நூற்றாண்டு நாயகன் - ஜெமினி கணேசன் (4)
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

22 மார்
2020
00:00

பேச்சில், சிரிப்பில், செயலில், வாழ்வில் மென்மையான போக்கை கடைப்பிடிப்பவர்களை அனைவருக்கும் பிடிக்கும். அப்படி அனைவராலும் கொண்டாடப்பட்ட கலைஞர் தான், ஜெமினி கணேசன்.
ஜெமினி கணேசன் அழகன் என்றால், புஷ்பவல்லி பூலோக ரம்பை என்று சொல்லக்கூடிய அளவுக்கு பேரழகி. அவர் பின்னால், பல, 'ஹீரோ'க்கள் மற்றும் தொழிலதிபர்கள் சுற்றிக் கொண்டிருக்க, புஷ்பவல்லியோ வளர்ந்து வரும் இளம் நடிகர் கணேசன் மீது, காதல் கொண்டார்.
மிஸ் மாலினி படம் வெற்றி பெற்றது. தன் கதாபாத்திரம் பேசப்படுவது பற்றி, அடுத்த படங்கள் வருவது குறித்தெல்லாம், பெரிதாக நினைக்கவில்லை. அவர் கவனத்தில் இருந்தது, அழகிய இளைஞன் கணேசன் மட்டும் தான். அடுத்தடுத்த படப்பிடிப்புகளில், கணேசனை சந்திக்கும் வாய்ப்புகளை தேடினார்.
பெண்களை பார்க்கவும், பேசவும் கூச்சப்படும் கணேசன், புஷ்பவல்லியின் ஜாடை மாடைகளை, கண்களின் பேச்சுகளை நேருக்கு நேர் எதிர்கொள்வதை தவிர்த்தார்.
ஒருபக்கம் பாய்ந்து வரும் காதல் கணைகள், இன்னொரு பக்கம், சிறிய வேடங்களிலிருந்து கதாநாயகனாக புரமோஷன் எப்போது... தொழிலில் முன்னேற வேண்டுமே போன்ற கவலைகள், கணேசன் முன் இருந்தது.
ஜெமினியின் அடுத்த படம், சக்ரதாரி. இதில், புஷ்பவல்லி முக்கிய வேடமேற்க, கணேசனுக்கு, கிருஷ்ணர் வேடம்.
'இந்த தோற்றத்தில் நீங்கள் ரொம்ப அழகா, பொருத்தமா, மனம் கவரும் கிருஷ்ணனாக இருக்கிறீர்கள்...' என, புஷ்பவல்லி இரு பொருள்பட கூறிய பாராட்டுக்கு, 'நன்றி' என்ற ஒற்றை வார்த்தை சொல்லி, நகர்ந்து விட்டார், கணேசன்.
அடுத்து, மூன்று பிள்ளைகள் படத்தில், மூன்று, 'ஹீரோ'க்களில், கணேசனும் ஒருவர். அதில், அவருக்கு ஜோடியாக நடித்தவர், சூரியபிரபா. இவர், புஷ்பவல்லியின் அக்கா. அக்காவை பார்க்க வருவது போல் வந்து, கணேசனை பார்ப்பார், கை பிடித்து குலுக்குவார், புஷ்பவல்லி. ஆனாலும், கணேசன் பிடி கொடுக்காமல், ஒரு புன்னகையுடன் கடந்து விடுவார்.
ஜெமினி தயாரிப்பான, சம்சாரம் படத்தில், இரண்டாம் நாயகன் வேடம் எதிர்பார்த்த கணேசனுக்கு, சிறிய வேடமே கிடைத்தது. இதனால், வருத்தமுற்றவர், ஜெமினி நிறுவனத்தை விட்டு வெளியேறினார்.
கேமராமேன் ராம்நாத் கொடுத்த சிபாரிசு கடிதத்துடன், நாராயணன் கம்பெனியில், நிரந்தர நடிகராக சேர்ந்து விட்டார். விநியோகஸ்தராக இருந்த நாராயணன், அப்போது பட தயாரிப்பில் இறங்கி இருந்தார்.
அவர்கள் தயாரித்த, தாய் உள்ளம் என்ற முதல் படத்தை, ஜெமினி நிறுவன ஆஸ்தான கேமராமேன், கே.ராம்நாத் இயக்குகிறார் என்று முடிவானதும், ஏக சந்தோஷம், கணேசனுக்கு. தாய் உள்ளம் படத்தில், தனக்கு, 'ஹீரோ' வாய்ப்பு கிடைக்கும் என்று நினைத்திருந்தார். கடைசியில், அதுவும் கைமாறி, ஆர்.எஸ்.மனோகர், கதாநாயகன் ஆனார்.
'அடுத்த படத்தில், நீ தான் ஹீரோ...' என்று, பட அதிபர், நாராயணன் கொடுத்த வாக்குறுதியை ஏற்று, தாய் உள்ளம் படத்தில், வில்லன் வேடமேற்றார்.
இப்படி, பல படங்களில் ஒப்பந்தமாகி, முன்னோக்கி நகர்ந்து கொண்டிருக்க, அவரை சந்திக்க, சந்தர்ப்பங்களை தேடிக் கொண்டிருந்தார், புஷ்பவல்லி.
ஒருநாள், கடற்கரையில் ஜெமினி கணேசன் உட்கார்ந்திருந்தபோது, அவர் அருகில், அழகி ஒருவர் வந்தமர்ந்தார். ஜெமினி திரும்பிப் பார்க்க, காதல் சிறகை காற்றில் விரித்த புஷ்பவல்லி, 'ஹாய், கணேஷ்...' என்றார்.
அப்போது, 'ஹீரோயின்' ஆக நடித்துக் கொண்டிருந்தார், புஷ்பவல்லி. ஜெமினியை விட அதிக சம்பளம் வாங்கிக் கொண்டிருந்தார்.
ஜெமினி கணேசன், தன்னிலை விளக்கமாக, 'எனக்கு கல்யாணம் ஆகி, ஒரு அழகான மனைவி இருக்கிறாள்...' என்றார்.
'எனக்கு தெரியும்...'
'எனக்கு, ஒரு குழந்தை இருக்கிறது...'
'அதுவும் தெரியும்...'
'நான், சினிமாவில் வளர்ந்து வரும் நடிகன்...'
'நல்லாவே தெரியும். உங்க அந்தஸ்தை, பணத்தை நான் எதிர்பார்க்கவில்லை. உங்கள் காதலை மட்டுமே கேட்கிறேன்...' என்ற, அந்த வார்த்தைகளில் ஆட்டம் கண்டது, ஜெமினி கணேசனின் உள்ளம்.
'வாழ்க்கையில் மனைவியை மட்டுமே காதலித்து வந்த நான், புஷ்பவல்லி காதலில் சிக்கிக் கொண்டேன். கடற்கரையில் உட்கார்ந்திருந்த என்னை தேடி வந்த, புஷ்பவல்லி, என் மீது கொண்ட காதலை, மிக உருக்கமாக சொன்னாள்.
'அதை என்னால் தடுக்க முடியவில்லை. கடற்கரை காற்றும், நான் சொன்ன பதில்களும், அவள் மனதுக்கு சுகமாக அமைந்தன. அன்று, எங்களுக்குள் ஏற்பட்ட காதல் உறவுக்கு அது அடித்தளமாக அமைந்தது...' என்று, ஒரு பேட்டியில் கூறியிருக்கிறார், ஜெமினி கணேசன்.
அதே நேரத்தில், கணேசனின் வாழ்வில் அடுத்த புயல் வீச தயாராக இருந்தது.

