அக்டோபர் | வருடமலர் | Varudamalar | tamil weekly supplements
அக்டோபர்
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 

பதிவு செய்த நாள்

01 ஜன
2020
00:00

தமிழகம்
அக்.,2: திருச்சி லலிதா ஜூவல்லரி யில் ரூ. 13 கோடி நகை கொள்ளை அடித்தவர்கள் கைது. 24 கிலோ நகை மீட்பு.
அக்.,3: ஊரகப்பகுதிகளில் சுகாதார தரம், உட்கட்டமைப்பில் சிறந்து விளங்குவதற்காக தமிழகத்துக்கு மத்திய அரசு விருது.
அக்.,4: ராதாபுரம் அ.தி.மு.க., எம்.எல்.ஏ., இன்பதுரை வெற்றியை எதிர்த்த தி.மு.க.,வின் அப்பாவு வழக்கில் உயர்நீதிமன்ற உத்தரவுப்படி மறுவாக்கு எண்ணிக்கை. முடிவை வெளியிட உச்சநீதிமன்றம் தடை.
அக்.,15: கோவையில் இருந்து பழநி, பொள்ளாச்சிக்கு புதிய ரயில் சேவை துவக்கம்.
அக்.,17: சென்னையில் இருந்து யாழ்ப்பாணத்துக்கு 36 ஆண்டு களுக்குப்பின் விமான சேவை.
'பிளாஸ்டிக்' கொடூரம் - அக்., 18: சென்னையில் புல் தின்ன முடியாமல் தவித்த பசுவுக்கு வேப்பேரி கால்நடை மருத்துவ அறிவியல் பல்கலை டாக்டர்கள், அறுவை சிகிச்சை செய்தனர். அதன் வயிற்றில் இருந்த, 52 கிலோ பிளாஸ்டிக் கழிவுகள் அகற்றம். இச்சம்பவம் பிளாஸ்டிக் கொடூரத்தை காட்டியது.
அக்.,20: முதல்வர் பழனிசாமிக்கு கவுரவ டாக்டர் பட்டம்.
அக்.,21: தமிழகத்தில் ராமநாதபுரம், விருதுநகர், திண்டுக்கல், நீலகிரி, திருப்பூர், நாமக்கல் ஆகிய ஆறு இடங்களில் மருத்துவக்கல்லுாரி அமைக்க மத்திய அரசு அனுமதி.
அக்.,24: நாங்குநேரி, விக்கிரவாண்டி சட்டசபை இடைத்தேர்தலில் அ.தி.மு.க., வெற்றி.
சுஜீத் சோகம் - அக்., 25: மணப்பாறை அருகே 2 வயது சிறுவன் சுஜீத் வில்சன், 600 அடி ஆழ போர்வெல் கிணற்றில் விழுந்தான். மீட்பு பணியில் பல தொழில்நுட்பங்கள் பயன்படுத்தப்பட்டன. 4 நாட்கள் போராட்டத்துக்கு பின் சடலமாக மீட்பு.
அக்.,31: காற்றாலை மோசடி வழக்கில் கேரள நடிகை சரிதாவுக்கு, கோவை நீதிமன்றம் மூன்றாண்டு சிறை.

