நகைப்பெட்டி!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

18 அக்
2019
00:00

சக்கரவர்த்தி அக்பர் அவையில், ஒரு வினோத வழக்கு வந்தது.
மகள் திருமணத்திற்காக சேர்த்து வைத்திருந்த நகைகளை, இளைஞன் ஒருவன் எடுத்துக் கொண்டதாக, ஒரு முதியவர் புகார் கொடுத்தார்.
பீர்பாலிடம், அந்த வழக்கை விசாரிக்க கூறினார் அக்பர்.
முதியவரை அழைத்து, நடந்த விபரங்களை கூறுமாறு பணித்தார் பீர்பால்.
'ஐயா... இரண்டு நாட்களுக்கு முன், என் குடிசையில் தீப்பிடித்து விட்டது. நாங்கள் உயிருக்கு பயந்து வெளியே ஓடி வந்தோம்...
'அப்போது தான், நகைப் பெட்டியை எடுக்காமல் வந்தது தெரிய வந்தது. ஆனால், எரியும் நெருப்பில் குடிசைக்குள் நுழைய எவருக்கும் துணிவு வரவில்லை...
'அப்போது, ஒரு இளைஞன் என்னிடம், நான் விரும்புவதை அளித்தால், அந்த நகை பெட்டியை எடுத்துக் கொடுப்பதாக கூறினான். அதற்கு சம்மதித்ததால், குடிசையினுள் நுழைந்து, நகைப் பெட்டியை எடுத்து வந்தான்...
'பின், 'நான் விரும்புவது, இந்த நகைப்பெட்டியை தான்...' என்று கூறி, எடுத்து சென்றான்; என் மகளுக்கு இனி திருமணம் எப்படி நடக்கும்...' என்று, கதறி அழுதார்.
'இளைஞனை விசாரிக்கிறேன்; நீங்கள் கவலைப்பட வேண்டாம்...' என தேற்றி அனுப்பினார் பீர்பால்.
மறுநாள் -
காவலர்களை அனுப்பி, நகை பெட்டியுடன், அந்த இளைஞனை அழைத்து வரும்படி ஆணையிட்டார். அரசவைக்கு வந்த இளைஞன் அனைவரையும் வணங்கியபடி, 'ஐயா... நான் தவறொன்றும் செய்யவில்லை; நான் விரும்புவதை அந்த கிழவர் தருகிறேன் என்று சம்மதித்ததால் தான், இந்த நகைப்பெட்டியை எடுத்துக் கொண்டேன்...' என்று பணிவுடன் சொன்னான்.
சபையோர், 'பீர்பால் என்ன தீர்ப்பு வழங்கப் போகிறார்' என, ஆவலுடன் காத்திருந்தனர்.
'நீ விரும்பியது இந்த நகைப் பெட்டியை தானே...' என கேட்டார் பீர்பால்.
இளைஞன், 'ஆம்...' என்றான்.
அந்த நகைப் பெட்டியை வாங்கிய பீர்பால், அதிலிருந்த நகைகளை எடுத்து, 'நீ விரும்பியதை உனக்கு தருகிறேன்...' என்று கூறி, காலி பெட்டியை அவனிடம் கொடுத்தார்; நகைகளை, முதியவரிடம் கொடுத்து, மகள் திருமணத்தை நல்ல விதமாக நடத்த கூறினார்.
அக்பரும், அவையோரும், அவரது அறிவுபூர்வமான தீர்ப்பை வரவேற்றனர். தொங்கிய முகத்துடன் வீடு திரும்பினான் இளைஞன்.
குட்டீஸ்... புத்திசாலி என, ஆணவத்தில் செயல்பட்ட இளைஞனை, அதிபுத்திசாலித்தனத்தால் அடக்கிய பீர்பால் போல், ஆற்றலை வளர்த்துக் கொள்ளுங்கள்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X