உபதேச உண்மை!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

15 டிச
2019
00:00

ஒவ்வொருவருக்கும் ஒவ்வொரு விதத்தில் உபதேசம்- செய்கிறது, தெய்வம். அதை, அவரவர்கள் நிலைக்கு ஏற்ப பொருள் கொள்கிறோம்.
உதாரணமாக, வாசற்கதவு தாழ்ப்பாள், கிரீச்சென்று சத்தம் போடுகிறதே என, அதில் கொஞ்சம் எண்ணெயை ஊற்றி சத்தம் வராமல் செய்கிறோம்.
'உன்ன யாரு ஆயில் போடச் சொன்னாங்க... யாராவது வந்தா, போனா, தெரியணுங்கறதுக்காகத்தான, கதவ அப்பிடியே சத்தம் போடறா மாதிரி வெச்சிருந்தோம். இப்ப நீ ஆயில போட்டு, சத்தமே வராதபடி பண்ணிட்ட... இனிமே யார் வராங்க, யார் போறாங்கன்னு தெரியாது...' என்று திட்டு கிடைக்கிறது.
தாழ்ப்பாள் ஒன்று தான்; ஆனால், அதைப் பற்றி புரிந்து கொண்ட இருவர் நிலையும் வேறு வேறு.
அதுபோல, தெய்வம் ஓர் உபதேசம் செய்கிறது. அதை அவரவர், தங்கள் மனோபாவப்படி பொருள் கொண்டனர். எப்படி...
தேவர்கள், அசுரர்கள், மனிதர்கள் என, மூவரும் பிரம்ம தேவரிடம் போய், தங்களுக்கு உபதேசம் செய்ய வேண்டினர்.
தேவர்களுக்கு, 'த' என்ற எழுத்தை உபதேசித்தார், பிரம்மதேவர்.
உபதேசம் விரிவாக இல்லாவிட்டாலும், தேவர்களுக்கு உண்மை புரிந்தது.
'ஆட்டம், பாட்டம், கொண்டாட்டம் என்று எப்போதும் சொர்க்க போகத்தில் மிதக்கும் நமக்கு, புலனடக்கம் என்பதே இல்லை. ஆகவே, 'தமம்' - புலனடக்கம் என்பதை நமக்கு உபதேசித்திருக்கிறார்...' என்று புரிந்து கொண்டனர்.
அடுத்து, அசுரர்களை அழைத்த பிரம்மதேவர், அவர்களுக்கும், 'த' என்ற எழுத்தை உபதேசித்தார்.
அசுரர்கள் தங்களை பற்றிய உண்மையை உணர்ந்தவர்களாதலால், 'அசுரர்களான நாம் கொடூரமானவர்கள்; தயை என்பதே இல்லாதவர்கள். அடுத்தவர்களிடம் தயை காட்ட வேண்டும் என்பதற்காகவே, பிரம்மதேவர் இவ்வாறு, 'த' என்பதை நமக்கு உபதேசித்திருக்கிறார். நம்மைப் பற்றி தெரிந்து தான், பிரம்மதேவர் இப்படி செய்து இருக்கிறார்...' என்று புரிந்து கொண்டனர்.
அடுத்து, மனிதர்களுக்கு உபதேசம் செய்த பிரம்மதேவர், அவர்களுக்கும், 'த' என்ற எழுத்தையே உபதேசித்தார். மனிதர்களும் தங்கள் நிலைக்கேற்ப, உண்மையை உணர்ந்து கொண்டனர்.
'மனிதர்களான நாம், மேலும் மேலும் பொருட்களை சேர்ப்பதில் மிகுந்த ஆவல் கொண்டவர்களாக இருக்கிறோம். ஆகவே, நமக்கு, 'தர்மம் செய்யுங்கள்' என, உபதேசம் செய்திருக்கிறார்...' என்றனர்.
பிரம்மதேவர் செய்தது, ஒற்றையெழுத்து உபதேசம் தான். ஆனால், அதை அவரவர்கள், தங்கள் நிலைக்கு ஏற்ப உணர்ந்து கொண்டனர். அதுபோல, தெய்வம் நமக்கு பலவிதங்களிலும் பலர் வாயிலாகவும் உபதேசம் செய்கிறது; உணர்ந்து, செயல்பட வேண்டியது நம் கடமை, பொறுப்பு. உணர்ந்து கொள்வோம்; தீவினைகளை வெல்வோம்.

பி. என். பரசுராமன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X