நகப்படுக்கையின்றி நகம் நல்லகம் அமையாது!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

13 ஜன
2020
00:00

இருபது விரல்களிலும் இயற்கை நமக்களித்த இணையற்ற வரம், நகம். நகம் விரலுக்கு மகுடம்; நம் உடல் காக்கும் முதல் கவசம்.
கரு உருவான ஒன்பதாவது வாரத்திலேயே, நக அச்சுவார்ப்புரு, விரல் நுனிகளில் தோன்றி, 16வது வாரத்தில் முழு நகமும் உருவாகி விடுகிறது.
நக அச்சுவார்ப்புருவின் நீட்சியும், தொடர்ச்சியும் தான், நகப் படுக்கை என்ற நகமென்னும் அகத்தின் படுக்கை. நகப்படுக்கை, நக வீட்டின் மிக முக்கிய அங்கம். ரத்த நாளங்களும், உணர்வு நரம்புகளும், மேலும் கீழும் இழையோடும் அரங்கம்.
புறச்சூழலின் தட்பவெட்ப மாற்றங்களை, உடனுக்குடன் துல்லியமாக மூளைக்குச் சொல்லும் சிறப்பு நுண்ணுணர்வு மையங்கள் அமையப் பெற்ற இந்த நகப்படுக்கையின்றி, நகம் நல்லகம் அமையாது.

உறுதியானது
நகப்படுக்கையும், விரல் நுனியும் கூடும் இடம் நகத்தடி அல்லது நகக்கண். இது, நகமென்னும் அகத்தின் முன் வாசலில் அமைந்துள்ளது. தொடு உணர்வையும், வலி உணர்வையும் மூளைக்கு அதிவேகத்தில் கொண்டு செல்லும், உணர்வு நரம்பு விசைகள், இந்த நகக்கண்ணில் தான் உள்ளன.
எனவே தான் குற்றவாளிகளைத் தண்டிக்கவும், உண்மையை வரவழைக்கவும் நகக் கண்ணில் ஊசி ஏற்றித் துன்புறுத்தும் வழக்கம், தொன்று தொட்டு நிகழ்ந்து வருகிறது.
நக அச்சுவார்ப்புரு மற்றும் அதன் நீட்சியான நகப்படுக்கையின் முக்கியமான உருவாக்கம் தான், நகத் தட்டு எனப்படும் மேற்கூரை. இது தான் நகம் என்று, எல்லாராலும் அறியப்படும் நகத்தட்டு, நகத்தின் ஒரு பகுதி தான். நகத்தட்டு, ஒரு போர்வீரனின் கேடயம் போன்று மிக உறுதியானது.

'க்யூட்டிக்கிள்'
நம் உடலையும், உயிரையும், நுண்ணுயிர்கள் மட்டுமல்லாது, விலங்கு மற்றும் மனித எதிரிகளிடமிருந்தும் காக்கும் நகத்தட்டின் மூர்த்தி சிறிதெனினும் கீர்த்தி பெரிது. நகத்தட்டு, மேல் தட்டு நவநாகரிகப் பெண்மணிகள், வண்ணங்கள் பூசி மினுக்கும் வெறும் அழகும் பகட்டும் பறை சாற்றும் உறுப்பல்ல.
அண்ணல் காந்தியடிகள் கூறியது போல், பெண்ணினத்தைக் களங்கப்படுத்தும் கயவர்களின் கண்களைக் குருடாக்கி, கழுத்தை அறுக்கும் கைவாள்.
நகமென்னும் அகத்தின் முன்வாசல் தவிர்த்து மூன்று புறமும், நகமடிப்பு என்ற சுற்றுச் சுவர்கள் அமைந்துள்ளன. இவை, நகத்தைச் சுற்றியுள்ள தோலின் தொடர்ச்சி.
நகமென்னும் அகத்தின் பின் வாசலில், நகத்தட்டையும், தோலையும் இணைக்கும் மிக முக்கியமான இணைப்புத் திசு, 'க்யூட்டிக்கிள்' எனப்படும் மெல்லிய வெண்ணிறத்தடை இது.
நகத்தட்டு என்ற மேற்கூரையை, தோலுடன் வலுவாகப் பிணைப்பதுடன், நகத்தில் சேரும் ஈரம், அழுக்குகள் மற்றும் நுண்ணுயிர்கள் எவையும், தோலுக்குள் புகாதவாறு பாதுகாக்கிறது.
பெரும்பாலான அழகு நிலையங்களில், நகத்தை சுத்தம் செய்வதாகக் கூறி, அறியாமை மிகுதியால், இந்த அதி முக்கிய உறுப்பான க்யூட்டிகிளை அழுக்காகக் கருதி நீக்கிவிடுவதால், ஈரமும், அழுக்கும், நுண்ணுயிரி, பூஞ்சைக்காளான், இவையனைத்தும் தோலுக்குள் சென்று, நகச்சுற்று என்ற நோய்த் தொற்று ஏற்பட்டு, நகத்தட்டு என்ற மேற்கூரை பழுதாகி, நகமென்னும் அகத்தின் கட்டமைப்பே நிலைக் குலைந்து விடுகிறது.
வாளால் அறுத்துச் சுடினும் மருத்துவன் பால் மாளாத காதல் நோயாளன் போல், வளர வளர வெட்டினாலும், நகம் நம்மைக் காக்கும் கடமையிலிருந்து தவறுவதில்லை; நகம் வளர்ப்போம்.

டாக்டர் எஸ்.முருகுசுந்தரம்
மருத்துவ இயக்குனர்,
தோல் மருத்துவ மையம், சென்னை.
போன்: 93811 22225; 93813 22234

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Darmavan - Chennai,இந்தியா
13-ஜன-202017:07:19 IST Report Abuse
Darmavan நகம் கெட்டால் மருந்து என்ன என்று சொல்ல வேண்டும்.நக சுத்து,சொத்தை போன்றவைக்கு இயற்கை மருந்து என்ன என்று சொல்ல வேண்டும்.
Rate this:
Cancel

உங்கள் கருத்தைப் பதிவு செய்ய :
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X