திண்ணை!
Advertisement
 
 
 
Advertisement
Advertisement
dinamalar-advertisement-tariff-2018
 
Advertisement
 
எழுத்தின் அளவு:

பதிவு செய்த நாள்

26 ஜூலை
2020
00:00

ஜூலை 27, அப்துல் கலாம் நினைவு தினம்

கண்ணப்பன் பதிப்பகம், விருதை ராஜா எழுதிய, 'ஏவுகணை நாயகன் அப்துல் கலாம்' நுாலிலிருந்து: மும்பையில் உள்ள, நேரு அறிவியல் மையத்தில் நடைபெற்ற நிகழ்ச்சி ஒன்றில், தன், எஸ்.எல்.வி., திட்ட அனுபவங்கள் குறித்து பேச சென்றார், கலாம்.
அச்சமயம், கலாமிடம் தொலைபேசியில், 'பிரதமர் இந்திரா, தங்களை அழைத்துள்ளார். உடனே, தாங்கள் டில்லிக்கு வரவும்...' என, கூறினார், திட்ட தலைவரும் பேராசிரியருமான, தவான்.
தகவலறிந்த கலாம், இந்திராவின் அழைப்பை ஏற்று, டில்லி சென்றார். பார்லிமென்டில், பேரவை உறுப்பினர்களான, ராஜ்ய சபா மற்றும் லோக்சபா உறுப்பினர்கள் கூடியிருந்தனர்.
எஸ்.எல்.வி., - 3 ஏவுகணை பயண திட்ட வெற்றி குறித்து, கலாமிற்கு, புகழாரம் சூட்டினார், பிரதமர் இந்திரா.
இந்திய விஞ்ஞானிகள் அனைவரும் பாராட்டி பேசினர். கலாமை பேசும்படி அழைத்தார், இந்திரா.
அவரின் அன்பு கட்டளையை ஏற்று பேச ஆரம்பித்தார், கலாம்...
'மேதகு பாரத பிரதமர் அவர்களே, மாண்புமிகு நாடாளுமன்ற உறுப்பினர்களே, பாரதத்தை மேம்படுத்தும் தங்களோடு பேசுவதில் பெருமகிழ்ச்சி கொள்கிறேன். எனக்கு, ராக்கெட், செயற்கைகோள், எஸ்.எல்.வி., - 3 போன்ற விண்வெளி திட்டங்களில் இணைந்து, வெற்றிகரமாக செயல்பட முடியும்.
'அதன் வழியாக, நம் நாட்டின் அறிவியல் ஆற்றலை உலகுக்கு நிரூபிக்க, இத்தகைய அரிய வாய்ப்பை வழங்கிய உங்கள் அனைவருக்கும் நன்றியை தெரிவித்துக் கொள்கிறேன்...' என்றார்
சுருங்கக் கூறி விளங்க வைத்த அவரது பேச்சு, அனைவரையும் கவர்ந்தது.

பசுமைக்குமார் எழுதிய, 'அறிவொளியூட்டும் அப்துல் கலாம்' நுாலிலிருந்து: டில்லி பாதுகாப்பு அமைச்சகத்தின் தொழில்நுட்ப வளர்ச்சி மற்றும் (உற்பத்தி விமானம்) இயக்குனரகத்திலிருந்து ஒரு நேர்முக தேர்வுக்கு அழைப்பு வந்தது.
இதில் கலந்துகொண்ட, அப்துல் கலாமுக்கு, வெற்றி கிட்டவில்லை.
குழம்பிய, கலாம், ரிஷிகேஷம் சென்றார். அங்கு, கங்கையில் நீராடி, சற்று உயரமான இடத்திலிருந்த, சிவானந்தர் ஆசிரமத்திற்கு சென்றார்.
சுவாமி சிவானந்தரை சந்தித்து, அறிமுகம் செய்து, வானில் பறக்க வேண்டும் என்ற ஆசை, நிராசையாகி விட்டதையும், இந்திய விமானப் படையில் சேர முடியாமல் போனதையும் கூறினார், கலாம்.
அதற்கு, சுவாமி சிவானந்தர் கொடுத்த அறிவுரை இது தான்...
'வாழ்க்கையின் போக்கிலேயே போ... விமானப் படை விமானியாக வரவேண்டும் என்பது, உனக்கு விதிக்கப்படவில்லை. உனக்கு, விதிக்கப்பட்டது ஏற்கனவே தீர்மானிக்கப்பட்டு விட்டது. அது, இப்போது வெளிப்படாமல் இருக்கலாம்.
'இந்த தோல்வியை மறந்து விடு; உனக்கு விதிக்கப்பட்டுள்ள இடத்தை சென்றடைய இது வழி காட்டும். உன் இருப்புக்கான உண்மையான தேடலை துவங்கு. உன்னுடைய காலத்தோடு சேர்ந்து விடு...'
இந்த அறிவுரை, அவருக்கு, தெளிவை தந்தது. அத்துடன், வாழ்நாள் முழுவதும் மனதில் நிலைத்து விட்டது.

