கார்த்திகை பெண்கள் கோவில்!
Advertisement
 
 
 
Advertisement
Advertisement
dinamalar-advertisement-tariff-2021
 
Advertisement
 
எழுத்தின் அளவு:

பதிவு செய்த நாள்

05 ஜூலை
2020
00:00

முருகனை வளர்த்தது கார்த்திகைப் பெண்கள் என்பது, அறிந்த விஷயம். ஆனால், இவர்களுக்கென ஒரு கோவிலில் சன்னிதி இருப்பது தெரியுமா...
சிவகங்கை மாவட்டம், பட்டமங்கலம் மீனாட்சி சுந்தரேஸ்வரர் (தட்சிணாமூர்த்தி) கோவிலுக்கு வந்தால் இவர்களைத் தரிசிக்கலாம்.
பிரம்மாவின் புத்திரர்களான சனகர், சனந்தனர், சனாதனர், சனத்குமாரர் என்ற முனிவர்களுக்கு சிவபெருமான், குருவாக இருந்து, அஷ்டமா சித்திகள் எனும், அதீத சக்திகளைப் பெறுவது பற்றி, உபதேசம் செய்து கொண்டிருந்தார்.
அந்த வேளையில் நிதர்த்தினி, அப்ரகேந்தி, மேகேந்தி, வர்தயேந்தி, அம்பா, துலா ஆகிய ஆறு கார்த்திகைப் பெண்கள் அங்கு வந்தனர். தங்களுக்கும் அஷ்டமா சித்தி பற்றி உபதேசிக்க வேண்டினர்.
அவர்களிடம், 'யார் ஒருவர் அம்பிகைக்கு சேவை செய்கிறாரோ, அவரே அஷ்டமா சித்திகளை பெறும் தகுதியை பெறுவார்...' என்றார், சிவன்.
அப்பெண்கள், அதை விரும்பவில்லை. அம்பிகையை மதிக்காத அவர்களை, கல்லாக மாறும்படி சபித்து விட்டார், சிவன். அவர்கள் கல்லாக மாறி, ஆல மரத்தின் கீழ் கிடந்தனர். தங்கள் தவறுக்கு மன்னிப்பு வேண்டி, சிவனை வழிபட்டனர். அவர்களுக்கு, சுய வடிவம் தந்தார், சிவன்.
இந்த சம்பவம் நடந்த இடமே, பட்டமங்கலம். பிற்காலத்தில், இங்கு, சுந்தரேஸ்வரர், மீனாட்சி மற்றும் கார்த்திகை பெண்கள் சன்னிதிகளை உள்ளடக்கி, கோவில் அமைக்கப்பட்டது.
இக்கோவிலில் விசேஷமானவர், தட்சிணாமூர்த்தி. பொதுவாக தெற்கு நோக்கி இருக்கும் இவர், இங்கு, கிழக்கு நோக்கி அருள்பாலிப்பது விசேஷம். இவரது சன்னிதிக்கு பின்புறம் உள்ள ஆல மரத்தையும் சேர்த்து வலம் வரும் வகையில் அமைந்துள்ளது.
சன்னிதி முன் மண்டபத்தில், ராசிக்கட்டம் இருக்கிறது. குரு பெயர்ச்சி விழா நாட்களில், தட்சிணாமூர்த்தி சன்னிதியில், 108 கலசங்களுடன், கிரகதோஷ பரிகார யாகம் நடக்கும். இந்த யாகசாலையில், ஆறு கார்த்திகை பெண்களும் எழுந்தருள்வர் என்பது சிறப்பு.
குழந்தை இல்லாத தம்பதியர், இங்குள்ள ஆல மரத்தின் விழுதை, மண் நிரப்பிய மூங்கிலுக்குள் பதித்து, 'விழுது இறக்கும் சடங்கு' செய்கின்றனர். இதனால், ஆல மரம் போல வம்சம் தழைக்கும் என்பது நம்பிக்கை.
கோவில் வளாகத்தில் ஏரழிஞ்சி என்ற மரம் உள்ளது. இம்மரத்தில் விளையும் பழத்தின் விதை, மீண்டும் இம்மரத்திலேயே ஒட்டிக்கொள்ளும் தன்மையுடையது.
மதுரையில் இருந்து, 65 கி.மீ., துாரத்திலும், திருச்சியிலிருந்து - புதுக்கோட்டை வழியாக, 90 கி.மீ., துாரத்திலும் திருப்புத்துார் உள்ளது. இங்கிருந்து, 8 கி.மீ., சென்றால், பட்டமங்கலத்தை அடையலாம்.

தி. செல்லப்பா

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (1)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
R PREMALATHAYOGESWARI - Coimbatore,இந்தியா
07-ஜூலை-202013:51:15 IST Report Abuse
R PREMALATHAYOGESWARI கார்த்திகை பெண்களுக்கு ஒரு கோவிலா தக்ஷிணாமூர்த்தி கிழக்கு நோக்கி உள்ளாரா கண்டிப்பாக பார்க்கவேண்டும் . விதை மரத்தில் மீண்டும் ஒட்டிக்கொள்கிறதா அதிசயம் ஆனால் உண்மை
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X