Dinamalar

• Follow Us :
• 
• 
• 
• 
• 

• 

• 

• 

Advertisement

 

 

 

Advertisement

Advertisement

புகைப்பட ஆல்பம்

•  
• 

  ---

  அமெரிக்காவில் மோடி !
• 

  ---

  கலர் மாறும் கல்லணை !

Dinamalar - World's No 1 Tamil News Website

அதிகம்
படித்தவை

அதிகம் விமர்சிக்க
பட்டவை

அதிகம் ஈ-மெயில்
செய்தவை

• இன்று
• கடந்த வாரம்
• கடந்த மாதம்

• இன்று
• கடந்த வாரம்
• கடந்த மாதம்

• ரூ.2.18 கோடி முறைகேடு செய்தவர் 5 சொகுசு கார் வாங்கியது அம்பலம் ஜனவரி 27,2022
• முதல்வர் வேட்பாளர் தேர்வு; 'ராகுல் வார்த்தைக்கு கட்டுப்படுவேன்' - சித்து ஜனவரி 27,2022
• அரசு மருத்துவமனைக்கு உபகரணங்கள் ஜனவரி 28,2022
• சர்வதேச அளவில் சிலம்பத்தில் சாதனை : மாணவர்களுக்கு பாராட்டு ஜனவரி 28,2022
• இதே நாளில் அன்று ஜனவரி 28,2022

• இன்று
• கடந்த வாரம்
• கடந்த மாதம்

 

Advertisement

 

சென்றவாரம்: விடுமுறையில், குற்றால மாளிகைக்கு வந்த வினுவும், மதுவும், மர்மங்களை துப்பறிய முயன்றனர். பொதிகை மலை உச்சிக்கு சென்ற போது, மலைவாசிகள் எய்த அம்புகள் சூழ நடுங்கி நின்றனர். இனி -

