உண்மை நட்பு!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

16 நவ
2019
00:00

முத்தளம் கிராமத்தில், மாணிக்கமும், விஷ்வாவும் நண்பர்கள். தினமும், காலை நேரத்தில், கட்டு மரத்தில், மீன் பிடிக்கச் செல்வர்.
அன்று வழக்கம் போல், மீன் பிடிக்கச் சென்றனர். வெகுநேரம் ஆகியும் வலையில், போதுமான மீன்கள் சிக்கவில்லை; கரையை அடைந்ததும், கிடைத்திருந்த மீன்களை பங்கிட்டனர்.
'நண்பனே... இந்த மீன்களை விற்றால், கிடைக்கும் பணத்தில், இருவருக்கும் போதிய உணவு பொருட்களை வாங்குவது கடினம். அதனால், மீன் விற்று கிடைக்கும் பணத்தை, ஒருவரே எடுத்து கொள்ளலாம்...' என்றான் விஷ்வா.
'அப்படியானால், நீயே எடுத்துக் கொள்; நீ தான் மனைவி, மக்களோடு இருக்கிறாய்; உன் குடும்பத்தை வறுமையில் வாட விடாதே...' என்றான் மாணிக்கம்.
'இல்லை நண்பனே... உன் குடும்பத்தில், இரண்டு நபர்கள் அதிகமாக உள்ளனர்; அதனால், நீ தான் எடுத்துக் கொள்ள வேண்டும்...' என்றான் விஷ்வா.
அதை அழுத்தமாக மறுத்தான் மாணிக்கம். இருவரும் விட்டுக் கொடுக்காமல் வாதிட்டுக் கொண்டிருந்தனர். அந்த நேரத்தில், சலங்கை சத்தம் கேட்டது; திடுக்கிட்டு திரும்பி பார்த்தனர்.
கடற்கரையில், அழகிய பெண் நடந்து வந்து கொண்டிருந்தாள். இருவரும் திகைப்புடன் வாயடைத்தனர். அந்த பெண், தேவதை போல் காட்சி தந்தாள். அவள் முகத்தை, இருவரும் உற்றுப் பார்த்தனர்.
இதைக் கண்ட தேவதை, 'நண்பர்களே... என்ன அப்படிப் பார்க்கிறீர்கள். நான் தான், கடல் தேவதை; நீங்கள் ஏதோ வாக்கு வாதம் செய்வது போல தெரிகிறது. அதை அறிந்துக் கொள்ளவே வந்தேன்...' என்றது.
'தேவதையே... உன்னை சந்தித்ததில் மகிழ்ச்சி; நாங்கள், இணை பிரியாத நண்பர்கள். பிடிக்கிற மீன்களை பங்கு போட்டுக் கொள்வோம்; இன்று குறைந்த அளவே மீன்கள் கிடைத்துள்ளதால், யார் எடுத்துக் கொள்வது என்பதில் குழப்பம் ஏற்பட்டுள்ளது... என் குடும்பத்தைப் பற்றி, கவலையில்லை; நண்பன் குடும்பம் வறுமையில் வாட கூடாது என்பதற்காக, எல்லா மீன்களையும், அவனையே எடுத்துக் கொள்ள சொல்கிறேன்...
'நண்பனோ அதை மறுத்து, என்னை எடுத்துக் கொள்ள வலியுறுத்துகிறான்; நீயே, அவனுக்கு புத்திமதி கூறி புரியவை...' என்றான் விஷ்வா.
சிரித்தபடியே, அவர்களை நோக்கிய கடல் தேவதை, 'ஒற்றுமையுடன், இருவரது குடும்ப நலன்கள் கருதியே பேசிக் கொண்டிருக்கிறீர்கள். உங்கள் அன்பும், நல்லெண்ணமும் பாராட்டத்தக்கது; என்னை மிகவும் கவர்ந்து விட்டது. இருவருக்கும் உதவி செய்ய காத்திருக்கிறேன்...' என்றது.
அவர்கள், ஒருவர் முகத்தை ஒருவர் பார்த்தனர்.
கடல் தேவதை, 'என்ன அப்படி பார்க்கிறீர்கள்; இருவருக்கும், இரண்டு மூட்டை செல்வம் தருகிறேன்; அதை வைத்து, தேவையான பொருட்களை வாங்கி, குடும்பத்துடன் வறுமையின்றி வாழலாம்...' என்றது.
இரண்டு பேர் முன்பும், மூட்டைகள் தோன்றின; அங்கிருந்து மறைந்தது கடல் தேவதை. மூட்டைகள் நிறைய பொற்காசுகள் இருந்தன. அவற்றைக் கொண்டு, ஏழை, எளியவர்களுக்கு உதவி, இன்பமாக வாழ்ந்தனர். அவர்களுக்குள் போட்டி, பொறாமை வரவேயில்லை.
செல்லங்களே... உண்மையான நட்புடன் இருந்ததால், எத்தனை பெரிய அதிர்ஷ்டம் தேடி வந்தது பார்த்தீர்களா... நேர்மையாக வாழ்பவருக்கு, எல்லா நன்மைகளும் கிடைக்கும்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X