மிளகாய் அபிஷேகம்
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

21 ஜூன்
2020
00:00

திருட்டைத் தடுக்கவும், களவு போன பொருட்கள் மீண்டும் கிடைக்கவும், பைரவருக்கு மிளகாய் பொடி அபிஷேகம் நடக்கும் அதிசயத்தை, திருவள்ளூர் மாவட்டம், தண்டலம் சிவா நந்தீஸ்வரர் கோவிலில் காணலாம்.
கைலாயத்தில், சிவ - பார்வதி திருமணம் நடந்தபோது, பூமியை சமப்படுத்த, அகத்தியரை, தென் திசைக்கு அனுப்பினார், சிவன். அகத்தியர், தண்டலம் வழியாக வரும்போது, சிவனும், அம்பாளும் திருமண காட்சி தந்தனர்.

இங்குள்ள சிவனை, 'சிவா நந்தீஸ்வரர்' என்றும், அம்பாள், ஆனந்தவல்லி எனப்படுகிறாள்.
இங்கு, மற்றொரு அதிசயம், தட்சிணாமூர்த்தி, சக்தியுடன் இணைந்து காட்சி தருவது.
பிருகு முனிவர், சிவனை மட்டும் வலம் வந்து வணங்கும் பழக்கம் உடையவர். அருகில் இருக்கும், பார்வதியை வலம் வர மாட்டார். தன்னை வணங்காமல், தன் கணவரை மட்டும் வணங்கியது பற்றி, சிவனிடம் புகார் செய்தாள், பார்வதி.
மறுநாள், பிருகு வரும்போது, இருவரும் ஒட்டி அமர்ந்தனர். புத்திசாலியான பிருகு, வண்டு வடிவம் எடுத்து, இருவருக்கும் உள்ள சிறு இடைவெளியில் புகுந்து, சிவனை மட்டும் சுற்றினார்.
உடனே சிவன், தன் இடப்பாகத்தில் சக்திக்கு இடம் கொடுத்து, அர்த்தநாரீஸ்வரராக காட்சி தந்தார். அப்போதும், பிருகு முனிவர், சுவாமியின் பகுதியை மட்டும் வணங்கினார். உடனே, சிவன், சக்தியை தன் மடியில் வைத்து, தட்சிணாமூர்த்தியாக காட்சி தந்து, 'சக்தியின்றி சிவமில்லை' என்று, உபதேசித்தார்.
இருவரையும் வழிபட்டார், பிருகு முனிவர். இந்தக் கோவிலில், சக்தி தட்சிணாமூர்த்திக்கு, தனி சன்னிதி உள்ளது.
சுவாமி, அம்பாள் சன்னிதிகளுக்கு நடுவில் பாலசுப்பிரமணியர் சன்னிதி உள்ளதால், இது சோமாஸ்கந்த வடிவ கோவிலாக உள்ளது, விசேஷம். தன் கைகளில் ஜெபமாலை, தீர்த்தக் கலசம் ஏந்தி, பிரம்மாவின் அம்சமாக காட்சி தருகிறார், பாலசுப்பிரமணியர். இவரை வணங்கினால், நம் தீவினை மாறி, நன்மை நடக்கும்.
இங்குள்ள நந்தி விசேஷமானது. இதனால், சுவாமியை, சிவா நந்தீஸ்வரர் என்றும், தீர்த்தத்தை, நந்தி தீர்த்தம் என்றும் அழைக்கின்றனர்.
ஊரில் திருட்டை தடுக்கவும், களவு போன பொருள் மீண்டும் கிடைக்க வேண்டி, பைரவருக்கு, மிளகாய்ப்பொடி அபிஷேகம் செய்கின்றனர், பக்தர்கள். இவ்வாறு செய்வதால், திருடியவர்களுக்கு துன்பம் ஏற்படும் என்றும், அவர்கள் சட்டத்திடம் சிக்கிக்கொள்வர் என்றும் நம்புகின்றனர். பொருட்கள் கிடைத்ததும், பைரவருக்கு, பாலாபிஷேகம் செய்கின்றனர்.
சென்னை - பெரியபாளையம் சாலையில், 36 கி.மீ., துாரத்தில் உள்ளது, கன்னிகைப்பேர் கிராமம். இங்கிருந்து, 4 கி.மீ., சென்றால் கோவிலை அடையலாம். திருவள்ளூரில் இருந்து, பெரியபாளையம் வழியாகவும் செல்லலாம்.

தி. செல்லப்பா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (2)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
தாமரை அழுகும் - சென்னை,இந்தியா
24-ஜூன்-202001:24:59 IST Report Abuse
தாமரை அழுகும் அட...?
Rate this:
Cancel
R PREMALATHAYOGESWARI - Coimbatore,இந்தியா
21-ஜூன்-202009:49:30 IST Report Abuse
R PREMALATHAYOGESWARI பைரவருக்கு மிளகாய்ப்பொடி அபிஷேகம் செய்தால் களவு போன பொருட்கள் திரும்பக்கிடைக்கும் எனவும் சிவன் அர்த்தனீஸ்வரராக அருள் பாலித்தும் சிவனை மட்டும் வணங்கிய முனிவரை பார்வதியை தஷிணாமூர்த்தியாக மடியில் உட்காரவைத்து வணங்க வைத்தார் என்ற செய்தியும் அரிது
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X