கொலை வெறியுடன் பாய்ந்தன அம்புகள்; மது, வினு அருகே மரத்தில் தைத்தன. தைத்த வேகத்தில் நடுங்கின. மது, வினுவின் தலைகளைச் சுற்றி கோலமிட்டு நின்றன. ஆதிவாசிகள் ஓடி வந்தனர்.
கழுத்தில் காட்டு பூக்களால் மாலைகள், இடுப்பில் சாக்கு போன்ற உடை.
மலையாளம் கலந்த தமிழில் பேசினர்.
'இங்கு ஏன் வந்தீங்க...'
'மலையை சுத்திப் பார்க்க...'
'எங்க தங்கியிருக்கீங்க...'
'அதோ அந்த மலை மாளிகையில...'
அமைதியாய் பேசிய ஆதிவாசித்தலைவன், 'ஓ! அந்த பேய் வீட்டிலா...' என்றான்.
'அந்த மாளிகையில் இருக்கிற வயசானவங்க, எங்க தாத்தா, பாட்டி...'
'பொய் சொல்றீங்க; உங்கள உயிருடன் விட்டால் இந்த மலைக்கு ஆபத்து...'
இருப்பிடத்துக்கு அழைத்து சென்றனர்.
அழுதாள் மது.
'ஏன் அழுற...'
'எனக்கு பயமாயிருக்குடா... ஆபத்து காலத்தில் எல்லாம் வந்து காப்பாத்தின கொளஞ்சி இந்தமுறை ஏன் வரல...'
'அதுதான் குழப்பமாயிருக்கு...' என்றவன், மலைவாசிகளின் குல தெய்வச் சிலையை உன்னித்தான்.
'நம்ப கொளஞ்சி...'
அந்த பெயர் உச்சரிப்பை கேட்டதும் ஓடி வந்தான் மலைவாசிகள் தலைவன்.
'எங்க தெய்வத்தோட பெயரை மரியாதை இல்லாம சொல்கிறாயே...'
'கொளஞ்சி உங்க சாமியா... அவர் எங்க நண்பராச்சே...'
'அப்படியா...'
'அவரோட நாலஞ்சு முறை பேசியிருக்கோம். எங்களை பலமுறை ஆபத்துகளில் இருந்து காப்பாத்தி இருக்கிறார்...'
'உண்மையாகவா...'
'உண்மை தான்...'
'எங்களை மன்னிக்கணும்...' என்றபடி, இருவரையும் விடுவித்து மரியாதை செய்தனர். உண்ண, தேனும், கிழங்கும் கொடுத்து உபசரித்தனர்.
'கொளஞ்சி நாதரை, சாமியாக எத்தனை வருஷமா கும்பிடுறீங்க...'
'மூணு தலைமுறையா...'
'மூணு தலைமுறைன்னா ஏறக்குறைய, 100 வருஷமா... நீங்க இப்படி சொல்றீங்க. கொளஞ்சிநாதர் மலை மாளிகையில, 30 வருஷத்துக்கு முன், பண்ணையாளாக வேலை செய்தார்; மிகவும் கெட்டவர்; அவரை, உங்க மூதாதையர் கொன்று விட்டதாக மலையின் கீழ் ஒரு ஆள் சொன்னாரே...'
'அது பொய்... கொளஞ்சி நாதர், 200 வருஷத்துக்கு முன் வாழ்ந்த மகான். அவரைப் பற்றிய அவதுாறு இது...'
'எங்களுக்கும் தெரியும்...'
'சரி... நீங்க யார் குழந்தைகளே...'
'சுற்றுலாப் பயணியாக வந்துள்ளோம்; மலை மளிகை வாசின்னு பொய் சொன்னோம்...'
'உங்களுக்கு எந்தெந்த விதத்தில் கொளஞ்சி நாதர் உதவினார்...'
'அது பெரிய கதை; சொல்ல ஆரம்பிச்சா பொழுது விடிஞ்சிடும்; இன்னொரு நாள் விரிவா சொல்றோம்...'
'நல்லது... இரவு இங்கேயே ஓய்வெடுங்க; காலையில் போகலாம்...'
'இல்லை... இப்போதே புறப்படுறோம்; எங்க பெற்றோர் தேடுவர்...'
'காட்டு மிருகங்கள் சேட்டை அதிகமாக இருக்குமே...'
'பரவாயில்லை... சமாளிக்கிறோம்...'
'துணைக்கு யாராவது...'
'துணையாக கொளஞ்சிநாதர் வருவார்...'
குலதெய்வம் பெயர் சொன்னதும், கன்னத்தில் போட்டுக் கொண்டனர்; முத்தம் கொடுத்து வழியனுப்பினர்.
யோசனையுடன் மதுவும், வினுவும் இறங்கினர்.
சூரியன் எழுந்தது. இருவரும் பல் துலக்கினர். காபி அளித்தாள் செண்பா. குடித்த போது, கடைக்கண்ணால் ஆராய்ந்தாள்; பார்வையில் ஆயிரம் அர்த்தங்கள் இருந்தன.
ஈசிசேரில் அமர்ந்திருந்தார் கொள்ளு தாத்தா; காலடியில் பாட்டி. கண்களில் பயமூட்டும் ஏதோ ஒன்று மிளிர்ந்தது.
'நேத்து ராத்திரி மலை மேல போனீங்களா...'
'ஆமா...'
'அங்க யாரையாவது சந்திச்சீங்களா...'
'யாரையாவதுன்னா...'
'குறிப்பா மலைவாழ் மக்களை...'
'இல்லை; ஏன் தாத்தா கேக்கறீங்க...'
'அவங்க ஆபத்தானவங்க...'
'அப்படியா தாத்தா...'
'ஆமாம்... நீங்க திரும்பிய போது இரவு, 11:00 மணி; இனிமேல் அகால நேரத்தில் மலை மேல் போக வேண்டாம்...'
'சரி தாத்தா...'
'இன்னைக்கு எங்க போறீங்க...'
'தென்காசி டவுனுக்கு...'
'மதிய உணவுக்கு வந்துடுவீங்க அல்லவா... சுப்பையனை அழைச்சிட்டுப் போங்க...'
'இல்லை... டவுன் பஸ்ல போயிட்டு வர்றோம்...'
'பத்திரமா போய் திரும்புங்க...'
அப்போது, வராண்டா கடைசியில் ஏழெட்டு குள்ள உருவங்களைக் கண்டான் வினு. அவை ஓடி ஒளிந்தன.
தாத்தாவுக்கு டாட்டா காண்பித்த படி நடந்தனர்.
தென்காசி ஆலயத்தில் பக்தர்கள் கூட்டம் அதிகம் இருந்தது. சன்னதித் தெருவில் நடந்தனர்.
சிதாரா ஸ்டுடியோ மாடிப்படிகளில் ஏறினர். எடுத்திருந்த போட்டோக்களை பிரிண்ட் போட கொடுத்தனர்.
'பதினைஞ்சே நிமிஷம்...'
நேரம் கரைந்தது; அறைக்குள் போன, ஸ்டுடியோ ஊழியர் வியர்க்க விறுவிறுக்க ஓடி வந்தார்.
'ஏதாவது விளம்பர எழுத்துக்களை தனிதனி ஸ்நாப்களாக எடுத்தீங்களா...'
'இல்லையே...'
மீண்டும் அறைக்குள் புகுந்தார் ஸ்டுடியோ ஊழியர்.
புகைப்படம் எடுக்க வந்தவர்களை வேடிக்கை பார்த்தபடி வினு, மது அமர்ந்திருந்தனர்.
கதவை திறந்து கூடுதல் திகிலுடன் வந்த ஸ்டுடியோ ஊழியர், 'சம்திங் ராங்!' என்றார்.
பிரிண்ட்களை வாங்கியதும் அதிர்ந்தான் வினு.
அவற்றில் -
'ம, ஆ, தி, போ' போன்ற எழுத்துக்கள், குறியீடுகள் போல, சிவப்பு நிறத்தில், ஸ்நாப்புக்கு ஒன்று வீதம் இருந்தன.
எழுத்துகளை கோர்த்து, சொல்லாக்கி படிக்க முயன்றான் வினு.
அது -
வானம் சிவந்து விட்டது
திசை முடிந்து விட்டது
ஓடு!
என்றிருந்தது.
புகைப்பட பிரிண்டுகளுக்கு கட்டணத்தைக் கொடுத்து படிகளில் இறங்கினர்.
'வினு... இதுவும் கொளஞ்சியின் எச்சரிக்கையா...'
'இல்லை மது...'
'தலை சுத்துது...'
'பயப்பட்ட மாதிரி காட்டி கொள்ளகூடாது...' என, எல்லாவற்றையும் கிழித்து, திறந்தவெளி சாக்கடையில் வீசினான்.
புகைப்பட துண்டுகள் உருகி, சிவப்பு குழம்பாய் சாக்கடை நீருடன் கலந்தது.
இப்போது முழு சாக்கடையும் சிவப்பு நிறமாய் பெருக்கெடுத்தோடியது.
புகைப்படத்தை கிழித்த வினுவின் கை முழுக்க சிவப்பு வண்ணம்.
முகத்தில் திகில் படர நின்றாள் மது!
- தொடரும்...

