பாவ புண்ணியம்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

19 ஜன
2020
00:00

நாம் செய்யும், செயலை வைத்து தீர்மானிக்கப்படுவது அல்ல, பாவ-புண்ணியம்; செயலின் விளைவை வைத்து தான் தீர்மானிக்கப்படுகிறது. இதை விளக்கும் கதை இது:
வேடன் ஒருவன், மனைவி மக்களுடன் வாழ்ந்து வந்தான். விலங்குகளை கொல்வதும், கண்ணி -வலைகளை வைத்து பறவைகளை பிடிப்பதும் தான், அவனின் தொழில்.
ஒருநாள், காட்டில் வெகு துாரம் அலைந்து, திரிந்தும், வேடனுக்கு, அன்று ஏதும் கிடைக்கவில்லை. சோர்ந்து, களைத்து, மிகுந்த பசியுடன் ஒரு குளக்கரைக்கு வந்தான்.
'தெய்வமே... என் குடும்பம் முழுவதும், நாளை பட்டினி கிடக்கும்படியான நிலை உண்டாகி விட்டதே... என்ன செய்வேன்?' என்று கண்கலங்கி, தண்ணீர் குடிக்க போனான்.
அப்போது, எதிர் கரையில் பயங்கரமான உறுமல் கேட்டது. கையில் அள்ளிய தண்ணீரை, அப்படியே குளத்தில் சிதற விட்டு நிமிர்ந்து பார்த்தான், வேடன்.
எதிர் கரையில், விசித்திரமான தோற்றம் கொண்ட ஒரு விலங்கு இருந்தது. அதற்கு பார்வை கிடையாது. அப்படிப்பட்ட பயங்கரமான விலங்கை, அதுவரை பார்த்ததில்லை, வேடன். இருந்தாலும், குருட்டு விலங்கை கொல்வதா என, தயங்கினான்.
அப்போது, மனைவி, மக்கள் பசியால் வாடும் முகங்களின் தோற்றம், வேடனின் மனதில் காட்சியளித்தது. துணிந்து, அந்த விலங்கின் மீது, அம்பை எய்தான்.
பயங்கர ஓலமிட்ட விலங்கு, துடிதுடித்து விழுந்து இறந்தது. அதே விநாடி, ஆகாயத்திலிருந்து தேவர்கள், மலர் மாரி பொழிந்தனர்.
திகைத்தான், வேடன். வானுலக விமானம் ஒன்று, அவன் எதிரில் வந்து நின்றது. அதிலிருந்து வெளிப்பட்ட தேவர்கள், சகல மரியாதைகளுடன் வேடனை சொர்க்கத்திற்கு அழைத்துச் சென்றனர்.
சொர்க்கத்துக்கு சென்ற விபரம், வேடனுக்கு சொல்லப்பட்டது. அதாவது, முனிவர் ஒருவர், பிரம்மாவை நினைத்து, கடுந்தவம் செய்தார்; தவத்திற்கு இரங்கிய பிரம்ம தேவர், முனிவர் முன் காட்சி தந்து, 'வேண்டியது என்ன?'- என்று கேட்டார்.
'நான்முகனே... உலகிலுள்ள உயிர்கள் அனைத்தையும் கொல்லக் கூடிய சக்தியை எனக்கு அளியுங்கள்...' என, வேண்டினார், முனிவர்.
'அசுரர்கள் கூட, இப்படிப்பட்ட வரத்தை கேட்க மாட்டார்களே...' என்று நினைத்தார், பிரம்மா. நினைப்பு, சாபமாக வெளிப்பட்டது.
'முனிவனே... நீ ஒரு குருட்டு விலங்காக பிறப்பாய்... உன்னை கொல்பவனுக்கு, சொர்க்க யோகம் கிடைக்கும்...' என்றார், பிரம்மா.
அந்த முனிவரின் தீய எண்ணமே, அவரை விலங்காக பிறக்க வைத்து, வேடன் மூலமாக அவர் கதையை முடிக்கவும் வைத்தது.
தீய எண்ணம், கீழான நிலையை அளிக்கும் என்பதை விளக்குவதோடு, பாவம் என்பது, செயலைக் கொண்டு தீர்மானிக்கப்படுவதல்ல; செயலின் விளைவைக் கொண்டே தீர்மானிக்கப் படுகிறது என்பதும் புரிந்ததா!

பி. என். பரசுராமன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
vasumathi - Sindhathari Pettai ,இந்தியா
20-ஜன-202006:26:51 IST Report Abuse
vasumathi பரசுராமனின் கட்டுரைகள் நன்றாக இருக்கின்றன. அவர் எங்கிருந்து இவற்றை படித்தார் என்றும் எழுதினால் இன்னும் நன்றாக இருக்கும். இந்த கட்டுரையில் கொல்வது பாவம். ஆனா கொல்லப்பட்டவர் பாவி என்பதால் நியாயப்படுத்த படுகிறது. தெரியாமல் ஒரு கண் இல்லாத பிராணியை கொல்ல நினைப்பது இன்றைய காலகட்டத்தில் சரி இல்லை.
Rate this:
Share this comment
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X