சொன்னதை கேட்டால்!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

12 ஜூலை
2020
00:00

நம் நன்மைக்காக சொல்பவர்களின் பேச்சைக் கேட்டு அதன்படி நடந்தால், கண்டிப்பாக நன்மை விளையும்; தெய்வமே வந்து துயரைத் தீர்க்கும்; சந்தேகமே இல்லை.
பேரையூர் சாந்தலிங்க அடிகள் எனும் மகான், தன் சீடரான, குமாரதேவர் என்பவரை அழைத்து, 'நீ, விருத்தாசலத்திற்கு செல்ல வேண்டும்...' என்றார்.
நுண்ணுணர்வு மிக்கவர்; ஞானம் -தெளிவு கைவரப் பெற்றவர்; ஆகவே, குருநாதரின் வாக்கிற்கு இணங்க, விருத்தாசலத்தை நோக்கிப் புறப்பட்டார்; சின்னச்சேலம் எனும் ஊரை நெருங்கினார், குமாரதேவர்.
வழியில், விருத்தாசல ஈசன்- சிவபெருமான், மானிட வடிவம் தாங்கி வந்து, ஓரிடத்தில் தண்ணீர்ப்பந்தல் வைத்துக் கொண்டிருந்தார்.
குமாரதேவர் அங்கு வந்ததும், 'அப்பா... நீ மிகுந்த தாகத்தோடு இருப்பதாகத் தெரிகிறது. இங்கு எம்மிடம் ஆற்று நீர், ஊற்று நீர், மழை நீர், குளத்து நீர் எனும், நான்கு வகை தண்ணீரும் இருக்கின்றன. வேண்டிய மட்டும் குடித்து, தாகத்தை தீர்த்துக்கொள்...' என்றார்.
தாகம் தீர்த்து, அங்கிருந்து புறப்பட்டு விருத்தாசலத்தை அடைந்த, குமாரதேவர், அங்கே மணிமுத்தாறு கரையில் இருந்த அரச மரம் ஒன்றின் நிழலில் அமர்ந்தார்.
நீண்ட துாரம் நடந்த களைப்பு, குமாரதேவரை வாட்டியது.
அதே நேரத்தில், விருத்தாசலம் கோவிலில், அம்பிகை பெரியநாயகிக்கு, அபிஷேகம் செய்வதற்காக, தங்க பாத்திரத்தில் பசும் பால் எடுத்து வைத்திருந்தனர். அந்த பாலை எடுத்து, ஒரு முதியவள் வடிவில், குமாரதேவரிடம் வந்தாள், அன்னை பெரியநாயகி.
அம்பிகை வந்த நேரத்தில், அசதியில் சற்று கண்ணயர்ந்திருந்தார், குமாரதேவர். அவர் அருகில் உட்கார்ந்தாள், அம்பிகை. மெல்ல குமாரதேவருடைய தலையை துாக்கி, தன் மடியின் மீது வைத்து, தங்க பாத்திரத்தில் இருந்த பாலை, கொஞ்சம் கொஞ்சமாக புகட்டினாள்.
தளர்வு நீங்கி சற்று தெம்பு வந்ததும், கண்களை திறந்து பார்த்தார், குமாரதேவர்.
யாரோ ஓர் அன்னை தனக்கு பால் புகட்டி தளர்வு நீக்கியதை கண்டதும், 'அம்மா... நீங்கள் யார்...' என, கேட்டார்.
முதியவள் வடிவில் இருந்த அம்பிகை, 'அப்பா, குமாரதேவா... நான் தான் பெரியநாயகி. நீ எப்போதும் எம்மிடத்திலேயே நலமாக இரு...' என்று, ஆசி கூறி மறைந்தாள்.
தேடி வந்து அருள் செய்த, அம்பிகை பெரியநாயகியின் கருணையை எண்ணி நெகிழ்ந்தார், குமாரதேவர்.
அற்புதமான ஞான நுால்கள் பலவற்றை எழுதியவர், குமாரதேவர்.
தன் நலனுக்காக, குருநாதர் சொன்ன சொல்லை கேட்டு, அதன்படியே நடந்த, குமாரதேவரை தேடி வந்து, ஈசனும் - அம்பிகையும் அருளாடல்கள் புரிந்து, துயர் தீர்த்த வரலாறு இது.

பி. என். பரசுராமன்

ஆன்மிக தகவல்கள்!
* சனி பகவானுக்கு, வீட்டில் எள் விளக்கு ஏற்றக் கூடாது
* ஈரத் துணியை உடுத்தி பூஜைகள், ஜபங்கள் செய்யக் கூடாது.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (3)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
R PREMALATHAYOGESWARI - Coimbatore,இந்தியா
15-ஜூலை-202023:14:15 IST Report Abuse
R PREMALATHAYOGESWARI பேரையூர் சாந்தலிங்க அடிகளைப்போல ஒரு குருவும் இல்லை, குமாரதேவர் போல ஒரு சிஷ்யரும் இல்லை. ஆனால் குரு பூர்ணிமா கொண்டாடுவோம் . நமது ஒவ்வொரு அணுவிலும் சுயநலம் கலந்துள்ளது. பொதுநலமாய் சிந்தித்து செயல்பட்டால் நாமும் குருதான். சிஷ்யர்களை உருவாக்கலாம். குருவாக இருக்க தயாரா என்று நம்மைநாமே கேட்டுக்கொள்ளவேண்டும்.
Rate this:
Cancel
R PREMALATHAYOGESWARI - Coimbatore,இந்தியா
15-ஜூலை-202023:07:36 IST Report Abuse
R PREMALATHAYOGESWARI குருவின் திருவடியைப் பற்றினால் இறைவனை தொழுவதற்குசமம். எனவே குமாரதேவர் குருநாதர் சொன்ன வார்த்தைகளை நம்பி வந்தது எவ்வளவு பெரிய அளவில் ஞானநூல்களை எழுதினார். அம்பிகையின் அருள் கிடைக்கும்என்று அவர் எண்ணி செல்ல வில்லை. நல்லவர் பாதையில் சென்று அந்த இறைவனை தரிசிக்க வேண்டும்.
Rate this:
Cancel
Manian - Chennai,இந்தியா
12-ஜூலை-202006:28:22 IST Report Abuse
Manian ஐயா பரசுராமரே, எங்கள் பொருளார் வேலூர் நிலத்தடி நீர் உறிஞ்சியார் துரைமுருகனுக்கு என் மூலம் தெய்வ நாயகி ஒரு செல்லடிச்சிருந்தா, இம்மா நேரம் நாடு பூரா மருந்துப் பால்னு நிலத்தடி நீர் கலந்து நாங்கதான் பால் வெயவாரம் செய்துகிட்டுருப்போமே "துப்பறியும் துண்டு சீட்டு சுடலை"
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X