இந்தியா
அக்.,3: வங்கதேச பிரதமர் ஷேக் ஹசீனா இந்தியா வருகை.
தனியார் ரயில் அக்., 4: நாட்டின் முதல் தனியார் ரயில் தேஜஸ் எக்ஸ்பிரஸ், டில்லி - லக்னோ இடையே தொடக்கம்.
அக்.,7: தெலுங்கானாவில் 'ஸ்டிரைக் கில்' ஈடுபட்ட 48 ஆயிரம் அரசு பஸ் டிரைவர், கண்டக்டர்கள் பணி நீக்கம்.
அக்.,11: போர்ப்ஸ் பத்திரிகையின் இந்திய பணக்காரர்கள் பட்டியலில் முகேஷ் அம்பானி முதலிடம்.
*கேரள உயர்நீதிமன்ற தலைமை நீதிபதியாக, சென்னை உயர்நீதிமன்ற நீதிபதி மணிக்குமார் நியமனம்.
தளராத தன்னம்பிக்கை - அக்., 14: இந்தியாவின் முதல் பார்வையற்ற பெண் ஐ.ஏ.எஸ்., அதிகாரி பிரஞ்சால் பட்டில், திருவனந்தபுரம் துணை கலெக்டராக பொறுப்பேற்பு. ஆறு வயதில் பார்வை இழந்தார். எம்.ஏ., எம்.பில்., பிஎச்டி., முடித்த இவர், 2016ல் ஐ.ஏ.எஸ்., ஆனார்.
அக்.,20: எல்லையில் இந்திய ராணுவத்தின் தாக்குதலில் 10 பாக்., வீரர்கள், 20 பயங்கரவாதிகள் பலி.
அக்.,21: கர்நாடகாவில் கல்கி ஆசிரமத்தில் கணக்கில் வராத ரூ. 800 கோடி சொத்துக்களை வருமான வரித்துறை கண்டுபிடித்தது.
அக்.,23: ஆதார் வழங்கும் 'உதய்' அமைப்பின் சி.இ.ஓ., வாக பங்கஜ் குமார் பொறுப்பேற்பு.
அக்.,24: ஹரியானாவில் பா.ஜ.,- ஜனநாயக ஜனதா கட்சி கூட்டணி ஆட்சி அமைத்தது. முதல்வராக மனோகர் கட்டார், துணை முதல்வராக துஷ்யந்த் சவுதாலா பதவியேற்பு.
அக்.,30: ஐரோப்பிய பார்லிமென்ட் எம்.பி.,க்கள் குழு, காஷ்மீர் வருகை.

உலகம்
அக்.,1: அமெரிக்காவின் புளோரிடா வில் ஆசிரியர்கள் பள்ளிக்கு துப்பாக்கி கொண்டு வர அனுமதி.
அக்.,5: ஈராக்கில் ஊழல், வேலை வாய்ப்பின்மைக்கு எதிராக நடந்த போராட்டத்தில் 93 பேர் பலி.
ரட்சகன் 'ரபேல்' - அக்., 8: பிரான்சில் பாதுகாப்பு துறை அமைச்சர் ராஜ்நாத்திடம், முதல் 'ரபேல்' போர் விமானம் ஒப்படைப்பு. விமானத்தின் மீது குங்குமம் வைத்து பூஜை செய்தார். மே 2020ல் விமானப்படையில் சேர்க்கப்படும்.
அக்.,13: ஜப்பானில் 'ஹகிபிஸ்' சூறாவளியில் 56 பேர் பலி.
அக்.,14: வாடிகன் விழாவில் கேரளாவின் மரியம் தெரசாவுக்கு போப் பிரான்சிஸ் புனிதர் பட்டம் வழங்கினார்.
அக்.,15: சிரியாவில் குர்து இன மக்கள் மீது தாக்குதல் நடத்திய துருக்கிக்கு அமெரிக்கா பொருளாதார தடை.
அக்.,20: இந்தோனேஷிய அதிபர் தேர்தலில் ஆட்சியை தக்க வைத்தார் ஜோகோ விடூடு.
*பிலிப்பைன்சில் காந்தி சிலையை, ஜனாதிபதி ராம்நாத் கோவிந்த் திறந்து வைத்தார்.
அக்.,22: கனடா பிரதமராக ஜஸ்டின் ட்ரூடோ பதவியேற்பு.
உச்சியில் பாலம் - அக்., 22: லடாக்கில் ஷியோக் நதியின் குறுக்கே 'சேவாங் ரிஞ்சேன்' பாலத்தை பாதுகாப்பு அமைச்சர் ராஜ்நாத் துவக்கினார். நீளம் 1,400 அடி. கடல் மட்டத்தில் இருந்து 14,650 அடி உயரத்தில் கட்டப்பட்டுள்ளது.
அக்.,23: பிரிட்டனில் லாரியில் 39 உடல்களை ஏற்றி வந்த டிரைவர் கைது.
*துனிசியா அதிபராக கைஸ் சயித் பொறுப்பேற்பு.
அக்.,27: ஈராக்கின் இட்லிப் நகரில் அமெரிக்க ராணுவ தாக்குதலில், ஐ.எஸ்., தலைவர் அபு பக்கர் அல் பாக்தாதி கொல்லப்பட்டார்.
அக்.,28: சவுதி அரேபியாவின் ரியாத்தில் அந்நாட்டு மன்னர் சல்மான் பின் அப்துல் அசிஸ் - பிரதமர் மோடி சந்திப்பு.
அக்.,31: பாகிஸ்தானின் லியாகத் பூரில் ரயில் தீ பிடித்ததில் 73 பேர் பலி.

Advertisement

 



We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X