கடந்த, 1968ல், தன்னை வந்து சந்திக்கும்படி, அப்துல் கலாமை அழைத்திருந்தார், இந்தியாவின் அணுசக்தி தந்தை என, கருதப்படும், விக்ரம் சாராபாய்.
இந்த சந்திப்புக்கு குறிப்பிடப்பட்டிருந்த நேரம், அதிகாலை, 3:30 மணி.
இதற்காக, டில்லி, ஓட்டல் அசோகாவுக்கு, இரண்டு மணி நேரம் முன்பே சென்று விட்ட, அப்துல் கலாம், ஒரு சோபாவில் அமர்ந்தார். அங்கு, யாரோ விட்டுச் சென்ற ஒரு புத்தகத்தை எடுத்து ஆர்வமாக புரட்டினார்.
நாடக மேதை, பெர்னாட்ஷா கூறிய வாசகம் ஒன்று, அதில் மேற்கோள் காட்டப்பட்டிருந்தது. அந்த வாசகம், அவரை கவர்ந்தது.
'நல்லவர்கள் எல்லாரும் உலகத்துக்கு ஏற்றபடி, தங்களை மாற்றிக் கொள்கின்றனர். முரண்பாடுகள் கொண்ட சிலர் மாத்திரம், தங்களுக்கு ஏற்றபடி, உலகை மாற்றியமைக்க தொடர்ந்து பாடுபடுகின்றனர். இந்த முரண்பாடு கொண்ட நபர்களால் தான், உலகின் எல்லா முன்னேற்றங்களும் சார்ந்திருக்கின்றன. மேலும், அவை, அவர்களின் புதிய கண்ணோட்டத்தையும் நம்பி உள்ளன...' இந்த வாசகம், அப்துல் கலாம் எண்ணத்தில், புதிய கண்ணோட்டத்தையே உருவாக்கி விட்டது.

நடுத்தெரு நாராயணன்

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (3)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
R PREMALATHAYOGESWARI - Coimbatore,இந்தியா
27-ஜூலை-202000:26:41 IST Report Abuse
R PREMALATHAYOGESWARI துன்பத்தை அடைந்தாலும் அதிலிருந்து வந்த சிந்தனை அவரை செம்மையாக்கியது. இந்த நிலையில் பெர்னாட்ஷா அவர்கள் புத்தகம் கலாம் ஐயா அவர்களின் கண்ணோட்டத்தை மாற்றியதை அறிந்தேன்
Rate this:
Cancel
Girija - Chennai,இந்தியா
26-ஜூலை-202022:07:17 IST Report Abuse
Girija அக்னி சிறகுகளில் இன்னும் விவரமாக எழுதியுள்ளார் அப்துல் கலாம் .
Rate this:
Cancel
Manian - Chennai,இந்தியா
26-ஜூலை-202004:59:51 IST Report Abuse
Manian தன் நம்பிக்கை,ஆராயும் சிந்தனை, தேடல்,,நன்றி மறவாமை நிறைந்த நிறைகும்.
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X