திண்ணை!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

21 ஜூன்
2020
00:00

கண்ணதாசனின், 'சினிமா வரலாறு' நுாலிலிருந்து: 'இல்லை... இந்த பாடல் வரியை அனுமதிக்க முடியாது...' என, கோபத்தில் கொந்தளித்தனர், திரைப்பட தணிக்கைத் துறை அதிகாரிகள்.
'ஏன்...'
'கண்ணதாசன் எழுதிய அந்த வரி தவறு...'
'எப்படி...'
'அது என்ன, மதங்களை படைத்தான் என்று, அவர் எழுதியிருக்கிறார். அதை, மாற்றித் தரச்சொல்லுங்கள்; இல்லாவிட்டால் இந்த பாடலை அனுமதிக்க முடியாது...' என்றனர்.
கண்ணதாசனிடம் கூறினார், தயாரிப்பாளர்.
பாவ மன்னிப்பு படத்தில் இடம்பெற்ற பாடல் வரிகளில் தான் பிரச்னை செய்தனர், தணிக்கைத் துறை குழுவினர்.
'பறவையை கண்டான் விமானம் படைத்தான்; பாயும் மீன்களில் படகினை கண்டான்; எதிரொலி கேட்டான், வானொலி படைத்தான்; எதனைக் கண்டான், மதங்களை படைத்தான்...'
தணிக்கைத் துறையினர் கண்டித்து அனுப்பிய பாடலை வாசித்த, கண்ணதாசன், 'நான், சரியாகதானே எழுதியிருக்கிறேன். அவர்களிடம் போய் சொல்லுங்கள்...' என்றார்.
'இல்லை... மதங்களை கடவுள் உருவாக்கினார். மனிதன் அல்ல...' என, தணிக்கைத் துறை மறுத்தது.
சிரித்தபடியே, 'இது என்ன வேடிக்கை... சிவனோ, விஷ்ணுவோ வந்து, ஹிந்து மதத்தை உண்டாக்கினரா அல்லது அல்லாஹ் வந்து இஸ்லாம் மதத்தை உருவாக்கினாரா... இல்லையென்றால் பரமபிதா வந்து கிறிஸ்தவ மதத்தை படைத்தாரா...
'கடவுள் பெயரை சொல்லி, மனிதர்கள் உருவாக்கியதுதானே அத்தனை மதங்களும்... அதைதானே நான் எழுதியிருக்கிறேன்...' என்றார், கவிஞர்.
தணிக்கைத் துறை திகைத்தது; ஆனாலும், 'ஈகோ' தடுத்தது.
'இல்லை... இல்லை... ஏற்றுக்கொள்ள முடியாது. மாற்றத்தான் வேண்டும்...' என்றனர்.
தலையில் அடித்துக் கொண்டு, 'எதனை கண்டான், பணம்தனை படைத்தான்...' என, மாற்றிக் கொடுத்தார், கண்ணதாசன்.
படத்தில் தான், சிவாஜி, இப்படி பாடுவார். ஆனால், ஒரிஜினல் இசைத் தட்டில், 'மதங்களை படைத்தான்' என்ற வார்த்தை தான் இருக்கிறது.
'பாலிருக்கும் பழமிருக்கும் பசியிருக்காது; பஞ்சணையில் காற்று வரும் துாக்கம் வராது...' என்று, அடுத்த பாடலிலும் அதே பிரச்னை வந்தது.
'அய்யய்யோ அபச்சாரம்... என்ன இது, கண்ணதாசன் இப்படியெல்லாம் எழுத ஆரம்பித்து விட்டார்...' என, சீறியது, தணிக்கைத் துறை.
அப்படி என்ன எழுதியிருந்தார், கண்ணதாசன்.
'காதலுக்கு ஜாதியில்லை மதமும் இல்லையே, கண்கள் பேசும் வார்த்தையிலே பேதமில்லையே; வேதமெல்லாம் காதலையே மறுப்பதில்லையே, அது வேதம் செய்த குருவை கூட விடுவதில்லையே...'
இதில், கடைசி வரியை, நீக்க வேண்டும் என்றனர், தணிக்கைத் துறை அதிகாரிகள்.
'என்னய்யா இது... மந்திரங்களில் சிறந்தது, காயத்ரி மந்திரம். அதை எழுதிய விசுவாமித்திரரையே காதல் விடவில்லையே... அதை தானே நான் எழுதியிருக்கிறேன். என்ன ஆனாலும் சரி, எவர் சொன்னாலும் சரி, இதை நான் மாற்ற மாட்டேன்...' என, பதிலுக்கு, சீறினார், கண்ணதாசன்.
'நீங்கள் சொல்வது சரிதான் கவிஞரே... ஆனால், படம் வெளிவர வேண்டுமே...' என, கெஞ்சினார், தயாரிப்பாளர்.
வேறு வழியின்றி, 'வேதமெல்லாம் காதலையே மறுப்பதில்லையே, அது மேகம் செய்த உருவம் போல மறைவதில்லையே...' என, வேத வரிகள் மாறின.
பாவ மன்னிப்பு படம் வெளியாகி, பாடல்களும், 'ஹிட்' ஆனது. ஆனால், தணிக்கைத் துறையின் கண்களில் மண்ணை துாவி, பாவ மன்னிப்பு பட பாடலில், இந்த ஒரு வரியை மட்டும் மாற்றாமல், அப்படியே விட்டு விட்டார், கண்ணதாசன்.
'மனிதன் மாறி விட்டான், மதத்தில் ஏறி விட்டான்...'
இப்படி அனுபவங்கள் அடிக்கடி ஏற்பட்டதால் தானோ என்னவோ, ஒருமுறை இப்படி எழுதியிருந்தார், அவர்:
நான் இறந்த பிற்பாடு, என்னையே நான் விமர்சனம் செய்து கொண்டால், இப்படித்தான் சொல்வேன்... முட்டாள்களிடையே வாழ்ந்து கொண்டிருந்த கெட்டிக்காரன் ஒருவன், அவர்களோடு பழகத் துவங்கி, முட்டாளாக செத்துப் போனான்.
- கண்ணதாசன்

நடுத்தெரு நாராயணன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (6)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Girija - Chennai,இந்தியா
24-ஜூன்-202010:40:10 IST Report Abuse
Girija கவிஞர் பிராமணராக பிறந்திருந்தால் வாழ்நாள் அரசவை கவிஞர் பதவி கிடைத்திருக்காது.
Rate this:
Cancel
Girija - Chennai,இந்தியா
24-ஜூன்-202000:41:49 IST Report Abuse
Girija கன்னியின் கழுத்தை பார்த்தால் மணம் ஆகவில்லையே (கன்னியின் கழுத்தில் தாலி ?) என்று பாட்டு எழுதி வெட்கம் இல்லாமல் தனக்கு தானே பட்டம் கொடுத்துக்கொண்டவர் எங்கே ? நிஜ கவியரசர் எங்கே ? இந்திரன் தோட்டத்து முந்திரிகள் .. கலியுக தருமிகள் ... அடுத்தவன் பாட்டை திருடி தன் பெயரில் விற்கும் வியாபாரி ...
Rate this:
Cancel
கதிரழகன், SSLC - சிவகங்கை, TN,இந்தியா
22-ஜூன்-202000:11:17 IST Report Abuse
கதிரழகன், SSLC பாவம் கருணாநிதியால நிறைய அடிபட்டாரு
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X