பிப்ரவரி
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

01 ஜன
2020
00:00

தமிழகம்
பிப்.,8: கொடநாடு கொலை வழக்கில் சயான் மற்றும் மனோஜூக்கு ஜாமீனை நீலகிரி நீதிமன்றம் ரத்து செய்தது.
பிப்.,10: திருச்சி விமானநிலைய ஒருங்கிணைந்த கட்டடம், சென்னை, திருப்பூரில் இ.எஸ்.ஐ., மருத்துவமனை, சென்னை வண்ணாரபேட்டை - டி.எம்.எஸ்., மெட்ரோ ரயில் திட்டங்களை பிரதமர் மோடி துவக்கினார்.
பிப்.,13: தடை செய்யப்பட்ட பிளாஸ்டிக் பயன்படுத்தினால் ரூ. ஒரு லட்சம் வரை அபராதம் விதிக்கும் சட்ட மசோதா தாக்கல்
பிப்.,15: உடுமலையில் அச்சுறுத்திய 'சின்னதம்பி' யானை, கும்கி யானைகள் உதவியுடன் டாப் சிலிப் முகாமுக்கு கொண்டு செல்லப்பட்டது.
பிப்.,18: ஸ்டெர்லைட் ஆலையை மீண்டும் திறக்க உத்தரவிட்ட பசுமை தீர்ப்பாயத்தின் உத்தரவுக்கு உச்சநீதிமன்றம் தடை.
பிப்.,23: விழுப்புரம் தொகுதி அ.தி.மு.க., எம்.பி., ராஜேந்திரன் சாலை விபத்தில் மரணம்.
பிப்.,24: சென்னை போரூரில் தனியார் வாகன காப்பக தீ விபத்தில் 176 கார்கள் எரிந்து நாசம்.
பிப்.,27: பாம்பன் துாக்கு பால பராமரிப்பு பணி முடிவு. ரயில் சேவை 84 நாட்களுக்குப்பின் தொடக்கம்.
*சென்னை கடற்கரை சாலையில் எம்.ஜி.ஆர்., நுாற்றாண்டு வளைவு திறப்பு.


இந்தியா
பிப்.,2: சி.பி.ஐ., இயக்குநராக ஆர்.கே. சுக்லா நியமனம்.
*அமெரிக்காவிடம் இருந்து 73 ஆயிரம் நவீன ரைபிள் துப்பாக்கிகள் வாங்க பாதுகாப்பு அமைச்சகம் ஒப்புதல்.
பிப்.,3: சாரதா சீட்டு நிறுவன மோசடி வழக்கில் மேற்குவங்க டி.ஜி.பி., ராஜிவ் குமாரிடம் விசாரணை நடத்த வந்த சி.பி.ஐ., அதிகாரிகள், மாநில போலீசாரால் கைது. மாநில உரிமையை மத்திய அரசு மீறுவதாக முதல்வர் மம்தா போராட்டம்.
பிப்.,6: அன்னிய செலாவணி வழக்கில் ராபர்ட் வத்ரா, அமலாக்கத்துறை அலுவலகத்தில் ஆஜர்.
பிப்.,11: ஆந்திராவுக்கு சிறப்பு அந்தஸ்து கோரி முதல்வர் சந்திரபாபு நாயுடு டில்லியில் உண்ணாவிரதம்.
பிப்.,12: டில்லி ஓட்டலில் ஏற்பட்ட தீ விபத்தில் 17 பேர் பலி.
*பார்லிமென்ட் மைய மண்டபத்தில், முன்னாள் பிரதமர் வாஜ்பாய் படம் திறப்பு.
பிப்.,14: இந்திய தேர்தல் ஆணையராக சுஷில் சந்த்ரா நியமனம்.
எல்லைமீறிய தாக்குதல் - பிப்., 14: காஷ்மீர் புல்வாமாவில் பாக்., ஆதரவு ஜெய்ஷ் இ முகமது பயங்கரவாதி, சி.ஆர்.பி.எப்., வாகனம் மீது நடத்திய தற்கொலைப்படை தாக்குதலில், தமிழகத்தின் இருவர் உட்பட 40 வீரர்கள் வீரமரணம்.
பிப்.,15: நிதியமைச்சர் பொறுப்பை அருண்ஜெட்லி மீண்டும் ஏற்றார்.
*நாட்டின் அதிவேக ரயில் வந்தே பாரத் எக்ஸ்பிரஸ் சேவையை பிரதமர் மோடி துவக்கினார்.
பிப்.,19: இந்தியா முழுவதற்கும் ஒரே அவசர கால எண்ணாக 112 அறிமுகம்.
பிப்.,20: சவுதி இளவரசர் முகமது பின் சல்மான் இந்தியா வருகை.
பிப்.,21: அசாமில் கள்ளச்சாரயம் குடித்ததில் 100 தேயிலை தொழிலாளர்கள் பலி.
பிப்.,23: பெங்களூரு எலஹங்கா விமானப்படை தளத்தில் நடந்த சர்வதேச விமான கண்காட்சிக்கு வந்த பார்வையாளர்களின் 300 கார்கள் தீயில் சேதம்.
பிப்.,24: விவசாயிகளுக்கு ஆண்டுக்கு ரூ. 6,000 உதவித்தொகை வழங்கும் திட்டத்தை பிரதமர் மோடி துவக்கினார்.
வான் வீரன் - பிப்., 27: இந்திய எல்லைக்குள் அத்துமீறிய பாக்., எப்., 16 விமானத்தை இந்திய 'விங் கமாண்டர்' அபினந்தன் சுட்டு வீழ்த்தினார். இவரது 'மிக்- 21' விமானம் பாக்., எல்லைக்குள் விழுந்தது. பாராசூட் மூலம் தப்பிய இவரை பாக்., ராணுவம் சிறைபிடிப்பு. மார்ச் 1ல் விடுவிப்பு.
பிப்.,28: ரயில்வேயில், 'கிழக்கு கடலோர ரயில்வே' என்ற புதிய மண்டலம் துவக்கம்.

