ஆகஸ்ட் | வருடமலர் | Varudamalar | tamil weekly supplements
ஆகஸ்ட்
Advertisement
 
 
 
Advertisement
Advertisement
dinamalar advertisement tariff
 
Advertisement
 

பதிவு செய்த நாள்

01 ஜன
2020
00:00

தமிழகம்
ஆக.,7: தகவல் தொழில்நுட்ப துறை அமைச்சர் மணிகண்டன் நீக்கம்.
ஆக.,8: வேலுார் லோக்சபா தொகுதியில் தி.மு.க., வேட்பாளர் கதிர் ஆனந்த் வெற்றி.
ஆக.,11: துணை ஜனாதிபதி வெங்கையா நாயுடுவின் 'கவனித்தல், கற்றல், தலைமையேற்றல்' புத்தகம் சென்னையில் வெளியீடு.
'வீரத் தம்பதி' - ஆக., 15: நெல்லை அம்பாசமுத்திரம் அருகே வீட்டுக்குள் புகுந்த கொள்ளையர்களை, வயதான சண்முகவேல் - செந்தாமரை தம்பதியினர் மன தைரியத்துடன் விரட்டியடித்தனர். இதனை பாராட்டி சுதந்திர தின விழாவில் தமிழக அரசின் வீரதீர விருது வழங்கப்பட்டது.
உயர்ந்த பால் ஆக., 18: தமிழக அரசின் 'ஆவின்' பால் விற்பனை விலை லிட்டருக்கு ரூ. 6 உயர்வு.
ஆக.,19: ஐந்து லட்சம் முதியோருக்கு புதிதாக உதவித்தொகை வழங்கப்படும் என முதல்வர் பழனிசாமி அறிவிப்பு.
ஆக.,21: 'இஸ்ரோ' தலைவர் சிவனுக்கு, தமிழக அரசின் அப்துல் கலாம் விருது வழங்கப்பட்டது.
ஆக.,26: பள்ளிக்கல்வித்துறையின் கல்வி சேனல் துவக்கம்.
ஆக.,28: முதல்வர் பழனிசாமி, முதல் அரசு வெளிநாட்டு பயணமாக பிரிட்டன், அமெரிக்கா, யு.ஏ.இ., பயணம். செப்., 10ல் திரும்பினார்.

இந்தியா
ஆக.,1: இந்திய மருத்துவ கவுன்சிலுக்கு பதிலாக, தேசிய மருத்துவ ஆணையம் அமைக்கும் மசோதா ராஜ்யசபாவில் நிறைவேற்றம்.
ஆக.,2: ஒரே நாடு; ஒரே ரேஷன் கார்டு திட்டம் தெலுங்கானா, ஆந்திரா, மஹாராஷ்டிரா, குஜராத்தில் துவக்கம்.
ஆக.,8: இந்தியாவின் முதல் முப்பரிமாண ஸ்மார்ட் டிராபிக் சிக்னல் மொஹாலியில் துவக்கம்.
ஆக.,10: காங்., தலைவராக சோனியா பொறுப்பேற்பு.
ஆக.,12: டில்லி - லாகூர் பஸ் சேவையை இந்தியா ரத்து.
வந்தார் 'வனமகன்' - ஆக., 12: உத்தரகண்டின் ஜிம் கார்பெட் தேசிய பூங்காவில் நடந்த 'மேன் வெர்சஸ் வைல்டு' நிகழ்ச்சியில் பிரதமர் மோடி, பிரிட்டன் சாகச வீரர் பியர் கிரில்ஸ்சுடன் பங்கேற்பு. டிஸ்கவரி சேனல் 180 நாடுகளில் ஒளிபரப்பியது.
ஆக.,16: துணை ஜனாதிபதி வெங்கையா நாயுடு, லிதுவேனியா, லாட்வியா எஸ்டோனியாவுக்கு பயணம்.
ஆக.,17: பிரதமர் மோடி பூடான் பயணம்.
ஆக.,19: ராஜஸ்தானில் இருந்து ராஜ்யசபா எம்.பி.,யாக மன்மோகன் சிங் தேர்வு.
திகாரில் சிதம்பரம் - ஆக., 21: ஐ.என்.எக்ஸ்., மீடியா முறைகேடு வழக்கில் முன்னாள் மத்திய அமைச்சர் சிதம்பரம் சி.பி.ஐ.,யால் கைது. செப்., 6ல் திகார் சிறையில் அடைப்பு. அக்., 16ல் அமலாக்கத்துறை வழக்கில் கைது. டிச., 4ல் ஜாமீனில் விடுவிப்பு.
ஆக.,22: மத்திய உள்துறை செயலராக அஜய்குமார் பல்லா நியமனம்.
*பிரதமர் மோடி பிரான்ஸ், ஐக்கிய அரபு எமிரேட்ஸ், பஹ்ரைன் நாடுகளுக்கு பயணம்.
*தெலுங்கானா தலைநகர் ஐதராபாத்தில் உலகின் பெரிய அலுவலகத்தை அமேசான் திறந்தது.
ஆக.,24: ஜம்மு-காஷ்மீர் சூழல் குறித்து ஆராய ராகுல் தலைமையில் சென்ற எதிர்க்கட்சி தலைவர்கள் குழுவுக்கு அனுமதி மறுப்பு.
ஆக.,25: முப்பது ஆண்டுகளாக மூன்று அரசு பணிகளில் வேலைபார்த்த பீஹாரின் சுரேஷ் ராம் கைது.
ஆக.,26: கர்நாடகாவில் துணை முதல்வர்களாக அஷ்வத் நாராயணன், கர்ஜோல் கோவிந்த், லட்சுமணன் சவடி நியமனம்.
அக்.,28: மத்திய அரசு 2020 -21ல் 75 புதிய மருத்துவக்கல்லுாரிகள் தொடங்க அனுமதி வழங்கியது.
அக்.,29: உடற்பயிற்சியின் அவசியத்தை உணர்த்த 'பிட் இந்தியா' இயக்கத்தை பிரதமர் மோடி துவக்கினார்.
ஆக.,31: அசாம் குடிமக்கள் பதிவேடு இறுதிப்பட்டியலில் 3.29 கோடி பேருக்கு இடம். 19 லட்சம் பேர் நீக்கம்.

