அதிமேதாவி அங்குராசு!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

21 மார்
2020
00:00

நிகழ்பட ஆட்டம்!

'வீடியோ கேம்' என்ற விளையாட்டை, நிகழ்பட ஆட்டம் எனலாம். சிறுவர், சிறுமியருக்கு மிகவும் விருப்பமானது. கட்டுப்பாடின்றி விளையாடினால் அவதியைத் தரும்; மன ரீதியான பாதிப்பை ஏற்படுத்தி செயல்திறனை இழக்க செய்யும்!
இந்த ஆட்டத்தின் வரலாற்றை தெரிந்து கொள்வோமா...
முதன்முதலில் நிகழ்பட ஆட்டம், 1950ல் அறிமுகமானது; அதன் பெயர், 'ஸ்பேஸ்வார்' என்பதாகும். கணினி வளர்ச்சி அடையாத காலத்திலேயே, 'ஆஸிலோஸ்கோப்' என்ற வரை கருவி உதவியால் விளையாடப் பட்டது.
நிகழ்பட ஆட்டக் கருவி, நவ., 29, 1972ல் விற்பனைக்கு வந்தது. அமெரிக்க பொறியாளர் நோலன் புஷ்னெல் என்பவர், 'பாங்க்' என்ற கருவியைத் தயாரித்து விற்பனைக்கு விட்டார். இது, 'டேபிள் டென்னிஸ்' என்ற மேஜை பந்தாட்ட அடிப்படையில் உருவாக்கப்பட்டிருந்தது.
ரசனைக்கு தீனி போட்டதால் உலக அளவில் சந்தை மதிப்பை பெற்று பிரபலமானது இந்த ஆட்டம். பெரியவர்களும் லயித்து, அலைபேசி, கணினியில் விளையாடுகின்றனர். தினமும், புதிது புதிதாக விளையாட்டுகள் அறிமுகமாகின்றன; சந்தையில் குவிகின்றன.
விளையாடும் தன்மையைப் பொறுத்து, பங்குவகிப்பது, துப்பாக்கியால் சுடுவது, சாதுர்யத்தை வெளிப்படுத்துவது, கூட்டு பங்கேற்பு, தனி நபர் ஆட்டம் என, பல விதமாக ஆட்டங்கள் வருகின்றன.
அலைபேசி, கணினி, 'லேப்டாப்' என்ற மடிகணினி போன்றவை விளையாடும் கருவிகளாக உள்ளன. விளையாட்டுக்களை இணைய தளங்களில் இருந்து பதிவிறக்கம் செய்யலாம்; மின்னஞ்சலில் பகிர்ந்து ஆடலாம்; பிரத்யேக கருவியை வாங்கியும் ஆடலாம்.
அதிகமாக விற்பனையாவது, 'பிளே ஸ்டேஷன் - 2' என்ற நிகழ்பட ஆட்டக் கருவி தான். இது, சோனி நிறுவன தயாரிப்பு. தற்போது, இதன் புதிய பதிப்பு, 'பிளே ஸ்டேஷன் - 4' என்ற பெயரில் நவீன தொழில் நுட்பத்தில் சந்தையில் கிடைக்கிறது.
நிகழ்பட ஆட்டம் சுவாரசியம் தருவதாக இருந்தாலும், நேரத்தை வீணடிக்கும்; கல்வியில் நாட்டத்தை குறைத்து, கவனச்சிதறலை ஏற்படுத்தும்; தொடர்ந்து ஆடும் சிறுவர், சிறுமியரை கட்டுப்படுத்த முடியாமல் கடும் மன அழுத்தத்துக்கு உள்ளாகிவருகின்றனர் பெற்றோர்.
இந்த விளையாட்டுக்கு அடிமையானால், உடல், மனம் கெடும்; எதையும் திட்டமிட்டு செய்ய முடியாது. எதிர்காலம் கேள்விக்குறியாகும். இவற்றை மருத்துவ நிபுணர்கள் எச்சரிக்கையாக விடுத்துள்ளனர்.
குழந்தைகளே... அறிவு, ஆற்றலுடன் வளர, உடல் திறன் சார்ந்த விளையாட்டுக்களில் ஈடுபடுங்கள்; அதுதான் உங்களையும், உலகத்தையும் காக்கும்!
- என்றென்றும் அன்புடன், அங்குராசு.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g or click this   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X