தொடரும்
சபீதா ஜோசப்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (3)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
LovelyMarees - Kutty Japan, Cracker City.,இந்தியா
24-மார்ச்-202012:43:48 IST Report Abuse
LovelyMarees பொண்டாட்டி, குழந்தை இருக்குன்னு சொல்லியும் அந்த பெண் காதலிப்பதிக சொல்வாராம் இவரும் சரினு சொல்வாராம் இதல்லாம் ஒரு வரலாறு வெட்கமாக இல்லை. இதே மாதிரி இவர் பொண்டாட்டியும் இன்னொருத்தரை காதலித்தால் இவர் சரினு சொல்வாரா? அழகா சாந்தமா இருந்தாலும் இப்படி ஒரு கேவலமான மனிதரா? திரைத்துறையினாலே இப்படிப்பட்ட முறையைத்தான் நிறையபேர் பின்பற்றுகின்றனர்.
Rate this:
Cancel
Endrum Indian - Kolkata,இந்தியா
22-மார்ச்-202017:59:27 IST Report Abuse
Endrum Indian எல்லோரும் இந்த வெங்காயம் செய்த மாதிரி செய்தால் மணப்பெண்கள் கிடைக்க பிரச்சினை ஆகி விடும் மணப்பெண்ணுக்காக காத்திருக்கும் மணமகன்களுக்கு
Rate this:
Cancel
nicolethomson - சிக்கநாயக்கனஹள்ளி ,துமகூரு,இந்தியா
22-மார்ச்-202007:52:04 IST Report Abuse
 nicolethomson என்ன அழகாய் எடுத்து செல்கிறீர்கள் சபீதா
Rate this:
Cancel

உங்கள் கருத்தைப் பதிவு செய்ய :
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X