வாசகர்களுக்கு ஓர் அன்பான வேண்டுகோள்.

1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.

2.ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.

3.அவதூறான வார்த்தைகளுக்‌கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும்.

4. வாசகர்கள் தெரிவிக்கும் கருத்துக்களை, அவர்கள் நடையிலேயே எவ்வித அடித்தல், திருத்தல் இன்றி வெளியிட வேண்டும் என்றே நா‌ங்கள் விரும்புகிறோம். அதற்கேற்ப உங்கள் கருத்துக்களை, விமர்சனங்களை நாகரிகமாக பதிவு செய்யுமாறு வேண்டுகிறோம்.

மேலும்

வாசகர் கருத்து

முதல் நபராக கருத்து தெரிவியுங்கள்!

உங்கள் கருத்தைப் பதிவு செய்ய :

My Page

Login :

Log in

Forgot password ?

New to Dinamalar ?

Create an account

வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.

இருப்பினும் இந்த பகுதியில் வெளியாகும் வாசகர்கள் கருத்துக்கள் எவருடைய மனதையாவது புண்படுத்துவதாக கருதினால், அவர்கள் தங்கள் கருத்தாக அதைப் பதிவு செய்தால், அதைப் பரிசீலித்து, அந்த குறிப்பிட்ட கருத்தை தேவைப்பட்டால் திருத்தி வெளியிட உரிய முயற்சி மேற்கொள்ளப்படும். எனினும் இந்த பகுதியில் வெளியாகும் வாசகர்கள் கருத்துக்கள், அவர்களுடைய கருத்துக்களே; அதற்கு தினமலர் நிறுவனம் எந்த வகையிலும் பொறுப்பேற்க இயலாது.

மேலும்

(Press Ctrl+g   to toggle between English and Tamil)

Submit

அன்புள்ள வாசகர்களே!,

நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.