ஜனவரி | வருடமலர் | Varudamalar | tamil weekly supplements
ஜனவரி
Advertisement
 
 
 
Advertisement
Advertisement
dinamalar advertisement tariff
 
Advertisement
 

பதிவு செய்த நாள்

01 ஜன
2020
00:00

தமிழகம்
ஜன.,2: மேகதாது அணைக்கு எதிராக லோக்சபாவில் அமளியில் ஈடுபட்ட அ.தி.மு.க., எம்.பி.,க்கள் 24 பேர் ஐந்து நாள் சஸ்பெண்ட்.
ஜன.,7: திருவாரூர் இடைத்தேர்தல் ரத்து.
*1998ல் பஸ் மீது கல்வீசி தாக்குதல் நடத்திய வழக்கில் அமைச்சர் பாலகிருஷ்ணா ரெட்டிக்கு மூன்று ஆண்டு சிறை. பதவி பறிபோனது.
ஜன.,9: தமிழக அரசின் ரூ. 1000 பொங்கல் பரிசுக்கு உயர்நீதிமன்றம் தடை.
ஜன.,21: விராலிமலை ஜல்லிக்கட்டில் 9 மணி நேரத்தில் 1353 காளைகள் பங்கேற்று உலக சாதனை.
ஜன.,23: உலக முதலீட்டாளர்கள் மாநாடு சென்னையில் நடந்தது.
மதுரையில் 'எய்ம்ஸ்' - ஜன.,27: மதுரையில் ரூ. 1,264 கோடி மதிப்பில் 'எய்ம்ஸ்' மருத்துவமனை அமைக்க பிரதமர் மோடி அடிக்கல். 2022க்குள் பணி முடிக்கப்படும் என மத்திய அரசு அறிவிப்பு.
ஜன.,30: ஒன்பது அம்ச கோரிக்கையை வலியுறுத்தி 'ஜாக்டோ ஜியோ' நடத்திய 9 நாள் போராட்டம் வாபஸ்.

இந்தியா
ஜன.,1: ஆந்திரா, தெலுங்கானா உயர்நீதிமன்றங்கள் தொடக்கம்.
*மத்திய தலைமை தகவல் ஆணையராக சுதீர் பார்கவா பொறுப்பேற்பு.
ஜன.,2: சபரிமலை கோயிலில், 10 - 50 வயதுக்குட்பட்ட பெண்களான பிந்து, கனகதுர்கா தரிசனம்.
ஜன.,4: மல்லையாவை, 'பொருளாதார குற்றவாளி' என மும்பை நீதிமன்றம் அறிவிப்பு.
ஜன.,8: சீனாவுக்கான இந்திய துாதராக விக்ரம் மிஸ்ரி பொறுப்பேற்பு.
*சி.பி.ஐ., இயக்குநர் அலோக் வர்மாவை கட்டாய விடுப்பில் அனுப்பியது செல்லாது என உச்சநீதிமன்றம் தீர்ப்பு.
ஜன.,14: உயர்வகுப்பினரில் பொருளாதாரத்தில் பின்தங்கியவர் களுக்கு 10 சதவீத இடஒதுக்கீடு மசோதா அமல்.
மேளா... கும்பமேளா - ஜன., 15: உ.பி.,யின் பிரயாக்ராஜில் கங்கை, யமுனை, சரஸ்வதி நதிகள் இணையும் 'திரிவேணி சங்கமத்தில்' 6 ஆண்டுகளுக்கு ஒரு முறை நடக்கும் 'அர்த்த கும்பமேளா' துவக்கம். 55 நாட்கள் நிகழ்வில் 12 கோடி பேர் பங்கேற்பு.
'ஏழு' அதிசயம் - ஜன., 15: கோல்கட்டாவின் சத்யாரூப் சித்தாந்தா 35, ஏழு ஆண்டுகளில் ஏழு கண்டங்களில் உள்ள ஏழு உயரமான மலைகள், ஏழு எரிமலைகளில் ஏறிய உலகின் இளம் வீரரானார். கின்னஸ் புத்தகத்தில் இடம் பெற்றார்.
ஜன.,20: காவிரி - கோதாவரி நதிநீர் இணைப்பு திட்டம் விரைவில் தொடங்கப்படும் என மத்திய அமைச்சர் நிதின் கட்காரி அறிவிப்பு.
ஜன.,23: மத்திய அமைச்சர் அருண் ஜெட்லி மருத்துவ சிகிச்சைக்கு அமெரிக்கா பயணம்.
*மும்பையில் ரூ. 100 கோடி செலவில் சிவசேனா நிறுவனர் பால்தாக்கரேவுக்கு நினைவிடம் அமைக்க அடிக்கல்.
*டில்லியில் நேதாஜி மியூசியத்தை பிரதமர் மோடி துவக்கினார்.
ஜன.,27: உள்நாட்டில் தயாரிக்கப்பட்ட அதிவேக ரயிலுக்கு 'வந்தே பாரத் எக்ஸ்பிரஸ்' என பெயரிடப்பட்டது.
ஜன.,28; உலக இரும்பு உற்பத்தியில் இந்தியாவுக்கு இரண்டாவது இடம்.

