்.
உங்கள் கையை உயர்த்தவும். கை இருக்கும் திசையை 'மேல்பகுதி' என கொள்ளவும். கோளவடிவ பூமிப் பந்தை நினைவில் கொண்டுவரவும். நீங்கள் அதன் மீது நின்றுகொண்டு ஒரு திசையை மேல் என சுட்டுகிறீர்கள். அதே சமயம், உங்கள் காலடிக்குக் கீழே, அமெரிக்காவில் வசிப்பவர்கள் இந்தத் திசையை 'கீழ்ப்பகுதி' என சுட்டுவார்கள். இடம்-, வலம்; மேலே, -கீழே போன்றவை சார்புத் தன்மை வாய்ந்த சுட்டுகள். அதாவது, எனக்கு இடப்புறமாக இருப்பது உங்களுக்கு வலப்புறமாக அமையும்.
பூமியைத் தட்டையாகக் கற்பனை செய்துகொண்டால் கிழக்கு, மேற்கு என திசைகள் நிலையாக இருக்கும். ஆனால், பூமியைப் பந்து என கருதினால் மாறிவிடும். பூமி உருண்டையை எடுத்துப் பரிசோதித்துப் பாருங்கள். இந்தியாவைப் பொறுத்தவரை ஜப்பான் கிழக்கில் உள்ளது; அமெரிக்காவைப் பொறுத்தவரை மேற்கில் உள்ளது!

3 என் அப்பா இரவு 8 மணிக்கு தூங்கச் சொல்லி காலை 5.30க்கு எழுப்பி விடுகிறார். நாங்கள் எத்தனை மணிநேரம் தூங்கினால் நல்லது?
சே.ஜெய்ஆகாஷ், 7ஆம் வகுப்பு, சே.ஜெய்சச்சின், 5ஆம் வகுப்பு, வி.எஸ்.மெட்ரிக் பள்ளி, மாமல்லபுரம்.
உடல்நலம், சூழல் போன்ற பல அம்சங்கள் தாக்கம் செலுத்தும் என்றாலும், ஒவ்வொரு வயதுக்கும் ஏற்ற இன்றியமையாத தூக்க நேரம் உண்டு.

தூங்கும் நேரம் (நாளொன்றுக்கு)
பிறந்த குழந்தை - 14-17 மணிநேரம்
6-13 வயதுச் சிறுவர்கள் - 9-11 மணிநேரம்
14-17 வயது பதின்பருவத்தினர் - 8-10 மணிநேரம்
18-25 வயது இளம் வயதினர் - 7-9 மணிநேரம்
65+ மூப்பு அடைந்தவர்கள் - 7-8 மணிநேரம்


4 சந்திரயான்- 2 விண்கலம் பூமியையும் சந்திரனையும் பலமுறை நீள்வட்டப் பாதையில் சுற்றி, நிலவுக்குச் சென்றது ஏன்?
ஜே.ஜாய்வில்லியம்ஸ், 11ஆம் வகுப்பு, சாம்பவிகா மேல்நிலைப் பள்ளி, சிவகங்கை.
பூமியின் ஈர்ப்பு விசையை விட்டு விடுதலை பெற்று விண்வெளிக்குச் செல்ல விண்கலத்தை நொடிக்கு 11.2 கி.மீ. என்ற விடுபடு வேகத்தில் செலுத்த வேண்டும். அவ்வாறு செய்ய மிக ஆற்றல் வாய்ந்த ராக்கெட் தேவை. சற்றே மதியூகத்தோடு செயற்பட்டால் நிலவுக்குச் செல்ல பூமியின் ஈர்ப்பு விசையிலிருந்து விடுபட வேண்டியது இல்லை.
நிலவுக்கும் ஈர்ப்பு விசை உண்டு. நிலவின் ஈர்ப்பு விசை பூமியின் ஈர்ப்பு விசையைவிட கூடுதல் தாக்கம் செலுத்தும் புள்ளிவரை சென்றுவிட்டால் போதும்; அதன் பின்னர் நிலவே விண்கலத்தை அதனை நோக்கி இழுத்துக்கொள்ளும். அந்தப் புள்ளிவரை செல்ல நொடிக்கு 10.9 கி.மீ. வேகத்தில் செலுத்த வேண்டும். ஆனால், இந்தியாவின் அதிபலசாலி ராக்கெட் ஜி.எஸ்.எல்.வி. நொடிக்கு 10.2 கி.மீ. வேகம் மட்டுமே செல்லும். கயிற்றில் கல்லைக் கட்டி சுழற்றிச் சுழற்றி அடித்தால், கல் மிக வேகமாகச் செல்லும். அதைப்போல, பூமியை நீள்வட்டப் பாதையில் சுழலச் செய்து, பூமிக்கு அருகே வரும்போது விண்கலத்தில் உள்ள ராக்கெட்டை இயக்கினால் மெல்ல மெல்ல வேகத்தைக் கூட்ட முடியும். மீதமுள்ள 0.7 கி.மீ. (நொடிக்கு) வேகத்தைப் பெறவே சந்திரயான்- 2 விண்கலத்தைப் பூமியை பலமுறை சுற்றச் செய்தனர். அதே போல நிலவுக்கு அருகில் செல்லும்போது, அதன் வேகத்தைக் குறைக்க வேண்டும். விண்கலம் செல்லும் திசைக்கு எதிரே ராக்கெட்டை இயக்கி வேகத்தைக் குறைப்பார்கள். மெல்ல மெல்ல அதன் வேகத்தைக் குறைக்கவே பல முறை நிலவைச் சுற்றச் செய்தனர். இதன்மூலம், குறைவான எரிபொருளைப் பயன்படுத்தி நிலவை அடைய முடியும்.

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2.ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.அவதூறான வார்த்தைகளுக்‌கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.

4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நா‌ங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.

மேலும்

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய :

My Page

Login :

Log in

Forgot password ?

New to Dinamalar ?

Create an account

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.

மேலும்

(Press Ctrl+g   to toggle between English and Tamil)

Submit

அன்புள்ள வாசகர்களே!,

நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.