எழுத்துலக வாரிசுகள்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

21 அக்
2019
00:00

உலகில், எல்லா துறையிலும் 'வாரிசு'கள் உள்ளது போல், இலக்கியத் துறையிலும் உண்டு.
ஒருவர் எழுத்தாளராகத் திகழ்கிறார் என்றால், அவரைப் பார்த்துப் பலரும் எழுத்தின்பால் ஈர்க்கப்படுவார்கள். அவருடைய மகனோ மகளோ அப்படி ஈர்க்கப்படுவதில் வியப்பில்லையே.
எழுத்தாளர்களுடைய பிள்ளைகள், தங்கள் தந்தை அல்லது தாய் மும்முரமாக எழுதுவதையும், அவருடைய படைப்புகள் பிரசுரமாவதையும், வாசகர்களுடைய வரவேற்பை, பாராட்டைப் பெறுவதையும் சிறுவயதிலிருந்தே தொடர்ந்து பார்க்கிறார்கள். அதனால் கவரப்படுகிறார்கள். தாங்களும் அதுபோல் எழுதவேண்டும் என்ற கனவை வளர்த்துக் கொள்கிறார்கள்.
'எங்கள் வீட்டுக்குப் பத்திரிகை, பதிப்பகத்தைச் சேர்ந்தவர்கள் வந்தால், நீங்கள் சின்னப்பிள்ளைகள்தானே, உள்ளே போங்கள் என்று எங்கள் தாய் சொல்லமாட்டார்' என்கிறார் எழுத்தாளர் வசுமதி ராமசாமியின் மகள், சுகந்தா சுதர்சனம். 'எங்களையும் உடன் உட்கார வைத்துக் கொண்டுதான் பேசுவார். அவர்கள் பேசும் இலக்கிய விஷயங்களை நாங்களும் கேட்டுக் கொண்டிருப்போம்.'
அதேபோல், ஓர் எழுத்தாளருடைய வீட்டில் பலவிதமான நூல்கள் இருக்கும். அவற்றைப் படிப்பதன் மூலம், அவர்களுடைய பிள்ளைகளுக்குச் சொல்வளம் பெருகும். பலவிதமான அனுபவங்களைக் கற்றுக்கொள்வார்கள். அவற்றை எழுத முனைவார்கள். இவர்களும் எழுத்தாளர்களாவதற்கு இது வழிவகுக்கும்.
இப்படித் தமிழில் எழுத்தாளர்களுடைய 'வாரிசு'களாகத் திகழ்ந்த சிறந்த எழுத்தாளர்கள் பலர் உண்டு. எடுத்துக்காட்டாக, 'கல்கி'யின் மகன் கி.ராஜேந்திரன், மகள் ஆனந்தி இருவரும் எழுத்தாளர்கள். கி. ராஜேந்திரனுடைய மகள் சீதா ரவியும் எழுத்தாளர்தான். இதேபோல், கவிஞர் பாரதிதாசனுடைய மகன் மன்னர்மன்னன், எழுத்தாளர் அகிலனின் மகன் அகிலன் கண்ணன், தமிழ்வாணனின் மகன் லேனா தமிழ்வாணன் என்று பல எழுத்துலக வாரிசுகளைக் குறிப்பிடலாம்.
அதேசமயம், ஒருவர் எழுத்தாளருடைய வாரிசு என்பதாலேயே அவருக்கு வாய்ப்புகள் வந்துவிடாது. அவர்களிடம் சொந்தத் திறமை இருந்தால்தான் சிறந்து விளங்க முடியும்.
எடுத்துக்காட்டாக, கவிஞர் கண்ணதாசனுடைய மகன் கண்மணிசுப்பு பாடல் எழுத முயன்றபோது, அனைவரும் மகிழ்ச்சியாக வரவேற்றார்கள். ஆனால், போதிய வாய்ப்புகள் வரவில்லை. 'நான்கு ஆண்டுகள் முயன்றும் பத்துப் பாடல்கள்தான் எழுதக் கிடைத்தன' என்கிறார் அவர்.
ஆக, வாரிசுகளாக இருந்தாலும் சரி, புதிதாக எழுத வருகிற முதல் தலைமுறை எழுத்தாளர்களானாலும் சரி, திறமைதான் முக்கியம், அதற்குத்தான் முதலிடம்!
அது சரி, ஒரே எழுத்தாளர் வீட்டில் பல வாரிசுகள் இருப்பதுண்டா?
கண்டிப்பாக உண்டு. புகழ்பெற்ற எழுத்தாளர் அ. மாதவையாவுக்கு இரண்டு மகன்கள், நான்கு மகள்கள். அனந்தநாராயணன், கிருஷ்ணன், மீனாம்பாள், லட்சுமி, விசாலாட்சி, சரஸ்வதி என்கிற அந்த ஆறு பேருமே சிறுகதை எழுத்தாளர்கள். இந்தச் சகோதர, சகோதரியர் எழுதிய கதைகள் தொகுக்கப்பட்டு, 'முன்னிலா' என்ற தலைப்பில் நூலாக வெளிவந்துள்ளது!
- என். சொக்கன்

Advertisement

 

மேலும் பட்டம் செய்திகள்:



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X