திண்ணை
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

17 நவ
2019
00:00

மணிவாசகர் பதிப்பகம் வெளியீடான, 'சினிமா கலைக் களஞ்சியம் - ஆரூர்தாஸ்' நுாலிலிருந்து: கதை வசனத்தில், ஆரூர்தாசுக்கு ஈடு இணையில்லை என்பர். அதற்கேற்ப, 800 படங்களுக்கு கதை, வசனம் எழுதியுள்ளார்.
முதன் முதலில் கதை வசனகர்த்தாவான படம், தேவர் பிலிம்சின், வாழ வைத்த தெய்வம். இதில், ஜெமினி கணேசன், சரோஜாதேவி நடித்தனர்.
ஆரூர்தாசிடம் ஒரு தனி சிறப்பு உண்டு.
தான் எழுதிய கதை, வசனத்தை, ஏற்ற, இறக்கத்துடன், நடிகர் - நடிகையருக்கு, அவரே சொல்லித் தருவார். இது, பலரை கவர்ந்தது. குறிப்பாக, ஜெமினி கணேசனுக்கு மிகவும் பிடித்தது. அன்று முதல், ஆரூர்தாசை, 'வாத்யாரே' என, அழைக்க ஆரம்பித்தார்.
'வாத்தியாரே... உணர்ச்சி நிறைந்த உங்க வசனம், எங்களை நடிக்க வைக்குது... வருங்காலத்தில், நீ, பெரிய வசனகர்த்தாவா வருவே... உனக்கு, நல்ல எதிர்காலம் இருக்கு... பார்த்துகிட்டே இரு, நீ பெரிய ஆளா வருவே...' என்றும், அடிக்கடி கூறுவார், ஜெமினி கணேசன்.
* ஜெமினி கணேசன், 1947ல், மிஸ் மாலினி படத்தில் சிறு வேடத்தில் நடித்தார். 1952ல், தாயுள்ளம் படத்தில், கதாநாயகனாக, ஆர்.எஸ்.மனோகர், கவர்ச்சி வில்லனாக, ஜெமினி கணேசன் நடித்தனர். பின், இருவர் வாழ்க்கையிலுமே திருப்புமுனை. ஜெமினி கணேசன், கதாநாயகன் ஆனார்; ஆர்.எஸ்.மனோகர், வில்லன் ஆனார்.
* ஜெமினி கணேசன் இரட்டை வேடம் போட்ட முதல் படம், மனம் போல் மாங்கல்யம். இந்த படத்தில் உடன் நடித்த, சாவித்திரியை மணந்தார்
* ஜெமினி கணேசன், சாகச கதாநாயகனாக நடித்த படம், வஞ்சிக்கோட்டை வாலிபன்
* பிலிம்பேர் விருது பெற்ற, ஜெமினி கணேசன், நான் அவனில்லை என்ற படத்தை தயாரித்தார்
* பத்மினியுடன் அவர் நடித்த முதல் படம், ஆஷாதீபம் என்ற மலையாளப் படம்
* ஜெமினி கணேசன் இயக்கிய ஒரே படம், இதயமலர். இந்த படத்தில், ஜெமினி கணேசன், சொந்த குரலில், 'லவ் ஆல்' என ஆரம்பிக்கும், ஒரு பாடல் பாடியுள்ளார். அவர் பாடிய ஒரே பாடலும் அது தான்
* வல்லவனுக்கு வல்லவன் படத்தில், வில்லனாக நடித்துள்ளார்
* * ஜெமினி கணேசன் நினைவாக, மத்திய அரசு, ஐந்து ரூபாய் தபால் தலை வெளியிட்டுள்ளது
* இன்று வரை, பல காதல் படங்களில் பல நாயகர்கள் நடித்திருந்தாலும், 'காதல் மன்னன்' என்றழைக்கப்பட்ட ஒரே நடிகர், ஜெமினி கணேசன் மட்டுமே.

குன்றில் குமார் எழுதிய, 'முன்னேற, 30 வழிகள்' நுாலிலிருந்து: இந்தியாவை, ஆங்கிலேயர் ஆண்ட காலம் அது. கோல்கட்டா பிரசிடென்சி கல்லுாரியில் பேராசிரியராக பணியாற்றினார், ஜெகதீஷ் சந்திரபோஸ். அப்போது, அங்கு பணியாற்றிய ஆங்கிலேய பேராசிரியர்களுக்கு, இணையான தகுதியுடன், சிறப்பான திறமை பெற்றிருந்தார்.
ஆனாலும், அப்போது, பிரிட்டிஷ் ஆட்சி நடந்து கொண்டிருந்ததால், ஆங்கிலேயர்களுக்கு வழங்கப்படும் சம்பளத்தில் பாதி தான், இந்தியர்களுக்கு வழங்கப்பட்டு வந்தது. இந்தியர் என்ற காரணத்தால், ஜெகதீஷ் சந்திரபோசுக்கு குறைவான சம்பளம் வழங்கப்பட்டது.
இது, அவருக்கு உறுத்தலாக இருந்தது. இதற்காக, பிரச்னையை பற்றி குமுறி குமுறி கொந்தளிப்பதையும், அவர் விரும்பவில்லை. மாறாக, பிரச்னையை தைரியமாக, காந்திய வழியில் எதிர் கொண்டார்.
'ஊதியமே தேவையில்லை...' என்று திட்டவட்டமாக கூறி, தொடர்ந்து மூன்று ஆண்டுகள் பணிபுரிந்தார்.
இவரது நேர்மையையும், திறமையையும் பார்த்த ஆங்கிலேய அரசு, அதன்பின், ஆங்கிலேயர்களுக்கு இணையான சம்பளத்தை வழங்க முடிவு செய்ததோடு, மூன்றாண்டு நிலுவைத் தொகையையும் சேர்த்து வழங்கியது.

நடுத்தெரு நாராயணன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X