இதப்படிங்க முதல்ல...
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

31 மே
2020
00:00

கமல் படத்திற்கு புதிய உத்தரவு!




'கமல் நடித்து வரும், இந்தியன் - 2 படத்தில், சுதந்திர போராட்ட காலத்து கதைகளும் நிறைய இடம்பெறுவதால், 'எடிட்' செய்தாலும், நான்கு மணி நேரத்திற்கு மேல் வரும்...' என்கிறார், இயக்குனர் ஷங்கர்.
இந்த சேதி லைகா நிறுவனத்தின் காதுக்கு சென்றதும், 'கடவுளே கதாநாயகனாக நடித்தாலும், இரண்டரை அல்லது மூன்று மணி நேரத்திற்கு மேல் இன்றைய ரசிகர்கள், தியேட்டருக்குள் உட்கார மாட்டார்கள்...' என்று கூறியுள்ளது. இந்த படத்தின் கதையில், சுதந்திர போராட்ட காலகட்டத்து காட்சிகளும் அதிகமாக இடம்பெற்றிருப்பதால், ஒரு படத்திற்கு உருவாக்கிய, 'ஸ்கிரிப்'டே இரண்டு படங்கள் அளவுக்கு பெரிய கதையாகி விட்டதாம். அதனால், இந்த படத்தை, இந்தியன் - 2 மற்றும் இந்தியன் - 3 என, இரண்டு பாகங்களாக வெளியிட திட்டமிட்டுள்ளனர்.
சினிமா பொன்னையா

பீதியை ஏற்படுத்தும், சாய்பல்லவி!




தனுஷுடன் நடனமாடிய சாய் பல்லவி, ரவுடி பேபி பாடலுக்கு பிறகு, தென் மாநில ரசிகர்களின், 'பேவரிட்' நாயகியாகி விட்டார். தான் நடிக்கும் படங்களில் தலா இரண்டு குத்துப்பாடல்கள் இருக்க வேண்டும் என்று நிபந்தனையும் போடுகிறார். அத்துடன், வித்தியாசமான நடன அசைவுகளை, 'கம்போஸ்' செய்யும் நடன மாஸ்டர்களையே, ஓ.கே., செய்கிறார்.
இப்படி அதிரடி ஆட்டக்காரியாக இருப்பதால், அவருடன் நடிக்கும், 'ஹீரோ'க்களோ, 'ஒருவேளை, அவருக்கு இணையாக நடனமாட முடியாமல் சொதப்பி விட்டால், நம்முடைய பெயர், 'டேமேஜ்' ஆகி விடுமே...' என்று, 'பீல்' செய்கின்றனர். ஆடித் தவித்த குரங்கு மத்தளத்தில் ஏறி இருப்பது போல!
எலீசா

கடுப்பேற்றும், காஜல் அகர்வால்!




காஜல் அகர்வாலை பொறுத்தவரை, 'வெயிட்'டான கேரக்டர் என்பதை விட, 'வெயிட்'டான சம்பளம் மற்றும் பெரிய ஹீரோக்களின் படங்களுக்குத்தான் முதலிடம் கொடுக்கிறார். அந்த வகையில், சிறிய, 'ஹீரோ'க்களின் படங்களில் நடிக்க, 'கால்ஷீட்' கொடுத்திருக்கும் அவர், அதே தேதியில் வேறொரு பெரிய, 'ஹீரோ'வின் படம் கிடைத்தால், அந்த படத்திலிருந்து தடாலடியாக வெளியேறி விடுகிறார்.
இதனால், அவர் மீது, சில வளர்ந்து வரும், 'ஹீரோ'க்களும், அப்படங்களின் இயக்குனர்களும் செம கடுப்பில் இருக்கின்றனர். ஆட்டுக்கறியும், நெல்லு சோறும் தம்மா கும்மா, அந்தக் கடன் கேட்கப் போனால் கிய்யா மிய்யா!
எலீசா

மீண்டும் வில்லனாகும், அரவிந்த்சாமி!




'ரீ - என்ட்ரி'யில், தனி ஒருவன் மற்றும் போகன் படங்களில், வில்லனாக நடித்து,'மாஸ்' காட்டினார், அரவிந்த்சாமி. அதன்பிறகு, வில்லனாக நடிக்க மறுத்து வந்தார். அதையடுத்து, அவர், 'ஹீரோ'வாக நடித்த படங்கள் வெற்றி பெறவில்லை; சில படங்கள் திரைக்கே வரவில்லை. இதனால், மீண்டும் வில்லனாக நடிக்க தயாராகி விட்டார்.
தற்போது, பாகுபலி நாயகன், பிரபாசுடன் ஒரு தெலுங்கு படத்தில், மெகா வில்லனாக, 'என்ட்ரி' கொடுப்பவர், தமிழிலும், மெகா, 'ஹீரோ'க்களின் படங்களில், வில்லனாக நடிக்க தயாராகிக் கொண்டிருக்கிறார்.
சினிமா பொன்னையா

கறுப்புப்பூனை!




இரண்டெழுத்து நடிகருடனான காதல் சமாசாரமே, தன் கலைச்சேவைக்கு, 'வேட்டு' வைத்து விட்டதால், அதிர்ச்சியில் இருக்கிறார், அங்காடி நடிகை. ஆனபோதும், இப்படியே விட்டால், தன்னை மொத்தமாக மறந்தே விடுவர் என்பதற்காக, தற்போது, தன் மூன்றாவது சுற்றை அறிமுக இயக்குனர்களின் அரவணைப்போடு அமர்க்களப்படுத்த தயாராகிக் கொண்டிருக்கிறார், அம்மணி.
அந்த வகையில், சமீபத்தில், ஐதராபாத்தில் இருந்து கோடம்பாக்கத்துக்கு, 'விசிட்' அடித்த நடிகை, சில புதுமுக இயக்குனர்களை, தான் தங்கியிருந்த, நட்சத்திர ஓட்டலுக்கு அழைத்து, அன்பான உபசரிப்பு கொடுத்து ஆச்சர்யப்படுத்தினார். அத்துடன், புதிய பட வாய்ப்புகளுக்கான அடித்தளத்தை அழுத்தமாக போட்டுச் சென்றிருக்கிறார்.
'நம்ம கபடி குழுவிலிருந்து விலகிய அஞ்சலி, இப்ப வேறொரு குழுவிற்கு செல்ல போகிறாராம். அதற்காக, அந்த புது குழு ஆட்களுக்கு, தன் வீட்டில் விருந்தளித்து, கொண்டாடி இருக்கிறார்...' என்று பேசிக் கொண்டனர், பழைய குழு தோழியர் இருவர்.

சினி துளிகள்!




* தமிழில் படங்கள் குறைந்து விட்டதால், தன் சொந்த ஊரான ஐதராபாத்திலேயே சொந்த வீடு கட்டி குடியேறியுள்ளார் அஞ்சலி.
* சின்னத்திரை தொடர்களில் நாயகியாக நடித்த, வாணி போஜன், சினிமாவில், கேரக்டர் நடிகையாக வேகமாக வளர்ந்து வருகிறார்.

அவ்ளோதான்!

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து
முதல் நபராக கருத்து தெரிவியுங்கள்!
உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X