அன்புடன் அந்தரங்கம்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

27 அக்
2019
00:00

அன்பு சகோதரிக்கு —
என் வயது, 68. கணவர் உயிருடன் இல்லை. எனக்கு ஒரே மகன். அவனுக்கு திருமணமாகி, இரு குழந்தைகள் உள்ளனர்.
நான் திருமணமாகி, புகுந்த வீட்டுக்கு வந்தபோது, கணவருக்கு, 1 ஏக்கர் நிலம் இருந்தது. நாங்கள் இருவரும் கடுமையாக உழைத்து, கண்ணும் கருத்துமாக விவசாயம் செய்து வந்தோம். மகனுக்கு, 16 வயதான போது, நாங்கள், 20 ஏக்கர் நிலத்துக்கு சொந்தக்காரர்கள் ஆனோம்.
மகன், டிகிரி படித்து, விவசாய வேலைக்கே வந்தான். மேலும் உழைத்து, எங்கள் ஊரில் அனைவரும் மதிக்கும்படி வாழ்ந்தோம். சொந்தத்தில் பெண் பார்த்து, மகனுக்கு திருமணம் செய்து வைத்தோம். வாழ்வு சந்தோஷமாக சென்றது.
இந்நிலையில், திடீரென்று மாரடைப்பால் இறந்தார், கணவர். அவரின் விவசாய கணக்கு வழக்குகளை, நான் பார்க்க ஆரம்பித்தேன். யார் துாண்டுதலோ தெரியவில்லை, என்னிடமிருந்த பொறுப்புகளை, மகன் எடுத்துக் கொண்டான்.
சரி... படித்தவன், என்னை விட திறமையாக பார்த்துக் கொள்வான் என்று, நானும் விட்டு விட்டேன். அதன்பின், அவன் மனைவியின் போதனையால், சொத்துக்களை தன் பெயரில் எழுதி தருமாறு கேட்க, மகன் கைவிட மாட்டான் என்று நம்பி, எழுதி கொடுத்து விட்டேன்.
இப்போது, நிலைமை தலைகீழாகி விட்டது. தனியாக சொகுசு பங்களா ஒன்று கட்டி, அதில் குடியேறினர். என்னை, பழைய ஓட்டு வீட்டிலேயே தங்கும்படி கூறிவிட்டாள், மருமகள்.
மூன்று வேளையும் சமைத்து தர முடியாது என்று, அவள் கூறியவுடன், தினமும், ஓட்டலில் வாங்கி தருகிறான், மகன்.
ஊரில், ஆல மரமாக வாழ்ந்த என்னால், இந்த அலட்சிய போக்கு, மன சங்கடத்தை ஏற்படுத்தியுள்ளது.
பலருக்கும் படி அளந்த எனக்கு, வயிறு நிறைய சாப்பிட முடியவில்லையே என்று ஏக்கமாக உள்ளது. யார் வீட்டுக்கும் சென்று, ஒரு வாய் சோறு போடச் சொல்லி கேட்கவும் மனசு வரவில்லை. விரைவில் இறந்து விட மாட்டோமா என்று தோன்றுகிறது. நான் என்ன செய்யட்டும் சகோதரி.
இப்படிக்கு,
சகோதரி.


