அந்துமணி பா.கே.ப.,
Advertisement
 
 
 
Advertisement
Advertisement
dinamalar advertisement tariff
 
Advertisement
 
எழுத்தின் அளவு:

பதிவு செய்த நாள்

16 ஆக
2020
00:00

பா-கே-ப

ஆகஸ்ட் 5, காலை, 11:30 மணி. ஊழியர்களுக்கு, டீ கொடுத்து விட்டு, அன்று, அஞ்சலில் வந்த கடிதங்களை பிரித்து வைக்கும் பணியில் இருந்தேன்.
'டிவி'யில், அயோத்தியில், ராமர் கோவிலுக்கு அடிக்கல் நாட்டும் பூமி பூஜையில், பிரதமர் மோடி கலந்து கொண்ட காட்சி ஒளிபரப்பாகிக் கொண்டிருந்தது.
தனக்கு, 'ஒர்க் பிரம் ஹோம்' கொடுக்கவில்லை என்ற கடுப்பில் அமர்ந்திருந்தார், லென்ஸ் மாமா; அது, முடியாதல்லவா...

அந்நேரம், ஜோல்னாபை சகிதம் உள்ளே நுழைந்தார், 'திண்ணை' நாராயணன். 'டிவி'யில் ஒரு கண்ணை பதித்துக் கொண்டிருந்த, மாமாவை பார்த்து, 'ஜெய் ஸ்ரீராம்' என்று கைகளை உயர்த்தினார்.
மேலும், கடுப்பான லென்ஸ், 'இவருக்கு, கொதிக்க கொதிக்க டீ கொடுப்பா... நாலு நாளைக்கு பேச முடியாம போகட்டும்...' என்று எரிச்சல்பட்டார்.
மாமாவுக்கு, 'மூடு' சரியில்லை என்றதும், என்னிடம் பேச்சு கொடுத்தார், நாராயணன். அவர் கூறுவதை கேட்டுக் கொண்டாலும், அவர் கையில் இருந்த புத்தகத்தில் என் கவனம் சென்றது.
கண்ணதாசன் எழுதிய, 'எண்ணங்கள் ஆயிரம்' புத்தகத்தை வாங்கி, புரட்டினேன். அதில் ஒரு அத்தியாயம்:
நான் ஒரு இந்து என்பதில் பெருமைப்படுகிறேன்.
எல்லா மதத்தினரையும் மனமார நேசிக்கிறேன்; ஆனால், இந்துவாகவே வாழ விரும்புகிறேன்.
நான், கடவுளை நம்புகிறேன்; அவனை காட்டியவனை போற்றுகிறேன்; அந்த கடவுளை கல்லிலும், கருத்திலும் கண்டு வணங்குகிறேன்.
ஆன்மா இறைவனோடு ஒன்றிவிடும்போது, அமைதி, இதயத்தை ஆட்சி செய்கிறது.
நாணயம், சத்தியம், தர்மம் இவற்றின் மீது நம்பிக்கை பிறக்கிறது.
நேரான வாழ்க்கையை இதயம் விரும்புகிறது. பாதகங்களை, பாவங்களை கண்டு அஞ்சுகிறது.
குறிப்பாக, ஒரு இந்துவுக்கு, தன் மத அமைப்பின் மூலம் கிடைக்கும் நிம்மதி, வேறு யாருக்கும் கிடைப்பதில்லை.
கடைசி நாத்திகனையும், அது ஆத்திகன் என்றே அரவணைத்துக் கொள்கிறது.
'என்னை திட்டுகிறவன் தான், என்னை அடிக்கடி நினைத்துக் கொள்கிறான்; ஆகவே, அவன் தான் முதல் பக்தன்...' என்பது இறைவனின் வாக்கு.
இந்து மதத்தை போல், சகிப்புத்தன்மை வாய்ந்த மதம் உலகில் வேறு எதுவும் இல்லை.
நீ பிள்ளையாரை உடைக்கலாம்; பெருமாள் நாமத்தை அழிக்கலாம்; மத சின்னங்களை கேலி செய்யலாம்; எதைச் செய்தாலும், சகித்துக் கொள்கிறான், இந்து.
ஏதோ பரம்பரையாகவே பகுத்தறிவாளனாக பிறந்தது போல் எண்ணி, பாத்திரத்தை நிரப்புவதற்காகவே சாஸ்திரத்தை கேலி செய்யும் பகுத்தறிவு தந்தைகள், மற்ற மதத்தின் மீது கை வைக்கட்டும் பார்க்கலாம்...
கடந்த, 40 ஆண்டுகளில், ஒரு நாளாவது அதற்கான துணிவு ஏற்பட்டதாக தெரியவில்லை.
