மஞ்சளை நுகர்ந்து பாருங்கள்... கொரோனாவை காட்டிக் கொடுக்கும்!
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

30 ஜூலை
2020
00:00

''நாக்கில் சுவையும், மூக்கில் வாசனையும் எப்போதும் போல் இருந்தால், நீங்கள் பயப்பட வேண்டாம். சுவையும், வாசனையும் தெரியவில்லை என்றால், பரிசோதனை அவசியம்,'' என்கிறார் சித்த மருத்துவர் ராஜலிங்கம்.

சித்தாவில் கொரோனா எதிர்ப்பு சக்தி மருந்து உள்ளதா?
ஏற்கனவே பல வைரஸ் நோய்கள் உள்ளன. காலம் காலமாக, இந்த நோய்களுக்கு சித்தாவில் வைத்தியம் செய்து, நோய்களை குணப்படுத்தி வருகிறோம். இப்போது கொரோனா என்ற பெயர்தான் நமக்கு புதியதே தவிர, நோயின் தன்மை பழையதுதான்.
இதற்கு சித்தாவில் மருந்து உள்ளது. இதை மருந்து என்று சொல்வதை விட, உணவு என்றுதான் சொல்ல வேண்டும். ஒருவருக்கு வைரஸ் காய்ச்சல் வந்து விட்டால், அதற்கு மருந்தாக ஒரு ஸ்பூன் வெந்தயம், 10 மிளகு, ஐந்து வேப்பிலையை வறுத்து, தண்ணீரில் கொதிக்க வைத்து, குடிக்க சொல்கிறோம். இதில் ஆன்டி வைரல் குணம் இருக்கிறது. சிக்குன்குன்யா, டெங்கு காய்ச்சலை கூட இது கட்டுப்படுத்தும்.

சாதாரணமாக சளி, இருமல், காய்ச்சல் வந்தாலே மக்களுக்கு கொரோனா பயம் வந்து விடுகிறதே?
உண்மைதான். நாக்கில் சுவையும், மூக்கில் வாசனையும் எப்போதும் போல் இருந்தால், பயப்பட வேண்டாம். சுவையும், வாசனையும் தெரியவில்லை என்றால் பரிசோதனை அவசியம்.

சைனஸ் உள்ளவர்களுக்கு, சித்தாவில் தீர்வு இருக்கிறதா?
ஏற்கனவே சைனஸ் பிரச்னை உள்ளவர்களுக்கு, இந்த சீசனில் மூக்கு அடைப்பு, முகத்தில் அரிப்பு, தலைவலி, தொண்டைவலி போன்ற பிரச்னைகள் வரும். இதற்கு ஏற்கனவே என்ன வைத்திய முறையில் மருந்து, மாத்திரைகள் எடுத்து கொண்டார்களோ, அதை எடுத்து கொண்டாலே போதும்.இது கொரோனாவாக இருக்குமோ என்று சந்தேகம் இருந்தால், கொஞ்சம் மஞ்சள் பொடியை, மூக்குக்கு அருகில் வைத்து முகர்ந்து பார்த்தால், அதன் வாசனை தெரியும். வாசனை இல்லை என்றால் மருத்துவரை, அவசியம் பார்க்க வேண்டும்.