அன்பு சகோதரிக்கு —
மகனுக்கு, தற்சமயம், 45 வயது இருக்கும் என்று யூகிக்கிறேன். அவன் இரு குழந்தைகளில், மூத்தது மகளாய் இருந்தால், அவளுக்கு வயது, 19 இருக்கலாம்; கல்லுாரியில் படித்துக் கொண்டிருப்பாள் என நம்புகிறேன். இளையது மகனாக இருந்தால், 17 வயதாகலாம்; பிளஸ் 2 படித்துக் கொண்டிருப்பான்...
மருமகள், இல்லத்தரசியாக, தன் குடும்பத்தை சிறப்பாக கவனித்துக் கொண்டிருக்கிறாள்; அவள், உன் உறவு பெண்ணும் கூட.
மகனின் எல்லா செயல்பாடுகளுக்கும், மருமகளை குற்றம் சாட்டுவது, அர்த்த பொருத்தமில்லாத விஷயம். புதிதாய் திருமணமான வாலிபன் அல்ல, மகன். வயதுக்கு வந்த இரு பிள்ளைகளின் எதிர்காலத்தை யோசித்து தான், 20 ஏக்கர் நிலத்தை, உன்னிடமிருந்து எழுதி வாங்கி இருக்கிறான்.
நீ வயதானவள், பாரம்பரிய முறையில் விவசாயம் செய்வாய். மகனோ, படித்தவன். புதுமையான முறைகளை கையாண்டு, விவசாயத்தை லாபகரமாக்குவான்.
தாய்க்கும் - மனைவிக்கும், உறவு விரிசல் பெரிதாகி விடக்கூடாது என்ற, 'சென்டிமென்ட்'டில், உன்னை பழைய வீட்டில் தங்க சொல்லியிருக்கிறான். மனைவியை சிரமப்படுத்த விரும்பாமல், விடுதியிலிருந்து உணவு வாங்கி தருகிறான்.
மகனின் விஷயத்தை, எதிர்மறையாக அணுகக் கூடாது. உன்னை, முதியோர் இல்லத்தில் சேர்க்கவில்லை; உணவு வாங்கி தராமல் பட்டினி போடவில்லை. வாழ்நாளில் முக்கால்வாசி கரைந்து விட்டது. இனி, சுயத்தை பற்றியே யோசிக்காமல், மூன்றாவது தலைமுறையின் எதிர்காலத்தை பற்றி யோசி.
'அன்பாய் கேட்டால், என் உயிரையும் தருவேன்... வலுக்கட்டாயப்படுத்தி சொத்துகளை எல்லாம் என்னிடமிருந்து, மகன் எழுதி வாங்கிக் கொண்டதை, இன்னும் என் மனம் ஒப்பவில்லை...' என்கிறாயா?
சகோதரி... ஒரு காரியம் செய். மகனை அழைத்து, 'தன்னந்தனியாய் பழைய ஓட்டு வீட்டில் தங்க, பயமாய் இருக்கிறது. உணவு விடுதி சாப்பாடு ஒத்துக்கொள்ளவில்லை. ஆகையால், உன் வீட்டிலேயே ஒரு அறை ஒதுக்கி கொடு. அங்கேயே சாப்பிட்டுக் கொள்கிறேன் அல்லது ஓட்டு வீட்டை மராமத்து பண்ணி கொடு, சமையல் செய்யவும், எனக்கு உதவியாகவும் ஒரு ஆளை ஏற்பாடு செய்.
'நான் உயிருடன் இருக்கும் வரை, எனக்கான மரியாதையை கொடு. விவசாய வேலைகளில் எனக்கும் சிறு பங்கு தா. இதெல்லாம் செய்ய தவறினால், காவல் நிலையத்தில் உன் மீது புகார் செய்வதை தவிர, வேறு வழியில்லை.
'பாட்டனார் சொத்து, 1 ஏக்கர் தான். மீதி, 19 ஏக்கர், உன் அப்பா உழைத்து சம்பாதித்தது. அவரின் சொத்துகளை எழுதி கொடுத்தேன்; எழுதி கொடுத்த நான், உயிருடன் இருக்கிறேன். உன் நடவடிக்கைகள் திருப்தி கரமாய் இல்லை எனக் கூறி, எழுதி கொடுத்ததை ரத்து செய்ய, 'வக்கீல் நோட்டீஸ்' அனுப்பலாம்...
'உரிமையியல் நீதிமன்றத்தில் வழக்கு தொடர்ந்து, நிலத்தை உன்னிடமிருந்து பிடுங்கி, சுயமாய் நானே அனுபவிக்கலாம்.
10 ஏக்கர் நிலத்தை, பள்ளிக்கூடம் கட்ட தானமாய் தரலாம். மீதி, 9 ஏக்கரை விற்று, பணத்தை வங்கியில் போட்டு வரும் வட்டியில், நான் ராஜ வாழ்க்கை வாழலாம்...' எனக் கூறி, பேச்சை பாதியில் நிறுத்து.
கதறிக் கொண்டு காலடியில் வந்து விழுவான், மகன்.
'சுயநலம் பிடிச்சவளாக இருந்தால், மேற்சொன்னவைகளை செய்து, உன்னிடமிருந்து, 20 ஏக்கர் விவசாய நிலத்தை பிடுங்குவேன். பேரன் - பேத்திகளுக்கு கல்யாணம் செய்து, கொள்ளு பேரன் - பேத்திகளை கொஞ்ச ஆவலாய் இருக்கிறேன்.
'நீ, பொண்டாட்டிதாசனாகவே இரு... அதற்காக உன்னை, காவல் நிலையம், நீதிமன்றம் என, அலைய வைக்க மாட்டேன். என் ஆவலாதிகளை கொட்டி புலம்பினேன், அவ்வளவு தான். ஒரு விரோதி போல் என்னிடம் நடக்காதே; அன்பாய் இரு...' என, மகனுக்கு அறிவுறுத்து.
மருமகளை கண்டால் புன்முறுவல் செய். பேரன் - பேத்திகளுடன் அளவளாவு. விவசாய நிலத்தில் அமர்ந்து, சுகந்த காற்றை சுவாசி. பிறக்கும் போது நாம் எதையும் எடுத்து வரவில்லை; இறக்கும் போது எதையும் எடுத்து போகப் போவதில்லை என்ற, கீதை வரிகளை நினைவில் வைத்துக் கொள்.

என்றென்றும் தாய்மையுடன்,
சகுந்தலா கோபிநாத்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (6)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Mani Nrs - mumbai,இந்தியா
02-நவ-201914:10:45 IST Report Abuse
Mani Nrs அந்த காலத்தில் பெண் குழந்தை பிறந்தால் வறுத்த படுவர் இனி ஆண் குழந்தை பிறந்தால் வறுத்த பட வேண்டும் போல இருக்கு உடலில் தெம்பு இருக்கும் போதே தமக்கு என்று சேர்த்து கொள்வது நல்லது தனக்கு பிறகு தான் மற்றவர்களுக்கு என்று உயில் எழுதி வைப்பது நல்லது
Rate this:
Cancel
Magesh - Riyadh,சவுதி அரேபியா
30-அக்-201911:09:32 IST Report Abuse
Magesh மேடம் சகுந்தலா, முதலில் வயசுக்கு மரியாதையை கொடுங்கள்... அவர்கள் ஒரு வயதான பெண்மணி... உங்களிடம் அறிவுரை கேட்டவுடன் மரியாதையை இழக்க வேண்டிய கட்டாயம் என்ன? அடக்கி வாசியுங்கள்... அது உங்கள் வாழ்க்கைக்கு உதவும்....
Rate this:
Cancel
BALU - HOSUR,இந்தியா
29-அக்-201919:25:04 IST Report Abuse
BALU முதுமையின் வலியை
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X