பாவப்பட்ட இந்து மதத்தை மட்டுமே தாக்கித் தாக்கி, அதை நம்புகிற அப்பாவிகளிடம், 'ரேட்டு' வாங்கி, சொத்து சேர்க்கும், 'பெரிய' மனிதர்களைத்தான் பார்த்திருக்கிறேன்.
அவர்கள் பேசுகிற நாத்திக வாதம், 'குடும்பம் நடத்தும் வியாபாரம்' என்பதை அறியாமல், வாழ்க்கையையே இழந்து நிற்கும் பல பேரை நான் அறிவேன்.
பருவ காலத்தில், சருமத்தின் அழகு மினுமினுப்பதை போல், ஆரம்ப காலத்தில், இந்த வாதத்தை கேட்டு, ஏமாந்தவர்களில் நானும் ஒருவன்.
நடிகையின், 'மேக் - அப்' கண்டு ஏமாறுகிற சராசரி மனிதனை போல், அன்று, இந்த வாதத்தை கேட்டு, நானும் ஏமாந்திருக்கிறேன்.
அந்த கவர்ச்சி, எனக்கு குறுகிய கால கவர்ச்சியாகவே இருந்ததற்கு காரணம், இறைவனின் கருணை தான்.
என்னை அடிமை கொண்ட கண்ணனும், ராமனும், இன்று சந்திர மண்டலத்துக்கு பயணம் போகும் அமெரிக்காவையே அடிமை கொண்டு, ஆன்மிக நெறியில் திளைக்க வைத்திருக்கின்றனர்.
வேண்டுமானால், 'பணத்தறிவில்' முன்னேறி விட்டது என்று சொல்லலாம்.
ஆளுங்கட்சியாக எது வந்தாலும், ஆதரித்து, தன் கட்சியும் உயிரோடு இருப்பதாக காட்டி, எது கொடுத்தாலும் வாங்கி, வாழ்க்கையை சுகமாக நடத்துவதற்கு, இந்த நாத்திக போலிகள் போட்டிருக்கும் திரை, பகுத்தறிவு!
உலகில், நாத்திகம் பேசியவன் தோற்றதாக வரலாறு உண்டே தவிர, வென்றதாக இல்லை.
இதை உலகெங்கும் நிரூபித்து வருகிறான், இறைவன்.
அவர்கள் எப்படியோ போகட்டும்.
இந்த சீசனில் வாழ்ந்து கொண்டிருக்கும் சில மனிதர்கள், கோவில்களுக்கு முன், பகுத்தறிவு விளையாட்டு விளையாடி பார்க்கலாமென்று கருதுகின்றனர். இதை அனுமதித்தால், விளைவு மோசமாக இருக்கும்.
நம்பிக்கை இல்லாதவன், கோவிலுக்கு போக வேண்டாம். நம்புகிறவனை தடுப்பதற்கு அவன் யார்?
அப்பாவி இந்துக்கள் பேசாமல் இருக்க இருக்க, சமுதாய வியாபாரிகள் கோவிலுக்கு முன் கடை வைக்க துவங்குகின்றனர்.
வெள்ளைக்காரனின் கால்களை கட்டிப்பிடித்து, 'போகாதே போகாதே என் கணவா...' என்று பாடியவர்களுக்கு, நாட்டுப் பற்று எங்கிருந்து வரும்!
நாட்டுப் பற்று இல்லாதவர்களுக்கு, தெய்வப் பற்று எங்கிருந்து வரும்!
தெய்வப் பற்று இல்லாதவர்களுக்கு, நாணயம், நேர்மை இவற்றின் மீது நம்பிக்கை எங்கிருந்து வரும்!
தமிழகத்தின் 7 கோடி மக்களில், நீங்கள், சலித்து சலித்து எடுத்தாலும், நாலாயிரம் நாத்திகர்களை கூட காண முடியாது.
பழைய நாத்திகர்களை எல்லாம் நான் பழநியிலும், திருப்பதியிலும் சந்தித்துக் கொண்டிருக்கிறேன். ஆகவே, இந்த காரியங்களுக்கு, யாரும் துணை வரமாட்டார்கள்.
- இப்படி எழுதியுள்ளார்.
படித்து முடித்ததும், இன்றைய, 'கருப்பர்' கூட்டத்தின் நிலையையும், கண்ணதாசன் எழுதியதையும் ஒப்பிட்டுப் பார்த்துக் கொண்டேன்!
லென்ஸ் மாமாவை காணோம்... ஏதோ, 'அசைன்மென்ட்'டில் வெளியில் சென்று விட்டார்.

