5 ஆண்டுகள் மாத்திரை சாப்பிட்டால் மூட்டு அழற்சி முற்றிலும் குணமாகும்
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

16 அக்
2019
00:00

'ஆர்த்தரடீஸ்' மன அழுத்தத்தை உண்டு பண்ணுமா?
'ஆர்த்தரடீஸ்' எனப்படும், மூட்டு அழற்சி பிரச்னை உள்ளவர்கள், இயல்பாக எந்த வேலையையும் செய்ய முடியாது. கைகளில் வலிமையே இருக்காது. சிறு வேலைகளுக்கும், மற்றவர்களை சார்ந்து இருக்க வேண்டிய நிர்பந்தம் ஏற்படும். இதனால், மன அழுத்த பாதிப்பு அதிகமாக இருக்கும்.

பிரச்னைகளின் தன்மை எப்படி இருக்கும்?
காலையில் எழுந்ததும், கைகள் விறைப்பு தன்மையுடன், மடக்கவே முடியாமல் இருக்கும்; நிற்பதில் சிரமம்; முழங்கால், கணுக்கால், இடுப்பு என, எல்லா மூட்டுக்களிலும் வலி இருக்கும்.தாங்களாகவே எழுந்து, கதவை திறப்பது, பால் பாக்கெட்டை எடுப்பது, செய்தித்தாளை பிரித்து படிப்பது என, தினசரி வேலைகள் அனைத்திலும் சிரமம் ஏற்படும். பால் பாக்கெட்டை பிடித்து, கத்திரிக்கோலால் வெட்ட முடியாது; காபி டப்பாவை கூட திறக்க முடியாது.

ஆர்த்தரடீஸ், குணப்படுத்தக் கூடியதா?
'மூட்டு அழற்சி என்பது, நோயின் வெளிப்பாடு; இது, குணப்படுத்தவே முடியாதது; உடலில், பல பாதிப்புகளை ஏற்படுத்தி விடும்; அலோபதி மருந்துகள் சாப்பிட்டால், சிறுநீரகங்கள் பாதிக்கப்படும்; மூட்டுகளில் வலி என, டாக்டரிடம் சென்றாலே, மூட்டு மாற்று அறுவை சிகிச்சை செய்யச் சொல்வர்' என்ற, மக்களின் தவறான புரிதல்களால், வலி நிவாரணிகளை மட்டுமே பலர் பயன்படுத்துகின்றனர்.வலியை குறைப்பதற்கு மட்டுமல்ல, பிரச்னையை முற்றிலும் சரி செய்வதற்கும், பல புதிய மருந்துகள் வந்து விட்டன. இதை சாப்பிடுவதால், நோயே இல்லாமல் செய்து விடலாம். சர்க்கரை கோளாறு என்று உறுதியானால், வாழ்நாள் முழுவதும், அதற்கான மாத்திரையை சாப்பிட வேண்டி இருக்கும். ஆனால், மூட்டு அழற்சி அப்படி இல்லை. அதிகபட்சம், ஐந்து ஆண்டுகள் மாத்திரை சாப்பிட்டால், தானாகவே சரியாகி விடக்கூடிய சாத்தியங்கள் உள்ளன. அரசு மருத்துவமனையில், இப்பிரச்னைக்கு நவீன, உலகத் தரம் வாய்ந்த சிகிச்சை உள்ளது.

பிரச்னைக்கான காரணம் என்ன?
சர்க்கரை கோளாறு போன்றே, மூட்டு அழற்சியும் ஒரு குறைபாடு தான். நம் உடலில் இருக்கும் வெள்ளை அணுக்கள், மூட்டுக்களில் உள்ள திசுக்களையே அழிப்பதால் வரும் பிரச்னை இது. பாதுகாப்பு தரக்கூடிய செல்கள், பாதுகாக்கப்பட வேண்டிய திசுக்களை அழிப்பதால் வருகிறது.இது, மரபியல் மற்றும் சுற்றுப்புறச் சூழல் மாசால் வரும் பிரச்னை என்பதால், பொருளாதாரம் மற்றும் சமூக ஏற்றத் தாழ்வுகள் இல்லாமல், யாரை வேண்டுமானாலும் பாதிக்கலாம்; வயது வித்தியாசமும் கிடையாது.

மூட்டுக்களில் என்ன மாதிரி மாற்றங்கள் ஏற்படும்?
மூட்டுக்களில், 'சைனோவியல்' என்ற ஜவ்வு இருக்கும். மெல்லியதாக, பளபளவென்று மின்னக் கூடிய, மூட்டுக்கள் இயங்க வசதியாக, திரவபொருளை உற்பத்தி செய்யக் கூடியது.சைனோவியல் ஜவ்வு கெட்டுப் போவதால், மூட்டுக்களின் இயக்கம் குறைந்து, தடித்து, வீங்கி, மூட்டுக்களில் வலி வரும்; எலும்பை அரிக்கும்; எலும்பு இணைப்பில் உள்ள குறுத்தெலும்பை பாதிக்கும்.

டாக்டர் டி.என்.தமிழ்செல்வன், தலைவர்,
மூட்டு, முடக்கவியல் துறை,
ராஜிவ்காந்தி அரசு பொது மருத்துவ கல்லுாரி மருத்துவமனை,
சென்னை.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X