குழந்தை பிறக்க, 'உலப்பன்னா!'
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

01 டிச
2019
00:00

கேரளத்தில் எர்ணாகுளம் அருகிலுள்ள, திருப்பூணித்துறை பூர்ணத்திரயேஸ்வரர் கோவிலில், லிங்கத்தை கையில் ஏந்தி, பெருமாள் காட்சியளிக்கிறார். இங்கு, குழந்தை வரத்துக்காக, 'உலப்பன்னா' என்ற வழிபாடு நடக்கிறது.
இங்கு வாழ்ந்த அந்தண தம்பதிக்கு, குழந்தை இல்லை. அந்தணருக்கு பக்தி கிடையாது. அவரது மனைவியோ, விஷ்ணு பக்தை. தன் கணவரை மன்னித்து, தனக்கு குழந்தை பாக்கியம் வேண்டும் என, வழிபட்டாள்.
ஒன்பது குழந்தைகள் பிறந்தும், அவை பிழைக்கவில்லை. இதையடுத்து, அவள் தன் கணவனுடன் துவாரகை சென்றாள். அங்கே, கிருஷ்ணனை சந்தித்தார், அந்தணர்.
'கிருஷ்ணா... எனக்கு, பல குழந்தைகள் பிறந்தும், இறந்து விட்டன. அவற்றைக் காக்கும் பொறுப்பு உனக்கில்லையா...' என்றார்.
கிருஷ்ணரின் அருகில் இருந்த அர்ஜுனன், 'பிறப்பும், இறப்பும் விதிவசத்தால் ஆனது. ஆனாலும், நீர்... கிருஷ்ணரை தவறாக எண்ணக்கூடாது. எனவே, இனி, பிறக்கும் குழந்தைகள் இறக்காமல் பார்த்து கொள்கிறேன். அப்படி இறந்தால், நான் அக்னியில் விழுந்து உயிர் விடுவேன்...' என்றான்.
மகிழ்வுடன் ஊர் திரும்பினார், அந்தணர். ஆனால், 10வது குழந்தையும் இறந்து விட்டது.
இதைக் கேட்ட, அர்ஜுனன், தீயில் இறங்கத் தயாரானான். கிருஷ்ணர் அவனைத் தடுத்து, 'அர்ஜுனா... நீ அந்தணரிடம், குழந்தை பாக்கியம் வேண்டி, கிருஷ்ணனை சரணாகதி அடைய வேண்டும் என கூறாமல், பிறக்கும் குழந்தைகளை இறக்காமல் நான் பார்த்து கொள்கிறேன் என்று ஆணவத்துடன் கூறினாய். எனவே தான், இந்த குழந்தையும் இறந்து விட்டது...' என்றார்.
தலை குனிந்தான், அர்ஜுனன். எனினும், சபதப்படி, அக்னியில் விழுந்து, வைகுண்டம் சேர்ந்தான்.
அங்கே, ஒரு லிங்கத்தை கையில் வைத்து, தியானத்தில் இருந்தார், மகாவிஷ்ணு.
அர்ஜுனன் அவரிடம், 'என் ஆணவம் அழிந்தது. ஆனாலும், அந்தணருக்கு கொடுத்த வாக்கை, தாங்கள் காப்பாற்ற வேண்டும்...' என்றான்.
அர்ஜுனனிடம் அந்த லிங்கத்தைக் கொடுத்து, 'நான் பூஜித்து வரும் இந்த லிங்கத்தை, அந்தணர் வாழும் ஊரில் பிரதிஷ்டை செய்து வழிபடச் சொல். இது, குழந்தை பாக்கியம் தரக் கூடியது...' என்றார், மகாவிஷ்ணு.
இதன்படி, சிவலிங்கத்திற்குரிய ஆவுடையார் மீது, பெருமாள் கையில் லிங்கத்துடன் அமர்ந்திருக்கும் சிலை அமைக்கப்பட்டது. சிவனுக்குரிய ஈஸ்வர பட்டத்தை சேர்த்து, பூர்ணத்திரயேஸ்வரர் என்று பெயரிடப்பட்டது.
இங்கு, 'கடா' என்னும் மூன்றடுக்கு விளக்கு இருக்கிறது. இதை, குழந்தை இல்லாதவர்கள் ஏற்றி வழிபடுகின்றனர். இந்த வழிபாட்டை, 'உலப்பன்னா' என்கின்றனர்.
எர்ணாகுளத்திலிருந்து, 12 கி.மீ., துாரத்தில் கோவில் உள்ளது.
தொடர்புக்கு: 0484 - 277 4007.

தி. செல்லப்பா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X