Advertisement

 



வாசகர்களுக்கு ஓர் அன்பான வேண்டுகோள்.
1.செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
வாசகர் கருத்து (6)
  • புதியவை
  • பழையவை
  • அதிகம் விவாதிக்கப்பட்டவை
  • மிக மிக தரமானவை
  • மிக தரமானவை
  • தரமானவை
வழிப்போக்கன் - Somerville, MA,யூ.எஸ்.ஏ
24-ஆக-202003:43:29 IST Report Abuse
வழிப்போக்கன் போகாதே இந்தியாவை விட்டு போகாதே - பிரிட்டிஸ்காரனே என்று காலில் விழுந்து மன்றாடியவர் ஈ வே ராமசாமி நாயக்கர் என்பதை பற்றி படித்து இருக்கிறேன் இன்று அது கண்ணதாசன் வேறு சொல்லி காண்பித்து விட்டார் - அவர் அவர்களுடன் நெருங்கி இருந்தவர் ஆச்சே குடும்ப வளர்ப்பு என்பதும் என்றோ சொல்லப்பட்ட ஒன்று - கண்ணதாசன் என்று எழுதினாரோ அவரே நாற்பது ஆண்டுகள் ஆக ஏமாற்றி கொண்டு இருக்கிறார்கள் (வேறு யார் முக மற்றும் வீரமணி வம்சம்) என்று எழுதி இருக்கிறார் என்றா இந்த பிசினஸ் எத்தனை தலைமுறையாக இன்னமும் நடந்து கொண்டு ருக்கிறது ? திமுக ஒழிந்தால் தமிழ்நாடு வளம் பெரும். அதற்காக பிஜேபி வரவேண்டாம் மக்கள் நீதி மையமும் வேண்டாம்.
Rate this:
Cancel
R PREMALATHAYOGESWARI - Coimbatore,இந்தியா
23-ஆக-202016:54:15 IST Report Abuse
R PREMALATHAYOGESWARI பொறாமை ,வஞ்சனை, பொய் சொலல் , ஏமாற்றம் செய்தல்,நம்பியவரை கைவிடல், தீயவை சொலல் , துரோகம் , நாம் மேலே வருவதற்கு மற்றவரை ஒன்றுமில்லில் ஆக்குதல் போன்ற எண்ணற்ற தீய குணங்களை அழிக்கும் முயற்சியில் அவரவர் தம் மதங்களின் மூலம் முயற்சி செய்து கொண்டு செயல்பட்டுக்கொண்டுள்ளனர்.
Rate this:
Cancel
R PREMALATHAYOGESWARI - Coimbatore,இந்தியா
23-ஆக-202016:46:44 IST Report Abuse
R PREMALATHAYOGESWARI மதங்கள் அனைத்தும் போதிப்பது அன்பு ஒன்றையே. ஆனால் யாரும் யாரையும் இழிவு படுத்தும் வகையில் இந்த பிரபஞ்சத்தில் நடந்து கொள்ளகூடாது
Rate this:
Cancel

உங்கள் கருத்தைப் பதிவு செய்ய :
Login :
New to Dinamalar ?
வாசகர்கள் கருத்துப் பகுதியில் வெளியாகி இருக்கும் கருத்துக்கள், உரிய முறையில் தணிக்கை செய்யப்பட்டே வெளியி‌டப்படுகின்றன.
(Press Ctrl+g   to toggle between English and Tamil)
Upload Photo
அன்புள்ள வாசகர்களே!,
நீங்கள் கருத்துப் பதிவு செய்ய LOGIN செய்ததும், My Page என்ற பட்டனை கிளிக் செய்து. அதில் உங்கள் புகைப்படம், மெயில் முகவரி, ஊர், நாடு ஆகியவற்றைப் பதிவு செய்ய புதிய வசதி செய்யப்பட்டுள்ளது. ஏற்கனவே பதிவு செய்த புகைப்படத்தை நீக்கவும் வசதி உள்ளது. மேலும் இதுவரை நீங்கள் தெரிவித்த கருத்துக்களைத் தொகுப்பாக பார்த்துக் கொள்ளலாம். இந்த புதிய வசதியை வாசகர்கள் முழுமையாக பயன்படுத்திக் கொள்ள விரும்புகிறோம். உங்களுடைய புகைப்படத்தை மட்டுமே பதிவு செய்யவும்; வேறு எந்த புகைப்படத்தையும் பதிவு செய்ய வேண்டாம்.

We use cookies to understand how you use our site and to improve user experience. This includes personalising content and advertising. By continuing to use our site, you accept our use of cookies, revised Privacy Policy.

Learn more I agree X