உலகம்
ஆக.,2: வங்கதேசத்தில் தலை ஒட்டி பிறந்த இரட்டை சகோதரிகள், ஆப்பரேஷன் மூலம் பிரிப்பு.
'சிறை பறவை' - ஆக., 7: பாக்., முன்னாள் பிரதமர் நவாஸ் ஷெரீப் மகளும், முஸ்லிம் லீக் கட்சி துணை தலைவருமான மரியம் ஷெரீப்புக்கு பணப்பரிமாற்ற மோசடி, வருமானத்துக்கு அதிகமாக சொத்து சேர்த்த வழக்கில் ஏழு ஆண்டு சிறை தண்டனை. நவ. 4ல் ஜாமீனில் வந்தார்.
ஆக.,10: ஆப்ரிக்க நாடான தான்சானியாவில் பெட்ரோல் லாரி வெடித்து 62 பேர் பலி.
ஆக.,12: ஓய்வு பெற்ற இந்திய நீதிபதி மதன் பி.லோகூர், பிஜி நாட்டின் உச்சநீதிமன்ற நீதிபதியாக பொறுப்பேற்பு.
*கவுதமாலா அதிபராக கியாமடேய் பொறுப்பேற்பு.
ஆக.,15: பிரேசிலில் உள்ள அமே சான் காடுகளில் பயங்கர தீ விபத்து. 22 லட்சம் ஏக்கர் வனப்பரப்பு அழிந்தது.
ஆக.,19: லிதுவேனியாவில் பிரதமர் சார்லஸ் ஸ்கெவர்னலிஸ் - துணை ஜனாதிபதி வெங்கையா நாயுடு சந்திப்பு.
ஆக.,24: பஹ்ரைன் சென்ற பிரதமர் மோடி, அங்குள்ள கோயிலில் முதல் முறையாக 'ரூபே' கார்டினை பயன்படுத்தி பிரசாதம் பெற்றார்.
ஆக.,26: 'ஜி 7' உச்சி மாநாட்டில் பிரதமர் மோடி - அமெரிக்க அதிபர் டிரம்ப் சந்திப்பு.
'அய்யோ பத்திகிச்சு' - ஆக., 27: 'பூமியின் நுரையீரல்' என அழைக்கப்படும் பிரேசிலின் அமேசான் காட்டில் தீ பிடித்தது. 22 ஏக்கர் சேதம். உலகிற்கு 6 சதவீதம் 'ஆக்சிஜனை' இக்காடு வழங்குகிறது.

Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X