உலகம்
ஜன.,1; பிரேசில் அதிபராக ஜேர் பொல்சோனாரோ பதவியேற்பு.
*சர்வதேச நாணய நிதியத்தின் தலைமை பொருளாதார நிபுணராக, இந்தியாவின் கீதா கோபிநாத் நியமனம்.
ஜன.,7: வங்கதேச பிரதமராக தொடர்ந்து மூன்றாவது முறையாக பதவியேற்றார் ஷேக் ஹசீனா.
நீர் 'ஹீரோ' - ஜன., 14 முல்லைப்பெரியாறு அணையை தனது சொத்தை விற்று கட்டினார் பிரிட்டன் பொறியாளர் பென்னிகுக். தென் மாவட்ட மக்கள் நீர்வளம் பெற்று வாழ வழி செய்தார். தேனியில் இருந்து அனுப்பப்பட்ட பென்னிகுக் சிலை, லண்டனில் அவரது கல்லறை அருகே திறப்பு.
ஜன.,15: கென்யாவின் நைரோபியில் ஷாப்பிங் மாலில் நடந்த பயங்கரவாத தாக்குதலில் 21 பேர் பலி.
ஜன.,16: பிரிட்டன் பார்லிமென்ட்டில் 'பிரக்சிட்' ஒப்பந்தம் தோல்வி.
ஜன.,19: மெக்சிகோவில் பெட்ரோல் குழாயில் ஏற்பட்ட விபத்தில் 85 பேர் பலி.
ஜன.,20: மடகாஸ்கர் அதிபராக ஆன்ட்ரி ரஜோலினி பொறுப்பேற்பு.
உலகின் 'சீனியர்' - ஜன., 20: உலகின் வயதானவரான ஜப்பானின் மசாசோ நோனாக்கா 113, மரணம்.
ஜன.,22 : ஆப்கனின் உளவுத்துறை பயிற்சி மையத்தில் தலிபான் பயங்கர வாதிகள் தாக்குதலில் 65 பேர் பலி.
ஜன.,24: வெனிசுலாவில் அதிபர் நிகோலஸ் மதுரோவுக்கு எதிராக போராட்டம். எதிர்க்கட்சி தலைவர் ஜூயன் கைடோ பொறுப்பு அதிபராக அறிவிப்பு.
ஜன.,25: மலேசிய மன்னராக சுல்தான் அப்துல்லா தேர்வு.
*பாகிஸ்தானின் தேசிய பானமாக 'கரும்பு ஜூஸ்' தேர்வு.
ஜன.,26: பிரேசிலில் இரும்பு தாது சுரங்கம் அருகே இருந்த அணை உடைந்ததில் 248 பேர் பலி.
ஜன.,28: உலக சுகாதார நிறுவனத்தின் தெற்காசிய மண்டல இயக்குநராக பூனம் கேத்ரபால் சிங் நியமனம்.
முதல் நீதிபதி - ஜன., 29: பாகிஸ்தானில் மாவட்ட சிவில் நீதிபதியாக சுமன் குமாரி பொறுப்பேற்பு. இப்பதவிக்கு நியமிக்கப்பட்ட முதல் ஹிந்து பெண் இவர். சிந்து மாகாணத்தில் பிறந்தார். இந்தியாவின் ஐதராபாத்தில் இளநிலை சட்டப் படிப்பும், கராச்சியில் முதுநிலை சட்டப்படிப்பும் முடித்தார்.

Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X