மருத்துவர் வீரபாபு, கொரோனாவை குணமாக்க கொடுக்கும் மூலிகை தேநீர் பற்றி சொல்லுங்களேன்?
சித்த மருத்துவர் வீரபாபு, கபசுரக் குடிநீருக்கு துணை மருந்தாக, மூலிகை தேநீரையும் சேர்த்து கொடுத்து, தமிழக அரசின் ஒத்துழைப்புடன், கொரோனாவை குணப்படுத்தி வருகிறார். இதை நாம் வீட்டிலேயே தயாரித்து குடிக்கலாம். சுக்கு, 100 கிராம், அதிமதுரம், 100 கிராம், சித்தரத்தை, 30 கிராம் கடுக்காய்த்தோல், 30 கிராம் மஞ்சள், 10 கிராம், திப்பிலி, ஐந்து கிராம், ஓமம் ஐந்து கிராம், கிராம்பு ஐந்து கிராம், மிளகு ஐந்து கிராம் இவற்றை இடித்துப் பொடி செய்து, வைத்து கொள்ள வேண்டும். 400 மில்லி நீரில் இந்த பொடியை, 10 கிராம் அளவு போட்டு, நன்கு கொதிக்க விடவும்.இந்த கசாய நீர், 100 மி.லி., அளவாக வற்றியதும், ஒரு தேக்கரண்டி நாட்டுச் சர்க்கரை அல்லது தேன் சேர்த்து இறக்கி, இளம் சூடாக வடிகட்டி, காலை மற்றும் இரவு உணவுக்கு பின் குடிக்கலாம்.இந்த மூலிகை தேநீரை, நோய் பாதிப்பு உள்ளவர்கள் ஒரு வேளைக்கு, 100 மில்லியும், சிறுவர்கள், 50 மில்லியும் குடிக்கலாம். கொரோனா இல்லாதவர்கள் நோய் எதிர்ப்பு சக்தியை அதிகரிக்க, இதை தினமும் ஒருவேளை வீதம் காலையில் குடிக்கலாம்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (7)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
Sivagiri - chennai,இந்தியா
03-ஆக-202009:15:18 IST Report Abuse
Sivagiri இத்தனையும் வாங்குவது கஷ்டம் / அதை பக்குவமாக காய்ச்சி எடுப்பது மகா‌ கஷ்டம் - சாதாரணமாக வீட்டில் சமைக்கவே முடியாமல் சுவிக்கி/சொமோட்டோ என்று ரெடிமேட் யுகமாகி விட்ட காலத்தில் . .‌‌‌.‌
Rate this:
Yaro Oruvan Vs திருடர் முன்னேற்ற கழகம் - DUBAI,ஐக்கிய அரபு நாடுகள்
03-ஆக-202017:08:03 IST Report Abuse
Yaro Oruvan Vs திருடர் முன்னேற்ற கழகம்  ஒவ்வொரு ஊரிலும் நாட்டு மருந்துக்கடை உள்ளது.. மளிகை கடை மாதிரி லிஸ்ட் கொடுத்தால் எல்லாம் ஒரே கடையில் கிடைக்கும்.. இத்தனை நாள் நாட்டு மருந்து கடைகளை மக்கள் ஏறெடுத்து பார்க்கவில்லை.. இனிமேலாவது பாருங்கள்.. பார்ப்பீர்கள்.. பிஜா பர்கர் அத்தனை நாளைக்கி? சுவிக்கி/சொமோட்டோ எத்தினி நாளைக்கு??...
Rate this:
VELAN S - Chennai,இந்தியா
05-ஆக-202022:18:29 IST Report Abuse
VELAN Sஅதில்லேங்கோ , இப்ப சுக்கு ஓகே , இவிங்க சொல்ற மற்ற சாமான் எல்லாம் இ ந்த நாட்டு மருந்த்து கடையிலே நம்பி வாங்க முடியுமா , என்பது கேள்விக்குறி , இவங்க சொல்றாங்களே இந்த அதிமதுரம், சித்தரத்தை இதெல்லாம் நான் பார்த்த சில மருந்து கடைகளில் புழு பிடித்து போயி இருந்தது , அதை வாங்கி நாம இந்த மாதிரி கசாயம் செய்து குடிக்க ,அது நோயை குணப்படுத்துவதற்கு பதிலாக , புதியதாக , வயிற்று பேதியாகி வேற நோயில் விழுந்து விடுவோம் . இதனாலே , இந்த மருந்துகளை கட்டுப்படுத்த , இவைகளை பாட்டிலில் அடைத்து எக்ஸ்பயரி தேதி அதில் குறிப்பிட வேண்டும் . அப்போதுதான் , இந்த தமிழ் மருந்துகளை நம்பி வாங்க முடியும் , இல்லையெனில் நம் நோய் தீர்வதற்கு பதிலாக வேறொரு நோய் நமக்கு வந்து விடும் . எனவே , நல்ல கடையில் நன்கு கவனித்து நாட்டு மருந்துகளை வாங்கவும் ....
Rate this:
Cancel
venkatesaperumal - sivakasi,இந்தியா
02-ஆக-202011:09:19 IST Report Abuse
venkatesaperumal அருமையான பயன்வுள்ள தகவலுக்கு நன்றி
Rate this:
s.rajagopalan - chennai ,இந்தியா
03-ஆக-202016:02:35 IST Report Abuse
s.rajagopalanஒரு packet இல் இந்த அளவு வைத்து செயல் முறையயும் உறையின் மீது விளக்கி கொடுத்தால் மிக்க உதவியை இருக்கும்....
Rate this:
Cancel
krishnamurthy - chennai,இந்தியா
01-ஆக-202019:32:51 IST Report Abuse
krishnamurthy எளியது அனால் பலன்தருவது
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X