உலகம்
பிப்.,4: போப் பிரான்சிஸ் ஐக்கிய அரபு எமிரேட்ஸ் வருகை. அரபு நாடுகளுக்கு சென்ற முதல் போப் ஆனார்.
பிப்.,10: கார் ஓட்டி விபத்தை ஏற்படுத்திய பிரிட்டன் இளவரசர் பிலிப் 97, ஓட்டுநர் உரிமத்தை திருப்பி அளித்தார்.
ஹிந்திக்கு கவுரவம் - பிப்., 11: அபுதாபி நீதிமன்றங்களில் மூன்றாவது அலுவல் மொழியாக ஹிந்தி சேர்ப்பு.
பிப்.,12: கிரீஸ் நாட்டுடன் ஏற்பட்ட ஒப்பந்தப்படி, மெசிடோனியா நாடு, வடக்கு மெசிடோனியா என மாற்றம்.
பிப்., 23: ஐ.நா., வுக்கான அமெரிக்க துாதர் நிக்கி ஹேலி ராஜினாமா.
பிப்., 13: ஈரானில் தற்கொலைப்படை பயங்கரவாதிகள் தாக்குதலில் 27 வீரர்கள் பலி.
பிப்., 20: வங்கதேசத்தில் ரசாயான கிடங்கில் ஏற்பட்ட தீ விபத்தில் 70 பேர் பலி.
சரியான பதிலடி - பிப்., 26: புல்வாமா தாக்குதலுக்கு பதிலடியாக பாகிஸ்தானின் பாலகோட்டில் இந்திய விமானப்படையின் 'மிராஜ் -2000' போர் விமானங்கள் பயங்கரவாத முகாம்களை குண்டு வீசி தாக்கியது. பயங்கரவாதிகள் சிலர் பலியாகினர்.
பெண் உரிமை - பிப்., 24: அமெரிக்காவுக்கான சவுதி துாதரானார் இளவரசி ரிமா பண்டார். சவுதியின் முதல் பெண் துாதர். அரசு நிர்வாகத்தில் பெண்களுக்கு அதிக அதிகாரம் தர வேண்டும் என்றவர். விளையாட்டு ஆணைய அதிகாரியாக இருந்த போது, விளையாட்டில் பெண்களை அதிகம் பங்கேற்க வைத்தார்.
மீண்டும் சந்திப்பு - பிப்.,28: வியட்நாம் தலைநகர் ஹெனாயில் அமெரிக்க அதிபர் டிரம்ப் - வடகொரிய அதிபர் கிம் ஜாங் உன் இரண்டாவது முறையாக சந்திப்பு. கொரிய தீபகற்பத்தில் அணு ஆயுத ஒழிப்பு பற்றி விவாதித்தனர்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X