தெய்வத்திற்கு தெரியும்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

10 நவ
2019
00:00

யாருக்கு, எதை, எப்படி, எப்போது தர வேண்டும் என்பது, தெய்வத்திற்கு தெரியும். ஆகையால், 'தெய்வம் அதை தரவில்லை. யார் யாருக்கோ செய்கிறது...' என்றெல்லாம் எண்ண வேண்டாம் என்பதை, விளக்கும் கதை இது:
சூதாட்டத்தில், அனைத்தையும் தோற்று, பாண்டவர்கள் வனவாசம் புகுந்த நேரம். சிவபெருமானிடம் இருந்து, பாசுபத அஸ்திரம் பெறுவதற்காக, தவம் செய்து கொண்டிருந்தான், அர்ஜுனன். மனம் அடக்கி, கடும் தவம் செய்து கொண்டிருந்த அர்ஜுனனை, பல விதங்களிலும் சோதனை செய்தார், இந்திரன்.
கடும் மழை, வெயில், காற்று எனும் பல சோதனைகளையும் கடந்த, அர்ஜுனன், ரம்பை, ஊர்வசி முதலான தேவலோக பெண்கள் வந்து இடையூறு செய்த போதும் கலங்கவில்லை; தவத்தில் தீவிரமாக இருந்தான்.
தேவேந்திரனே, முனிவர் வடிவில் வந்து, அர்ஜுனனின் மன உறுதியை குலைக்கும் விதமாக பேசினார். அப்போதும், அவன், மன உறுதியை இழக்கவில்லை. சோதனை செய்ய வந்த தேவேந்திரன், 'சிவனருள் பெறுவாய்...' என, வாழ்த்திப் போனார்.
அர்ஜுனனின் தவம், அரன் இருக்கும் கைலாயம் வரை எட்டியது. 'அவன் தான், கடும் தவம் செய்து, சோதனைகளை வென்று விட்டானே... சிவபெருமான் உடனே அருள் செய்யக் கூடாதா... ஏன் காலதாமதம் செய்ய வேண்டும்?'
இதற்கு, உமாதேவியிடம், பதில் சொல்கிறார், சிவபெருமான்...
'தேவி... நம்மை நோக்கி தவம் செய்யும், அர்ஜுனனை அழிப்பதற்காக, துரியோதனன், தன் நண்பனான, மூகாசுரன் எனும் அசுரனை அனுப்பி இருக்கிறான். அந்த மூகாசுரனும், இப்போது, பன்றியாக உருமாறி, அர்ஜுனனை கொல்வதற்காக வரப்போகிறான்.
'அந்த மூகாசுரனையும் கொல்ல வேண்டும்; அர்ஜுனனுக்கும் அருள் புரிய வேண்டும். அதற்காகவே, காலம் கருதி காத்திருந்தோம். நீயும் வா, வேடர்களாக உருமாறிப் போய், அர்ஜுனனுக்கு அருள் செய்வோம்...' என்றார்.
சிவபெருமானும் - உமாதேவியும், வேடுவ தம்பதியராக உருமாறி வர, சிவ கணங்கள், வேடர் படையாக மாறினர்; அனைவரும், அர்ஜுனன் தவம் செய்யும் இடத்தை அடைந்தனர்.
அங்கே, அர்ஜுனனை கொல்லும் நோக்கத்தோடு, துரியோதனனால் ஏவப்பட்ட, மூகாசுரன் எனும் அசுரன், பன்றி வடிவில், அவன் மீது பாயத் தயாராக இருந்தான்.
அவன் மீது, சிவபெருமான் அம்பை எய்த அதே வேளையில், அர்ஜுனனும் அம்பை எய்தான். இரு அம்புகளும், பன்றி வடிவில் இருந்த மூகாசுரன் மீது பாய்ந்தன. அவன், இறந்து விழுந்தான்.
பிறகென்ன, யார் எய்த அம்பு முதலில் பாய்ந்தது என்ற வாதம் துவங்கியது. சிவபெருமானுடன் போரிட்டான், அர்ஜுனன்; முடிவில், உண்மை உணர்ந்து, சிவபெருமானின் திருவடிகளில் விழுந்து வணங்கினான்.
வணங்கிய அர்ஜுனனுக்கு, நடந்தவைகளையெல்லாம் விவரித்த சிவபெருமான், அவன் விரும்பிய பாசுபத அஸ்திரத்தையும் வழங்கி, அருள் புரிந்தார்.
அர்ஜுனன் தவத்தில் திருப்தியடைந்த, சிவபெருமான், அப்போதே, அவனுக்கு அருள் புரிந்திருந்தால், மூகாசுரனால் அவனது கதை முடிந்திருக்கும். அதன் காரணமாகவே, அர்ஜுனனுக்கு அருள் புரிவதை, சற்று தள்ளி போட்டார்.
எனவே, யாருக்கு, எதை, எப்போது, எப்படி தரவேண்டும் என்பது தெய்வத்திற்கு தெரியும்.

பி. என். பரசுராமன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X